2026-cı il yaxınlaşır...

Bakı:

7 °C

87 %

3 m/s

Əlaqə

AZ RU EN

Ana səhifə / Arxiv / 2026-cı il yaxınlaşır...

2026-cı il yaxınlaşır...

17.12.2025 [08:51]

Bayram süfrəsi neçəyə başa gəlir?

Yeni ilin gəlməsinə sayılı günlər qalıb. 2025-ci ili geridə qoyub, 2026-cı ili qarşılamağa hazırlıqlar görürük. Hər kəsin Yeni ildən gözləntiləri fərqli olsa da, ortaq arzumuz sevdiklərimizlə xoşbəxt, dinc və sağlam bir il keçirməkdir. Təbii ki, digər bayramlar kimi Yeni ilin də olmazsa-olmazı bayram süfrəsidir. “Yeni ili necə qarşılasan, bütün il də elə keçəcək”, deyirlər. Ona görə də bayram süfrələrini hazırlamaq üçün, “yaxşı bazarlıq” etmək vacibdir.

Qiymətlər isə hər ailə üçün büdcə hesabını yenidən gündəmə gətirir. Ərzaq məhsullarının qiyməti, həmçinin restoranlardakı Yeni il menyuları əvvəlki illərə nisbətən fərqlidir. Bu il ölkəmizdə orta statistik ailə üçün Yeni il süfrəsi neçəyə başa gələcək?

4 nəfərdən ibarət ailə üçün...

Orta statistik 4 nəfərdən ibarət ailə bayram süfrəsini standart yeməklərlə - salat, dolma, plovla bəzəmək istəsə, xərclər belə olur: toyuq ətinin 1 kiloqramı orta hesabla 7-9 manat, digər ət məhsullarının qiyməti isə 18-20 manat arasında dəyişir.

Salatlar və tərəvəzlər isə xırda görünən, amma toplandıqda əhəmiyyətli xərc yaradan kateqoriyadır. Salat üçün tərəvəz və göyərti 15-17 manat, mayonez və souslarla birlikdə isə 20-23 manat xərclənir.

Plov üçün ayrıca xərc tələb olunur: 1 kq düyü 3,80 AZN, 1 kq qayısı 9-12 AZN, 1 kq kişmiş 8-14 AZN, 1 kq şabalıd 8 AZN, 1 kq soğan 0,40-0,90 AZN, 1 kq ət isə 17-20 AZN təşkil edir.

Orta səviyyəli tortun qiyməti 25-35 manat, 1-2 kq konfetlə birlikdə 45-50 manat xərcə başa gəlir. Meyvə isə süfrənin ayrılmaz hissəsidir: almanın kilosu 1,8-2,5 manat, portağalın kilosu 2-3 manat, banan isə 3-4 manat təşkil edir. 4 nəfərlik ailə üçün meyvə xərcləri 12-18 manat civarında olur.

Bütün bunlar toplandıqda, orta səviyyəli Yeni il süfrəsinin xərci 4 nəfər üçün təxminən 110-150 manat olur. Seçilən məhsulun növü və miqdarından asılı olaraq, bu rəqəm dəyişə bilər.

Quş məhsullarının qiyməti...

Adətən Yeni il süfrəsinin menyusu dedikdə ağla gələn ilk yeməklərdən biri nar kimi qızardılmış hinduşka ətidir. Lakin bunu da almağa hər ailənin büdcəsi yetmir.

Hinduşka fərə- 45 AZN

Xoruz- 22-25 AZN

Kənd çolpası- 15 AZN

Şam ağacı...

Yeni ilin əsas atributlarından sayılan şam ağacının (yolkaların) qiyməti də fərqlidir. Belə ki, yolkalar minimum 15, maksimum 2500 manata təklif edilir. Qiymətlər ölçü və keyfiyyətə görə dəyişir. Satıcılar şam ağaclarının Çindən gətirildiyini bildirirlər. Lakin qiymətlərin yüksək olmasına baxmayaraq, alıcı qıtlığı yaşanmır.

Restoranların Yeni il şənliyi qiymətləri...

Bakıda 31 dekabr - Yeni il gecəsi restoranlarda bayram menyularının qiymətləri bəlli olub. Restoranların bəzilərinin qiymətlərini təqdim edirik:

“Çanaqqala” restoranı: Yemək, konsert proqramı daxil olmaqla, adambaşı qiymət 80-130 manat. 5-12 yaş arası uşaqlar üçün yarı qiymət, yaşı 5-dən kiçik olan uşaqlar üçün pulsuz.

“La Marine Baku” restoranı: Bayram menyusu və şou proqramlar daxil qiymət adambaşı 100 manat, 5-12 yaş arası uşaqlar üçün yarı qiymət, yaşı 5-dən kiçik olan uşaqlar üçün pulsuz.

“Sədəf” restoranı: Bayram menyusu və şou proqramlar daxil qiymət adambaşı 100 manat.

“Xan Baku” restoranı: Konsert proqramı və menyu daxil olmaqla, qiymətlər 120-140 manat.

“Baku Castle”restoranı: Menyu, şou proqram, ardınca atəşfəşanlıq daxil olmaqla, qiymət adambaşı 140 manat təşkil edir.

“Lido” restoranı: Konsert proqramı və menyu daxil olmaqla, qiymətlər adambaşı 150 - 200 manat arasındadır.

“Valentino Baku” və “Glass” restoranında konsert proqramı və menyu daxil olmaqla, adambaşı qiymət 160 manat.

“AD” restoranı: Konsert proqramı və menyu daxil olmaqla, qiymətlər 150-180 manat.

“Cratos” restoranı: Menyu, konsert proqramı daxil olmaqla, bir nəfərlik biletin qiyməti 150-200 manat, 5-12 yaş arası uşaqlar üçün yarı qiymət, yaşı 5-dən kiçik olan uşaqlar üçün pulsuz.

“Niaqara” restoranı: Konsert proqramı və menyu daxil olmaqla, qiymətlər 150-200 manat arası, 6 yaşına qədər uşaqlar üçün isə pulsuz.

“Nar Şərab” restoranı: Yemək, konsert proqramı daxil olmaqla, bir nəfərlik biletin qiyməti zala görə 160-270 manat arası, 5-12 yaş arası uşaqlar üçün yarı qiymət, yaşı 5-dən kiçik olan uşaqlar üçün pulsuz.

“Mənzərə” restoranı: Bayram menyusu və şou proqramları daxil qiymət adambaşı 250-300 manat.

“Hilton Baku” otelində yerləşən “CİLANTRO” restoranında Yeni il gecəsi adambaşı 200 manat, 5-12 yaş arası uşaqlar üçün yarı qiymət, yaşı 5-dən kiçik olan uşaqlar üçün pulsuz. Həmçinin uşaqlar üçün santa və şou proqramlar da keçirilir.

“SKY GRİLL” restoranında qiymət band qrupu, şou proqram, set menyu ilə içkilər daxil adambaşı 400 manat.

“Manqal Steak Haus” restoranı: Yemək, konsert proqramı daxil olmaqla, bir nəfərlik biletin qiyməti 400 manat, 5-12 yaş arası uşaqlar üçün yarı qiymət, yaşı 5-dən kiçik olan uşaqlar üçün pulsuz.

Yeganə BAYRAMOVA

Paylaş:

Baxılıb: 168 dəfə