Dövlət idarəçiliyində hüququn aliliyi

Bakı:

26 °C

63 %

9 m/s

Əlaqə

AZ RU EN

Ana səhifə / YAP xəbərləri / Dövlət idarəçiliyində hüququn aliliyi

Dövlət idarəçiliyində hüququn aliliyi

19.12.2025 [22:19]

Toğrul Zeynalov

YAP Ağdam rayon təşkilatının əməkdaşı

Prezident İlham Əliyevin “Konstitusiya və Suverenlik İli” münasibətilə amnistiyanın elan edilməsi təşəbbüsü müasir Azərbaycan dövlətçiliyinin hüquqi, siyasi və mənəvi əsaslarını özündə cəmləşdirən son dərəcə əhəmiyyətli və çoxşaxəli bir dövlətçilik addımıdır. Bu təşəbbüs, ilk növbədə, Azərbaycan Respublikasının Konstitusiyasında təsbit olunmuş insan və vətəndaş hüquq və azadlıqlarının ali dəyər kimi qəbul edilməsinin real praktik müstəvidə təzahürü olmaqla yanaşı, hüquqi dövlət quruculuğunun davamlı və məqsədyönlü xarakter daşıdığını nümayiş etdirir. “Konstitusiya və Suverenlik İli” çərçivəsində amnistiya institutunun gündəmə gətirilməsi Prezident İlham Əliyevin dövlət idarəçiliyində hüququn aliliyinə, ədalət və humanizm prinsiplərinə verdiyi xüsusi önəmin göstəricisidir və bu addım dövlətin cəza siyasətinin yalnız cəzalandırıcı deyil, eyni zamanda islah edici, tərbiyəedici və sosial yönümlü mahiyyət daşıdığını bir daha təsdiqləyir. Amnistiya təşəbbüsü cəmiyyətin sosial rifahının yüksəldilməsinə, ictimai münasibətlərdə harmoniyanın və sosial barışın təmin olunmasına xidmət etməklə yanaşı, hüquq pozuntularına yol vermiş şəxslərin cəmiyyətə yenidən inteqrasiyasına, onların sağlam sosial mühitdə həyata qayıtmasına şərait yaradır və bu baxımdan sosial ədalətin təmin olunmasında mühüm rol oynayır. Prezident İlham Əliyevin bu təşəbbüsü, eyni zamanda, Azərbaycanın müstəqil və suveren hüquq siyasətinin formalaşmasında milli maraqlara əsaslanan qərarvermə mexanizmlərinin yetkinliyini, dövlətin öz hüquqi institutlarını daxili ictimai-siyasi reallıqlara uyğun şəkildə tətbiq etmək bacarığını aydın şəkildə ortaya qoyur. Konstitusiyanın ali hüquqi qüvvəyə malik olması, onun norma və prinsiplərinin cəmiyyət həyatında canlı mexanizm kimi işləməsi məhz bu cür humanist və sosial yönümlü təşəbbüslərlə daha da möhkəmlənir, hüquqi şüurun və hüquqi mədəniyyətin yüksəlməsinə güclü təkan verir. Amnistiya aktı dövlət-vətəndaş münasibətlərində qarşılıqlı etimadın dərinləşməsinə, cəmiyyətin hüquq sisteminə olan inamının artmasına, eyni zamanda vətəndaşların qanuna hörmət ruhunda formalaşmasına mühüm töhfə verir. “Konstitusiya və Suverenlik İli”nin ideya və məzmununa uyğun olaraq həyata keçirilən bu təşəbbüs Prezident İlham Əliyevin dövlətçilik fəlsəfəsinin mərkəzində insan amilinin dayandığını, hüquqi sabitliyin, milli həmrəyliyin və ictimai təhlükəsizliyin məhz humanizm və sosial məsuliyyət prinsipləri üzərində qurulduğunu bir daha təsdiqləyir və müasir Azərbaycan dövlətinin inkişaf yolunda mühüm mərhələ kimi dəyərləndirilir.

Paylaş:

Baxılıb: 776 dəfə