Həmkarlar ittifaqları İlham Əliyevin prezidentliyə namizədliyini dəstəkləyir

Bakı:

10 °C

93 %

7 m/s

Əlaqə

AZ RU EN

Ana səhifə / Xəbər lenti / Həmkarlar ittifaqları İlham Əliyevin prezidentliyə namizədliyini dəstəkləyir

Həmkarlar ittifaqları İlham Əliyevin prezidentliyə namizədliyini dəstəkləyir

21.12.2023 [10:21]

AHİK-in növbədənkənar VI Qurultayında qərar qəbul olunub

Dekabrın 20-də Azərbaycan Həmkarlar İttifaqları Konfederasiyasının (AHİK) növbədənkənar VI Qurultayı keçirilib. Bakı Konqres Mərkəzində keçirilən tədbirdə üç minə yaxın nümayəndə iştirak edib.

Qeyd edək ki, 26 sahə həmkarlar ittifaqı birliklərinin könüllü ittifaqı olan AHİK-in 1 milyon 500 min üzvü var.

Qurultayda 5 məsələ müzakirə olunub. İlk olaraq İlham Heydər oğlu Əliyevin Azərbaycan Respublikası Prezidentliyə namizədliyinin dəstəklənməsi barədə qərar qəbul olunub. AHİK-in İcraiyyə Komitəsinə İlham Heydər oğlu Əliyevin 2024-cü ilin fevral ayında keçiriləcək prezident seçkilərində namizədliyinin dəstəklənməsi ilə bağlı müvafiq tədbirlərin təşkili və həyata keçirilməsi ilə bağlı tapşırıq verilib. Eyni zamanda, AHİK-in VI qurultayının iştirakçıları gələn ilin fevralında növbədənkənar prezident seçkilərində İlham Əliyevin namizədliyinin dəstəklənməsi ilə bağlı bəyanat qəbul ediblər.

“Əminik ki, 2024-cü il fevralın 7-də keçiriləcək prezident seçkilərində həmişə olduğu kimi, Azərbaycan xalqı sarsılmaz birliyini, həmrəyliyini qoruyaraq tərəqqiyə, inkişafa səs verəcək”-deyən AHİK sədri Səttar Möhbalıyev həmkarlar ittifaqlarının ötən 20 ildə qazandığı nailiyyətlərdə və inkişafında Prezident İlham Əliyevin böyük dəstəyini qeyd edib. “Konfederasiyada birləşən 1,5 milyon həmkarlar ittifaqı üzvü prezident seçkilərində Vətənimizin bütövlüyünü təmin edən, ölkəmizi qabaqcıl dövlətlər sırasına çıxaran dövlət başçısı İlham

Əliyevin ölkə prezidentliyinə namizədliyini yekdilliklə dəstəkləyir və seçkilərdə ona səs verəcəklərini bəyan edirlər. Biz xalqımızın parlaq gələcəyini, ulu öndər Heydər Əliyevin inkişaf strategiyasının uğurlu davamını Prezident İlham Əliyevin ölkəmizə rəhbərliyində görürük”, - deyə AHİK sədri vurğulayıb.

Daha sonra S.Möhbalıyev hesabat məruzəsi ilə çıxış edib. O bildirib ki, 2018-2023-cü illərdə işçilərin əmək hüquqlarının pozulması ilə bağlı həmkarlar ittifaqının hüquq müfəttişləri tərəfindən məhkəmələrə 79 iddia ərizəsi ilə müraciət edilib. Bunlardan 63 iddia tələbi işə bərpa ilə əlaqədar olub, tələblərin hamısı məhkəmələr tərəfindən təmin edilib. Əsas məqsəd işçilər üçün sağlam və təhlükəsiz əmək şəraitinin yaradılması ilə yanaşı, eyni zamanda, bu sahəyə məsul şəxslərin məsuliyyətinin artırılmasıdır.

AHİK sədri diqqətə çatdırıb ki, hesabat ilində həmkarlar ittifaqı üzvlərinin müalicə və istirahətlərinin təşkilinə 154 milyon 658 min manat vəsait xərclənib. Onun sözlərinə görə, indiyədək 700 nəfər tələbəyə 300 min manata yaxın adlı təqaüd verilib, 180 nəfərə yaxın tələbənin təhsil haqqı ödənilib.

Müzakirələr nəticəsində qurultay iştirakçıları AHİK-in 2018-2023-cü illər üzrə hesabatını qəbul ediblər. Təftiş komissiyasının hesabatı dinlənildikdən sonra Azərbaycan Həmkarlar İttifaqları Konfederasiyasının sədrinin seçilməsi məsələsinə baxılıb. Səttar Suliddin oğlu Möhbalıyev yenidən Azərbaycan Həmkarlar İttifaqları Konfederasiyasının sədri seçilib.

Bununla da, Azərbaycan Həmkarlar İttifaqları Konfederasiyasının növbədənkənar VI qurultayı öz işini başa çatdırıb.

Nardar BAYRAMLI

Paylaş:

Baxılıb: 453 dəfə