Xalqın dəstəyi

Bakı:

27 °C

41 %

7 m/s

Əlaqə

AZ RU EN

Ana səhifə / Xəbər lenti / Xalqın dəstəyi

Xalqın dəstəyi

09.12.2023 [11:41]

Günel ABBASOVA

“Son 20 ildə Azərbaycan özünün intibah dövrünü yaşayıb və çox böyük uğurlara imza atıb. Azərbaycan Respublikasının Prezidenti İlham Əliyevin uzaqgörən siyasəti nəticəsində bu illər ərzində Azərbaycan iqtisadiyyatı 4 dəfə, büdcə gəlirlərimiz 30 dəfə, valyuta ehtiyatlarımız 37 dəfədən çox artıb.

Bu fikirləri yeniazerbaycan.com-a açıqlamasında Milli Məclisin üzvü Tahir Rzayev bildirib.

O qeyd edib ki, regionların sosial-iqtisadi inkişaf proqramları, digər layihələr çox uğurla həyata keçirilib: “Ölkə ərazisində 3200-dən artıq məktəb, 750-dən çox xəstəxana və digər bir çox sosial əhəmiyyətli obyektlər tikilərək istifadəyə verilib. 21000 kvadrat kilometrdən artıq yol çəkilib, əməkhaqları, pensiyalar, müavinətlər dəfələrlə artırılıb.14 mindən artıq şəhid ailəsinə, müharibə əlillərinə mənzillər verilib. Ən başlıcası, Azərbaycan özünün tam müstəqilliyini, suverenliyini bərpa edib. Azərbaycan Prezidenti, Ali Baş Komandanın rəhbərliyi ilə 30 ildən artıq işğal altında olan torpaqlarımız erməni təcavüzkarlarından azad edilib. Bu böyük uğurların bilavasitə müəllifi, onun təşkilatçısı İlham Əliyevdir. Ən çətin anlarda xalqımız Prezidentlə birlikdə olduğunu nümayiş etdirmiş və ona dəstək vermişdir. Bu inamdan, ehtiramdan və böyük hörmətdən irəli gəlir ki, Azərbaycan xalqı artıq bu etimadı yerinə yetirməkdədir”.

Onun sözlərinə görə, İlham Əliyev tərəfindən 7 fevral 2024-cü ildə növbədənkənar prezident seçkilərinin keçirilməsi haqqında imzalanan Sərəncam da insanların bilavasitə ürəyincə oldu: “Bu Sərəncam dünyada qəbul olunmuş siyasi təcrübəyə əsaslanır və beynəlxalq normalara uyğundur. Sözsüz ki, növbədənkənar seçkinin keçirilməsi Azərbaycan xalqının həyatında yeni bir siyasi hadisə olacaqdır. Çünki bu seçki ərazilərimizin bütövlüyünün təmin edildiyi və suverenliyinin tam bərpa olunduğu bir vaxtda keçiriləcək. Bu mənada seçkinin Zəfər seçkisi adlandırılması da təsadüfi deyil. Əlbəttə ki, seçki ölkə vətəndaşlarının siyasi iradəsinin ifadəsi olmaqla, demokratik bir şəraitdə keçiriləcək. Dünyaya yeni bir demokratik Azərbaycanı, həm də sülhə və əmin amanlığa, insan haqlarına, demokratiyaya arxalanan yeni bir prezidenti - İlham Əliyevi təqdim edəcəkdir.

Növbədənkənar seçkilər özünə inamdan və xalqın dəstəyindən əminlikdən qaynaqlanır. İlham Əliyev Azərbaycan xalqına inanır, özünə əmindir və xalqı tərəfindən verilən dəstəyi daim qiymətləndirir. 44 günlük müharibə və lokal antiterror tədbirləri zamanı əldə olunan uğurlar bunun bilavasitə təsdiqidir. Məhz bu birlik, bu səfərbərlik Azərbaycan xalqını bütün dünyada tanıtdırdı və ona böyük imic qazandırdı. İlham Əliyev qalib ölkənin qalib prezidentidir. Və sözsüz ki, belə bir prezident növbədənkənar seçkilərdə də qalib olacaq. Azərbaycanı daha böyük uğurlara, daha böyük qələbələrə aparacaqdır”.

Paylaş:

Baxılıb: 566 dəfə