Azərbaycan regionda təhlükəsizliyin, rifahın təmin edilməsi təşəbbüsləri ilə çıxış edir

Bakı:

26 °C

55 %

9 m/s

Əlaqə

AZ RU EN

Ana səhifə / YAP xəbərləri / Azərbaycan regionda təhlükəsizliyin, rifahın təmin edilməsi təşəbbüsləri ilə çıxış edir

Azərbaycan regionda təhlükəsizliyin, rifahın təmin edilməsi təşəbbüsləri ilə çıxış edir

21.10.2022 [18:11]

Ölkə Prezidentimiz cənab İlham Əliyev Astanada Müstəqil Dövlətlər Birliyi Dövlət Başçıları Şurasının iclasında bir daha Azərbaycan həqiqətlərini beynəlxalq ictimaiyyətin diqqətinə çatdırdı.

Bu fikirləri YAP Gəncə şəhər təşkilatının sədri Ramil Orucov bildirib. O, qeyd edib ki, Azərbaycanın haqlı mövqeyini dəqiq faktlarla şərh edən Prezidentimiz Ermənistanın ağ yalanlarını növbəti dəfədə ifşa etdi. İşğaldan azad edilmiş ərazilərdəki kütləvi məzarlıqlardan, ermənilərin işgəncə ilə öldurdüyü azərbaycanlı əsir və girovların acı taleyindən, Ermənistanın Azərbaycan ərazisində bir milyondan çox mina basdırmasından danışan Azərbaycan Prezidenti faşist xislətli ermənilərin, onların havadarlarının şər-böhtanlarını üzə çıxardı.

"İkinci Qarabağ müharibəsinin başa çatmasından keçən iki il ərzində 250-dən çox Azərbaycan vətəndaşı mina partlayışları zamanı həlak olub və ya ağır yaralanıb. Beynəlxalq mütəxəssislərin hesablamalarına görə, Azərbaycana ərazilərin minalardan təmizlənməsi məsələsini həll etmək üçün təxminən 30 il və 25 milyard ABŞ dolları lazımdır". Ölkə Prezidentimiz iclas iştirakçılarının nəzərinə çatdırdığı bu faktlar işğalçı erməni hökumətinin iç üzünü bir daha ortaya qoydu.

Ermənilərin, onların Fransa prezidenti Emmanuel Makron kimi havadarlarının 30 ilə yaxın müddətdə işğal altında qalan Azərbaycan torpaqlarında erməni vandallarının görünməmiş vəhşiliklərini, 1 milyondan artıq minanın öz ata-baba yurdunun həsrəti ilə yaşayan soydaşlarımızın qayıdacağı torpaqlara basdırılmasını bilərək təhrif etməsi bir daha onu göstərir ki, düşmən öz çirkin niyyətindən əl çəkmək fikrində deyil. Azərbaycanın ərazi bütövlüyünü şübhə altına alan Makron böyük həvəslə "Dağlıq Qarabağ" ifadəsi işlədir, ölkəmizin ermənilər yaşadığı ərazilərini əsası olmadan "mübahisəli" ərazi adlandırır.

Sülh istiqamətində manipulyasiyalar, ləngitmələr yaratmağa çalışanlar unudurlar ki, Azərbaycan 44 günlük Vətən müharibəsində tarixi qələbə qazanaraq BMT Təhlükəsizlik Şurası tərəfindən qəbul edilən 4 qətnaməni öz gücü hesabına təmin etdi.

28 il ərzində Minsk qrupu da öhdəsinə düşən işi yerinə yetirmədi, hətta ölkə Prezidentimiz cənab İlham Əliyevin dediyi kimi, bu qurumun başlıca məqsədi münaqişənin nizamlanması yox, onun dondurulması idi. Danışıqların aparılması münaqişənin hələ uzunillər həll olunmaması üçün yalnız pərdə idi. Beləliklə, münaqişə həll olunub. Azərbaycan beynəlxalq hüquqa, BMT-nin Nizamnaməsinə, o cümlədən hər bir ölkənin özünümüdafiə hüququna malik olmasını nəzərdə tutanBMT Nizamnaməsinin 51-ci maddəsinə uyğun olaraqmünaqişəni özü həll edib.

Prezident İlham Əliyev oktyabrın 14-də Astanada Müstəqil Dövlətlər Birliyi (MDB) Dövlət Başçıları Şurasının iclasında çıxışı zamanı bir daha qəti şəkildə bəyan etdi: “Ermənistan hüquqi öhdəliklərini icra etməsə, Azərbaycanın əsas hissəsindən Naxçıvan Muxtar Respublikasına maneəsiz girişi təmin etməsə, Azərbaycan ərazisindən erməni silahlı qüvvələrini çıxarmasa, bu, onun üçün çox acınacaqlı nəticələrə gətirib çıxaracaq”.

Ölkəmiz regionda təhlükəsizlik, əməkdaşlığın, rifahın təmin edilməsi təşəbbüsləri ilə daim çıxış edib. 44 günlük Vətən müharibəsi Azərbaycanın böyük zəfəri ilə başa çatdırdıqdan dərhal sonra da məğlub Ermənistana iki ölkə arasında münasibətlərin normallaşdırılması təklif edilib. Təssüflər olsun ki,revanşist fikirlərindən hələ də əl çəkməyən Ermənistan hökuməti sülh danışıqlarına ciddi yanaşmır. Özlərini köməyə ehtiyacı olan məzlumlar kimi təqdim edən, sülhə gedən yolda təxribatlar yaradan erməni faşistləri, onların havadarları sülh istiqamətində gedən prosesləri yubadır, hər cür təxribatlara əl atırlar. Döyüş meydanında aldığı sarsıdıcı zərbələr, siyasi masalardakı ard-arda uğursuzluqlar erməni vandallarının, onların havadarlarının rahatlığını pozub- deyə YAP Gəncə şəhər təşkilatının sədri Ramil Orucov bildirib.

Paylaş:

Baxılıb: 593 dəfə