Heydər Əliyev
yeni azerbaycan logo

Ana səhifə / YAP xəbərləri / Ölkəmizin hərtərəfli inkişafına xidmət edən siyasət

Ölkəmizin hərtərəfli inkişafına xidmət edən siyasət

29.07.2022 [11:14]

Etibar Hacıyev

Yeni Azərbaycan Partiyası Ağstafa rayon təşkilatının sədri

Azərbaycan iqtisadi inkişafı ilə daim dünyanın diqqət mərkəzindədir. Təbii ki, bu uğurumuz ulu öndər Heydər Əliyevin düzgün müəyyənləşdirdiyi  siyasətə və  bu xəttin son 18 ildən artıq dövrdə Prezident İlham Əliyev tərəfindən uğurla davam etdirilməsinə əsaslanır. Hər bir ölkənin inkişafında iqtisadi amilin rolunu önə çəkən Ümummilli Liderin “İqtisadiyyatı güclü olan dövlət hər şeyə qadirdir” tezisi bütün dövrlər üçün aktuallığını qoruyur.

2003-cü ildən iqtisadiyyatın şaxələndirilməsi istiqamətində mühüm addımlar atan dövlət başçısı İlham Əliyev regionların potensialından səmərəli istifadəni təmin etmək məqsədilə Regional inkişaf proqramlarını təsdiqlədi. Regionların sosial-iqtisadi inkişafına dair ilk Dövlət proqramının uğurlu icrası nəticələrdə öz əksini tapmaqla yanaşı, növbəti sənədlərin qəbulunu bir zərurətə çevirdi. Belə ki,  Dövlət proqramlarında əsas hədəflərdən biri sahibkarlığın inkişaf etdirilməsidir ki, bu da öz növbəsində yol infrastrukturunun  təkmilləşdirilməsinə çağırış etdi. Belə ki, yol-nəqliyyat infrastrukturu yenilənir, o cümlədən kənd yollarının tikintisi istiqamətində əhəmiyyətli işlər görülür, sakinlərin və sahibkarlıq subyektlərinin yol infrastrukturuna çıxış imkanları yaxşılaşır. Ölkə Prezidentinin bölgələrə hər səfəri yeni sosial obyektlərin açılışı və təməlqoyma mərasimlərinin keçirilməsi ilə yadda qalır. Həmçinin cənab İlham Əliyevin hər səfərindən sonra həmin regionun sosial-iqtisadi inkişafının sürətləndirilməsi məqsədilə Tədbirlər Planı təsdiqlənir, Prezidentin Ehtiyat Fondundan vəsaitlər ayrılır. Bu mühüm addımın bölgələrin inkişafına nə kimi təsir göstərdiyi əldə olunan sosial-iqtisadi göstəricilərdən daha aydın görünür. Dövlət başçısı İlham Əliyev  daim bildirir ki, hər bir şəhər, bölgə, kənd və qəsəbə bu inkişafı, tərəqqini öz həyatında hiss etməlidir. Bu məqsədə nail olmaq üçün birgə səylərin göstərilməsi, icra strukturlarının öz səlahiyyətlərini yüksək səviyyədə yerinə yetirmələri bir tələb kimi qarşıya qoyulur. Ölkə Prezidentinin çağırışlarının əsasında insan amilinə dəyər dayanır.  

Dövlət başçısı İlham Əliyev iyulun 25-də Araz Əhmədovu Masallı, Əkbər Abbasovu Lerik və Elvin Paşayevi Göygöl rayon icra hakimiyyətlərinin başçısı təyin olunmaları ilə əlaqədar qəbul edərkən bir daha diqqəti qəbul olunmuş Dövlət proqramlarının nəticələrinə yönəldərək bildirmişdir ki, son illərdə bütün rayonlarda regionların sosial-iqtisadi inkişafı Dövlət Proqramının icrası nəticəsində geniş abadlıq-quruculuq işləri görülür, böyük infrastruktur layihələri icra edilir və  insanları narahat edən məsələlər öz həllini tapır. Yeni infrastruktur layihələri iş yerlərinin yaradılmasına xidmət göstərir. Sahibkarlar da bölgələrdə bütün quruculuq işlərində fəal iştirak edirlər. İş yerlərinin yaradılmasının daimi proses olduğu hər zaman belə əsaslandırılır ki, ölkə əhalisinin sayı artır. Müqayisə üçün qeyd edək ki, Azərbaycan müstəqilliyini yenidən bərpa edəndə  əhali 7 milyondan bir qədər çox idisə, bu gün 10 milyondan artıqdır. Bu rəqəmin özü işsizlik probleminin həllinə yönələn yeni iş yerlərinin yaradılması prosesinin daha da sürətləndirilməsinin, əhalinin məşğulluğunun təmin edilməsinin vacibliyini nümayiş etdirir.

Dövlət başçısnın qeyd edilən görüşdə diqqət göstərdiyi əsas məsələlərdən biri ölkənin dayanıqlı inkişafının əsasında dayanan şəffaflığın qorunması, korrupsiyaya qarşı mübarizə tədbirlərinin gücləndirilməsi oldu. Belə ki, bir neçə keçmiş icra başçısının  cinayət məsuliyyətinə cəlb edildiyini, bəzilərinin hökmünün  verildiyini,  bəzilərinin isə  işlərinin  məhkəmədə olduğunu önə çəkən Prezident İlham Əliyev bildir ki, bunlar  heç kimin  qanundan üstün olmadığını göstərir.

İcra başçılarının  daim insanlarla təmasda olmasını qarşıya əsas tələb kimi qoyan cənab İlham Əliyev bildirdi ki, onlar bütün kəndlərdə olmalı, kənd camaatının qayğıları ilə yaşamalı, onları narahat edən problemləri onların dilindən eşitməli və imkan daxilində bu problemləri həll etməlidirlər. Əgər hər bir kəndin problemi həll olunarsa, demək olar ki, ölkədə insanları narahat edən ciddi problem qalmayacaq.

Ölkə Prezidentinin hər bir təşəbbüsü, qəbul etdiyi hər bir qərar, qarşıya qoyduğu hədəflər ümumilikdə ölkəmizin hərtərəfli inkişafına xidmət edir. Hazırda qalib Azərbaycan inkişafın yeni mərhələsini yaşayır. İşğaldan azad edilmiş ərazilərimizdə  genişmiqyaslı bərpa-quruculuq işləri həyata keçirilir. Bu işlər ölkəmizin iqtisadi imkanlarının təqdimatında əhəmiyyətli rol oynayır. Bu baxımdan ki, Azərbaycanın işğaldan azad edilmiş torpaqlarımızda bütün işləri  öz daxili imkanları hesabına   görür, dünyanın diqqətini özünə  yönəldir. Dövlət başçısı İlham Əliyevin  rəhbərliyi ilə bu ərazilərimizdə də təkmil idarəçilik sistemi yaradılır. Prezident İlham Əliyev sözügedən görüşdə böyük əminliklə qeyd etdiyi kimi, Azərbaycanın çox böyük perspektivləri vardır. İkinci Qarabağ müharibəsində tarixi Zəfərimiz ölkəmizin qarşısında geniş imkanlar açır.

Paylaş:
Baxılıb: 113 dəfə
Multi-media

Xəbər lenti

Hamısına bax

Xəbər lenti

Dünya

Xəbər lenti

Xarici siyasət

İqtisadiyyat

İqtisadiyyat

İqtisadiyyat

Prezident bu gün

Prezident bu gün

18 Avqust 10:30

Siyasət

Bu da sübut!

18 Avqust 10:29

Xəbər lenti

Xəbər lenti

Xəbər lenti

Gündəm

Xəbər lenti

Xəbər lenti

Sosial

Xəbər lenti

Sümük köçü

17 Avqust 10:47

İqtisadiyyat

Sosial

İqtisadiyyat

Arxiv
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31