YAP Binəqədi rayon təşkilatı Milli Qurtuluş Gününə həsr olunmuş tədbir keçirib

Bakı:

21 °C

73 %

6 m/s

Əlaqə

AZ RU EN

Ana səhifə / YAP xəbərləri / YAP Binəqədi rayon təşkilatı Milli Qurtuluş Gününə həsr olunmuş tədbir keçirib

YAP Binəqədi rayon təşkilatı Milli Qurtuluş Gününə həsr olunmuş tədbir keçirib

14.06.2022 [16:30]

13 iyun 2022-ci il tarixində Yeni Azərbaycan Partiyası Binəqədi rayon təşkilatının H.Zərdabi pr. 598 ünvanlı ərazi partiya təşkilatında 15 iyun Milli Qurtuluş Gününə həsr olunmuş “Azərbaycanı yeni mərhələyə daşıyan tarix. Xalqımızın taleyində dönüş nöqtəsi”adlı tədbir keçirildi.

Tədbiri giriş sözü ilə açan ərazi partiya təşkilatının sədri Yeganə Cabbarlı 15 İyun Milli Qurtuluş Gününün tarixinə həsr olunmuş geniş məruzə ilə çıxış edərək həmin günün tarixi, siyasi əhəmiyyəti barədə ətraflı məlumat verdi. Onun sözlərinə görə xalqın təkidli tələbi ilə hakimiyyətə qayıdan ulu öndət Heydər Əliyev iyunun 15-də Azərbaycan Ali Sovetinin sədri seçildi. Bununla da ölkədə uzun illər davam edən gərginlik və qarşıdurma səngidi, respublikamız vətəndaş müharibəsindən və parçalanma təhlükəsindən xilas oldu.

Daha sonra tədbirdə mövzu ətrafında çıxış edən ərazi partiya təşkilatının üzvü, Azərbaycan Respublikası Milli Arxiv İdarəsinin rəisi Əsgər Rəsulov vurğuladı ki, ümummilli lider Heydər Əliyevin özünəməxsus siyasi idarəetmə qabiliyyəti, qətiyyəti, uzaqgörənliyi böhrana son qoydu, xalqımız azərbaycançılıq ideyaları ətrafında sıx birləşdi. Ölkəmiz xaosdan, siyasi çəkişmələrdən, sosial-iqtisadi böhrandan xilas oldu. Azərbaycan müstəqil, demokratik, hüquqi və dünyəvi dövlət kimi inkişaf etməyə başladı, problemlər mərhələlərlə həll olundu, siyasi sabitlik yarandı.

Tədbirdə yekun nitq söyləyən YAP Binəqədi rayon təşkilatının sədri Vüsar İsmayılov çıxışında bildirdi ki, ulu öndər Heydər Əliyev 1993-cü il iyunun 15-Azərbaycan Ali Sovetinin sədri seçildi və böyük risklərə baxmayaraq, xalqın qurtuluşu missiyasını cəsarətlə öz üzərinə götürdü. Dahi şəxsiyyət Milli Məclisdə keçirilən iclasdakı çıxışında Azərbaycan dövlətçiliyinin gələcək inkişaf strategiyasını elan etdi və sonrakı illərdə onu uğurla həyata keçirdi. Həyatın bütün sahələrində tərəqqi və dirçəliş baş verdi. Heydər Əliyev dühasının xidmətləri olan bu nailiyyətlər Azərbaycanı məhv olmaqdan qurtardı, müstəqilliyimizi daimi, əbədi, sarsılmaz, dönməz etdi. Bu gün milli qurtuluş ideologiyasının təntənəsi müstəqil respublikamızın davamlı inkişafında özünü büruzə verir, dünyada Azərbaycanın nüfuzu daha da artır. Qazanılan bütün nailiyyətlərin əsasında ümummilli lider tərəfindən müəyyənləşdirilən siyasi kurs və Prezident İlham Əliyevin bu siyasi kursu uğurla davam etdirməsi faktı dayanır. Bu baxımdan əbəs yerə deyilmir ki, 15 iyun tarixi xalqımızın qurtuluş tarixi və nicat yolunun başlanğıcıdır.

Paylaş:

Baxılıb: 600 dəfə