Yeni Azərbaycan Partiyasının rayon və şəhər təşkilatları sədrlərinin ümumrespublika müşavirəsi keçirilib

Bakı:

22 °C

65 %

5 m/s

AZ RU EN

Ana səhifə / YAP xəbərləri / Yeni Azərbaycan Partiyasının rayon və şəhər təşkilatları sədrlərinin ümumrespublika müşavirəsi keçirilib

Yeni Azərbaycan Partiyasının rayon və şəhər təşkilatları sədrlərinin ümumrespublika müşavirəsi keçirilib

13.02.2018 [09:54]

Əli Əhmədov: Partiyanın üzvü kimi üzərimizə düşən əsas vəzifə seçki kampaniyasının Seçki Məcəlləsinin tələblərinə, demokratik ənənələrə uyğun şəkildə həyata keçirilməsi üçün fədakarlıq göstərməkdir
Fevralın 10-da Yeni Azərbaycan Partiyasının (YAP) rayon və şəhər təşkilatları sədrlərinin ümumrespublika müşavirəsi keçirilib. Azərbaycan Respublikası Baş nazirinin müavini, YAP Sədrinin müavini-İcra katibi Əli Əhmədov müşavirənin aprelin 11-də ölkəmizdə keçiriləcək prezident seçkiləri ilə əlaqədar olduğunu bildirib. O, artıq Yeni Azərbaycan Partiyasının prezidentliyə namizədinin irəli sürüldüyünü xatırladaraq deyib: “Fevralın 8-də Yeni Azərbaycan Partiyasının VI Qurultayında partiyamızın Sədri İlham Əliyevin prezidentliyə namizədliyinin irəli sürülməsi haqqında yekdilliklə qərar qəbul olundu. Hesab edirəm ki, partiyamızın qurultayının qərarı Azərbaycan vətəndaşlarının mütləq əksəriyyətinin birmənalı şəkildə dəstəklədiyi qərardır. İnanırıq ki, Azərbaycan seçicilərinin mütləq əksəriyyəti aprelin 11-də səsvermə məntəqələrinə gedib cənab İlham Əliyevin lehinə səs verəcəklər. Çünki Prezident İlham Əliyevin hakimiyyətdə olduğu illərdə Azərbaycan bütün sahələr üzrə böyük inkişaf mərhələsi keçib, hər bir vətəndaşın həyat səviyyəsi əhəmiyyətli dərəcədə yüksəlib, bütövlükdə ölkəmizin siması köklü surətdə dəyişib. Həmçinin Azərbaycanın beynəlxalq müstəvidə mövqeyi güclənib, nüfuzu daha da artıb. YAP bu reallıqlar fonunda seçkilərə gedir. Bütün bu gerçəkliklər Prezident İlham Əliyevin reytinqini əhəmiyyətli dərəcədə yüksəldib”.
YAP Sədrinin müavini qeyd edib ki, prezident seçkilərində cənab İlham Əliyevin namizədliyinin dəstəklənməsi Azərbaycanın növbəti 7 il ərzində inkişafının dəstəklənməsi deməkdir. Bu mənada YAP-ın VI Qurultayının qərarının xalqımız tərəfindən dəstəklənməsinin ciddi əsasları var. “Azərbaycan vətəndaşları cənab İlham Əliyevə səs verməklə növbəti 7 ildə Azərbaycanın iqtisadi, siyasi, sosial inkişafına səs verməklə yanaşı, həm də özünün, öz ailəsinin rifahının daha da yaxşılaşmasına səs vermiş olacaq”, - deyə Əli Əhmədov bildirib.
Azərbaycanda azad və şəffaf seçkilərin keçirilməsi üçün bütün imkanların mövcud olduğunu deyən Əli Əhmədov əvvəlki seçkilərin bu prinsiplər əsasında keçirildiyini xatırladıb. Onun sözlərinə görə, bu dəfə də YAP və onun yerli strukturlarının qarşısında dayanan əsas vəzifə prezident seçkiləri kampaniyasının seçki qanunvericiliyinə, demokratik prinsiplərə uyğun qaydada keçirilməsini təmin etməkdir. “Bu baxımdan Yeni Azərbaycan Partiyasının qarşıdan gələn seçki kampaniyasını yüksək səviyyədə həyata keçirməsi üçün ciddi əsaslar, şərait mövcuddur. Partiyanın üzvü kimi üzərimizə düşən əsas şərəfli vəzifə seçki kampaniyasının Seçki Məcəlləsinin tələblərinə, demokratik ənənələrə uyğun şəkildə həyata keçirilməsi üçün fədakarlıq göstərməkdir. Partiyamızın yerli strukturları bütün seçkilərdə bu istiqamətdə böyük fədakarlıq göstəriblər və inanırıq ki, bu dəfə də belə olacaq”, - deyə YAP Sədrinin müavini vurğulayıb.
Müşavirədə aprelin 11-də keçiriləcək prezident seçkiləri ilə əlaqədar YAP-ın yerli strukturlarına müvafiq tövsiyə və tapşırıqlar verilib.
Nardar BAYRAMLI

Paylaş:

Baxılıb: 887 dəfə