Azərbaycan güləşçilərinin Avropa zəfəri

Bakı:

29 °C

46 %

11 m/s

Əlaqə

AZ RU EN

Ana səhifə / YAP xəbərləri / Azərbaycan güləşçilərinin Avropa zəfəri

Azərbaycan güləşçilərinin Avropa zəfəri

05.05.2026 [15:14]

Azərbaycanın idman şöhrəti beynəlxalq arenalarda növbəti dəfə ən yüksək zirvəyə yüksəldi və bu uğur ölkəmizin idman tarixinə qızıl hərflərlə həkk olundu. Avropa çempionatında komanda hesabında çempionluq qazanaraq Vətənə dönən güləşçilərimizin Prezident İlham Əliyev tərəfindən qəbul edilməsi bu böyük nailiyyətin dövlət səviyyəsində qeyd olunmasının və milli qürurumuzun təzahürüdür. Bayrağımızı zirvələrə daşıyanlar öz əzmkar mübarizələri ilə sübut etdilər ki, Azərbaycan idmançısı üçün aşılmayacaq sədd, fəth olunmayacaq zirvə yoxdur. Güləşçilərimizin Avropa fəthi təkcə qazanılan medalların sayıyla deyil, həm də nümayiş etdirilən sarsılmaz iradə və peşəkarlıqla yadda qaldı. Bu qələbə bir daha təsdiqlədi ki, Azərbaycanda birincilik artıq bir təsadüf deyil, əksinə, illərdir formalaşmış sağlam bir ənənəyə çevrilir. Hər bir yarışda əldə olunan yüksək nəticə gənc nəsil üçün motivasiya mənbəyi olur və çempionların yolunu davam edənlər bu mirasdan güc alaraq yeni-yeni qələbələrə doğru inamla irəliləyirlər.

Bu davamlı qələbələrin formulu isə təsadüfi uğurlara deyil, uzunmüddətli strategiyaya, sistemli hazırlığa və ən əsası xalqın öz qəhrəmanlarına olan inamına əsaslanır. Prezident İlham Əliyevin rəhbərliyi ilə həyata keçirilən idman siyasəti Azərbaycan idmançısının ləyaqətli simasını dünyaya tanıtdı. İdmançılarımız xalçada göstərdikləri üstünlüklə yanaşı, həm də öz etik davranışları, təvazökarlıqları və vətənpərvərlikləri ilə seçilirlər. Çünki idman cəmiyyətimizin güzgüsü kimidir və burada əks olunan hər bir müsbət cəhət bütövlükdə xalqımızın mənəvi dəyərlərindən xəbər verir. Dövlətin idmana və idmançıya qayğısı, idman infrastrukturunun ən müasir standartlar səviyyəsinə çatdırılması və perspektivli gənclərin daim dəstəklənməsi Azərbaycan idmanının dayanıqlı inkişafını təmin edən əsas sütunlardır.

Bu gün tam əminliklə demək olar ki, Azərbaycan dünyada idman ölkəsi kimi tanınır və bu status hər il yeni nailiyyətlərlə möhkəmləndirilir. Güləşimizin bitməyən uğur hekayəsi isə xüsusi bir fəsildir; çünki bu idman növü bizim genetik yaddaşımızla, milli ruhumuzla sıx bağlıdır. Avropa çempionatında qazanılan komanda birinciliyi bu sahədə aparılan düzgün kadr islahatlarının və idman federasiyalarının səmərəli fəaliyyətinin məntiqi nəticəsidir. Prezidentin idmançıları qəbul edərkən onlara verdiyi tövsiyələr və göstərdiyi dəstək növbəti böyük hədəflər, xüsusən də Olimpiya Oyunları üçün əsas stimuldur. Azərbaycan dövləti öz idmançısının arxasında bir dağ kimi dayandığı müddətcə bayrağımız hələ çox zirvələrdə dalğalanacaq, himnimiz dünyanın ən mötəbər arenalarında hələ çox səslənəcəkdir. Bu zəfər yürüşü dayanmadan davam edəcək və Azərbaycanın idman salnaməsi yeni-yeni qəhrəmanlıq dastanları ilə zənginləşəcəkdir.

Nicat Quliyev

YAP Laçın rayon təşkilatının məsləhətçisi

Paylaş:

Baxılıb: 358 dəfə