Mingəçevirdə “Xalqın əbədiyaşar lideri” mövzusunda elmi-nəzəri konfrans keçirilib

Bakı:

13 °C

76 %

3 m/s

Əlaqə

AZ RU EN

Ana səhifə / YAP xəbərləri / Mingəçevirdə “Xalqın əbədiyaşar lideri” mövzusunda elmi-nəzəri konfrans keçirilib

Mingəçevirdə “Xalqın əbədiyaşar lideri” mövzusunda elmi-nəzəri konfrans keçirilib

13.12.2013 [09:22]

Ümummilli lider Heydər Əliyev mənalı həyat yolu vətənə və xalqa sədaqətlə xidmət nümunəsi olan tarixi şəxsiyyətdir
Ulu öndər Heydər Əliyevin anım günü ilə əlaqədar olaraq Mingəçevir şəhər İcra Hakimiyyəti və Yeni Azərbaycan Partiyası (YAP) Mingəçevir şəhər təşkilatının birgə təşkilatçılığı ilə “Xalqın əbədiyaşar lideri” mövzusunda elmi-nəzəri konfrans keçirilib. Tədbir iştirakçıları və şəhər ictimaiyyətinin nümayəndələri əvvəlcə Ümummilli liderin abidəsi önünə gül dəstələri düzərək, xatirəsini ehtiramla yad ediblər.
Sonra şəhərdəki Heydər Əliyev Mərkəzinin konfrans zalında keçirilən tədbiri giriş sözü ilə Mingəçevir şəhər İcra Hakimiyyətinin başçısı Niyazi Bayramov açaraq, bildirib ki, Azərbaycanın tarixinə qurucu, islahatçı rəhbər kimi daxil olan Heydər Əliyevin 1969-cu ildə siyasi rəhbərliyə gəlişi ilə respublikanın dirçəliş, sürətli inkişaf dövrü başlanıb: “Azərbaycan qısa zaman ərzində inkişaf, tərəqqi yoluna qədəm qoyub. Kənd təsərrüfatı, sənaye, tikinti, təhsil, səhiyyə, mədəniyyət, ümumiyyətlə, həyatımızın bütün sahələrində böyük nailiyyətlər əldə olunub”.
Natiq onu da deyib ki, ötən əsrin 90-cı illərində, həyatımızın ağır, təlatümlü dövründə məhz Ulu öndər Azərbaycanı xilas etdi, ölkəmizi zamanın sərt sınaqlarından məharətlə çıxardı.
Niyazi Bayramov Ulu öndərin nurlu ideyalarının Prezident İlham Əliyev tərəfindən uğurla həyata keçirildiyini də bildirib.
Sonra çıxış edən YAP Mingəçevir şəhər təşkilatının sədri Cavanşir Yusubov deyib ki, Ümummilli lider Heydər Əliyev mənalı həyat yolu vətənə və xalqa sədaqətlə xidmət nümunəsi olan tarixi şəxsiyyətdir: “Ümummilli lider Heydər Əliyev vətən və xalq qarşısında əvəzolunmaz xidmətləri sayəsində hər bir mingəçevirlinin qəlbinə yol tapıb. Ölkənin çətin günündə xalqa sahib çıxan Ulu öndər Azərbaycanda vətəndaş müharibəsinin qarşısını alıb, ölkəni bir bayraq altında birləşdirməyə nail olub. Məhz buna görə insanlar Ulu öndəri daim ehtiramla anacaq, Onun xalqımız qarşısında xidmətlərini heç vaxt unutmayacaqlar”.
Tədbirdə həmçinin, Mingəçevir Politexnik İnsititunun dosenti Nüşabə Qədimli “Heydər Əliyev müstəqil dövlətçiliyimizin banisi xalqımızın əbədi lideridir”, 17 saylı tam orta məktəbin direktor müavini Ceyhun Atayev “Ulu öndər Heydər Əliyevin siyasi ideyaları müasir uğurlarımızın əsas təminatçısıdır” mövzusunda çıxış ediblər.

Paylaş:

Baxılıb: 1202 dəfə