Azərbaycan-Qazaxıstan: zamanın sınağından çıxmış dostluq

Bakı:

15 °C

94 %

2 m/s

Əlaqə

AZ RU EN

Ana səhifə / YAP xəbərləri / Azərbaycan-Qazaxıstan: zamanın sınağından çıxmış dostluq

Azərbaycan-Qazaxıstan: zamanın sınağından çıxmış dostluq

21.10.2025 [20:01]

Azərbaycan ilə Qazaxıstan arasında iqtisadi-ticari əməkdaşlığın spektri çox genişdir. Cənab Prezident İlham Əliyev “Kazinform” agentliyinə verdiyi müsahibəsində bu istiqamətdə qarşılıqlı fəaliyyətin davamlı artımını məmnunluqla qeyd etdi və bildirdi ki, hər iki ölkə ardıcıl olaraq birgə təşəbbüslər həyata keçirir, iqtisadiyyatın müxtəlif sektorlarında əməkdaşlığı genişləndirir. Bu proses məqsədyönlü dövlət siyasəti, biznes icmalarının nümayəndələri arasında fəal dialoq, qarşılıqlı faydalı və tərəfdaşlıq münasibətlərinin inkişafına ümumi sadiqlik sayəsində mümkün olub.

Ötən illər ərzində ölkələrimiz arasında möhkəm hüquq-müqavilə bazası - təqribən 170 sənəd işlənib hazırlanıb. İyirmi il bundan əvvəl imzalanmış Azərbaycan ilə Qazaxıstan arasında strateji tərəfdaşlıq və müttəfiqlik münasibətləri haqqında Müqavilənin əhəmiyyəti xüsusilə önəmlidir. Bu sənəd Azərbaycan-Qazaxıstan əməkdaşlığının müxtəlif sektorlarda inkişafının etibarlı təməlini qoyub və ötən illər ərzində ölkələrimiz arasında bütün sahələrdə əməkdaşlıq əhəmiyyətli dərəcədə genişlənib.

Dövlət başçısı öz müsahibəsində Ali Dövlətlərarası Şuranın fəaliyyətini xüsusi qeyd etdi. Bildirildi ki, ilk iclası Qazaxıstan Prezidentinin ötən il Azərbaycana dövlət səfəri zamanı keçirilən Ali Dövlətlərarası Şuranın Astanada keçiriləcək ikinci iclasında qarşılıqlı faydalı əməkdaşlığın perspektivləri və Azərbaycan-Qazaxıstan münasibətlərinin yeni səviyyəyə qaldırılması istiqamətində atılacaq addımlar müzakirə olunacaq.

Azərbaycan və Qazaxıstan, həmçinin çoxtərəfli formatlarda, xüsusilə beynəlxalq və regional təşkilatlar, o cümlədən BMT, Türk Dövlətləri Təşkilatı, İslam Əməkdaşlıq Təşkilatı, Asiyada Qarşılıqlı Fəaliyyət və Etimad Tədbirləri Müşavirəsi və digərləri çərçivəsində də səmərəli əməkdaşlıq edir. Ölkələrimiz beynəlxalq arenada bir-birini dəstəkləyir, bir çox məsələlərdə ortaq mövqeyi bölüşür.

Azərbaycan və Qazaxıstanın birgə fəaliyyəti, həmçinin beynəlxalq platformalarda Xəzərin mühafizəsinə dair təşəbbüslərin irəli sürülməsində özünü göstərir. Bu, yalnız ekoloji məsuliyyətin deyil, həm də iki ölkə arasında etimad və əməkdaşlığın yüksək səviyyədə olduğunu nümayiş etdirir. Cənab Prezident İlham Əliyevin dediyi kimi, Xəzər dənizi sadəcə su hövzəsi deyil, həm də ortaq məsuliyyət və birgə fəaliyyətin rəmzidir. Bu sahədə əməkdaşlıq həm regional stabilliyi, həm də davamlı iqtisadi artımı dəstəkləyir, ölkələrimizin beynəlxalq nüfuzunu artırır.

Natiq Quluzadə

YAP Zəngilan rayon təşkilatının sədri

Paylaş:

Baxılıb: 579 dəfə