Ölkəmiz gündən-günə inkişaf edir, insanlarımızın rifah halı yüksəlir

Bakı:

24 °C

63 %

10 m/s

Əlaqə

AZ RU EN

Ana səhifə / YAP xəbərləri / Ölkəmiz gündən-günə inkişaf edir, insanlarımızın rifah halı yüksəlir

Ölkəmiz gündən-günə inkişaf edir, insanlarımızın rifah halı yüksəlir

21.09.2013 [10:01]

Məhz buna görə də, Ağcabədi seçiciləri 9 oktyabrda cənab İlham Əliyevə səs verəcəklər
9 oktyabr 2013-cü ildə keçiriləcək prezident seçkilərində Yeni Azərbaycan Partiyası (YAP) tərəfindən namizədliyi irəli sürülmüş cənab İlham Əliyevin Ağcabədi rayonu üzrə Seçki Qərargahının üzvləri sentyabrın 20-də təbliğat-təşviqat kampaniyası çərçivəsində növbəti görüşlərini keçiriblər.
İlk görüş rayonunun Qaradolaq kəndində olub. Kənd sakinləri qarşısında çıxış edən YAP Ağcabədi rayon təşkilatının sədr müavini Nazim Bünyatov prezident seçkilərinin ölkənin həyatında mühüm hadisə olduğunu bildirib. Daha sonra Prezident İlham Əliyevin rəhbərliyi ilə ötən 10 il ərzində Azərbaycanda bütün sahələrdə uğurların əldə olunduğunu deyən Nazim Bünyatov “Məhz bu uğurların davamı üçün biz yalnız və yalnız cənab İlham Əliyevə səs verməli, Onunla birgə addımlamalıyıq” sözlərini əlavə edib.
Görüşdə çıxış edən Seçki Qərargahının üzvü Teymur Rəhimov da Prezident İlham Əliyevin rəhbərliyi ilə həyata keçirilən islahatlar barədə danışıb. Bu siyasətin Ağcabədi sakinlərinin də həyatına müsbət təsir etdiyini deyən natiq sakinləri 9 oktyabrda YAP-ın namizədinə səs veməyə çağırıb.
Daha sonra rayonun Aran kəndində seçicilərlə görüş keçirilib. Görüşü giriş sözü ilə açan, Yeni Azərbaycan Partiyası Ağcabədi rayon təşkilatının sədri Rövşən Əhmədov deyib ki, cənab İlham Əliyevin rəhbərliyi ilə həyata keçirilən sosial-iqtisadi islahatlar nəticəsində Azərbaycanın hər bir guşəsi abadlaşır, gözəlləşir: “Məhz Prezident İlham Əliyevin rəhbərliyi ilə ölkədə gedən abadlıq-quruculuq prosesinin tərkib hissəsi kimi Ağcabədidə də böyük işlər görülür. Rayonumuzda yollar salınır, geniş quruculuq işləri həyata keçirilir. Bununla yanaşı, Ağcabədidə yeni iş yerləri açılır, məktəblər, səhiyyə ocaqları tikilir və s. Təbii ki, bütün bunlar insanların maddi rifahının yüksəlməsinə, rahatlığını təmin etməyə hesablanıb”.
Rayon təşkilatının sədri çıxışını “Bir sözlə, Azərbaycan cənab İlham Əliyevin rəhbərliyi altında inkişaf edir. Bu inkişafın davamı xalqımızın seçimindən asılıdır. O seçimi isə siz artıq etmisiniz. O seçim Prezident İlham Əliyevdir” sözləri ilə tamamlayıb.
Seçicilər qarşısında çıxış edən millət vəkili Tahir Rzayev deyib ki, Azərbaycanda həyata keçirilən siyasət ölkəmizin daha da güclənməsini təmin edib: “Rayonlarda aparılan quruculuq işləri, ölkədə həyata keçirilən islahatlar insanların həyatına müsbət mənada böyük təsir göstərib. Yollar çəkilir, körpülər salınır, səhiyyə ocaqları, məktəblər inşa edilir. Bütün bunlar isə onu deməyə əsas verir ki, oktyabrın 9-da xalqımız növbəti dəfə cənab İlham Əliyevə etimad göstərəcək”.
Seçicilər qarşısında çıxış edən millət vəkili Aqil Abbas isə həyata keçirilən sosial siyasətin vətəndaşlarımızın rifahına xidmət etdiyini deyib: “Azərbaycanda sürətli inkişaf təbii olaraq dövlət quruculuğunun bütün sahələrinə, o cümlədən, sosial sferaya ciddi sirayət edib və bir çox sosial proqram və layihələrdə real əksini tapıb. Sözsüz, ölkəmizin iqtisadi qüdrətinin artması vətəndaşların sosial rifahının yüksəldilməsinə yönəlmiş layihələrin həyata keçirilməsinə zəmin yaradıb”.
Görüşlərdə çıxış edən kənd sakinləri Sadiq Cəfərov, Zakir Səlimov, Elmar Məmişov, Təranə Məmmədova və başqaları deyiblər ki, ölkəmiz gündən-günə inkişaf edir, insanlarımızın rifah halı yüksəlir. Ağcabədililər də görülən işləri yüksək qiymətləndirir və bu işlərin davamlı olmasını istəyirlər. Ona görə də, rayon seçiciləri 9 oktyabrda Prezidentimiz İlham Əliyevə səs verəcəklər.
Nadir AZƏRİ

Paylaş:

Baxılıb: 1323 dəfə