“Biz son 20 il ərzində Azərbaycanın energetika sistemini demək olar ki, sıfırdan qurmuşuq”

Bakı:

26 °C

89 %

3 m/s

Əlaqə

AZ RU EN

Ana səhifə / YAP xəbərləri / “Biz son 20 il ərzində Azərbaycanın energetika sistemini demək olar ki, sıfırdan qurmuşuq”

“Biz son 20 il ərzində Azərbaycanın energetika sistemini demək olar ki, sıfırdan qurmuşuq”

02.07.2025 [17:12]

Toğrul Zeynalov,

YAP Ağdam rayon təşkilatının əməkdaşı

Azərbaycanın energetika sektoru son 20 ildə böyük inkişaflar, dəyişikliklər və beynəlxalq əlaqələr nəticəsində əhəmiyyətli transformasiyaya uğramışdır. Bu dövr ərzində ölkə, enerji ehtiyatlarını daha səmərəli idarə edərək, regional və beynəlxalq səviyyədə nüfuzunu artırmış, eyni zamanda enerji təhlükəsizliyi sahəsində mühüm addımlar atmışdır. Prezident İlham Əliyevin rəhbərliyi ilə bu sahə həm strateji layihələr, həm də iqtisadi inkişaf baxımından əhəmiyyətli dəyişikliklərə uğramışdır.

Prezident İlham Əliyevin rəhbərliyi dövründə Azərbaycanın energetika sektorunun idarə edilməsi və enerji infrastrukturunun inkişafı əhəmiyyətli bir prioritet olmuşdur. Bu dövrdə, Azərbaycan yalnız neft və qaz hasilatını artırmaqla kifayətlənməmiş, həm də enerji şəbəkələrinin modernləşdirilməsi, yeni enerji istehsalı və paylanması sistemlərinin qurulması istiqamətində mühüm islahatlar həyata keçirmişdir.

Azərbaycanın enerji şəbəkələrinin təkmilləşdirilməsi və modernləşdirilməsi, həm daxili tələbatın artan səviyyəsini ödəmək, həm də enerji istehsalının və paylanmasının səmərəliliyini artırmaq məqsədini güdür. Həmçinin ölkənin enerji şəbəkələrinin yenidən qurulması və modernləşdirilməsi sahəsində bir neçə əhəmiyyətli layihələr həyata keçirilmişdir.

Elektrik enerjisi istehsalının artırılmasınada xüsusi diqqət yetirilmişdir.. Bu layihələrin məqsədi, yalnız ölkə daxilində elektrik təchizatının daha etibarlı olmasını təmin etmək deyil, həm də bölgədəki enerji bazarına inteqrasiyanı artırmaq idi.

Prezident İlham Əliyev dövründə ölkə üzrə bir neçə yeni elektrik stansiyalarının tikintisi həyata keçirilmişdir. Bunlardan biri də 24 iyun 2025-ci ildə açılışı olan Mingəçevirdəki “8 Noyabr” Elektrik Stansiyasıdır.Cənab Prezident burada çıxışı zamanı bildirdi:

"Bu gün ölkəmizin energetika sahəsində əlamətdar bir gündür. “8 Noyabr” Elektrik Stansiyasının açılışı çox gözəl hadisədir. Ümumilikdə bu stansiyanın yaradılması və qısa müddət ərzində bütün işlərin başa çatması ölkəmizin gücünü, potensialını, energetiklərimizin təcrübəsini, peşəkarlığını göstərir. Bu gün 8 Noyabr elektrik stansiyası ölkəmizin ən böyük elektrik stansiyasıdır”.

"Bu stansiya bizim enerji potensialımızı təbii olaraq daha da gücləndirəcək, enerji sisteminin səmərəliliyini artıracaq və beləliklə, Mingəçevirin nəinki Azərbaycanın, bütövlükdə Cənubi Qafqazın energetika mərkəzi statusunu daha da gücləndirəcək"

Hazırda Mingəçevirdə elektrik enerjimizin 40 faizdən çoxunun istehsal olunduğunu vurğulayan dövlətimizin başçısı əlavə edib ki, görülmüş bütün bu işlər bir daha Azərbaycanın doğru yolda olduğunu göstərir.

Prezident qeyd edib ki, Mingəçevirin energetika mərkəzi kimi tarixi zəngindir və burada formalaşmış güclü kadr potensialı əlbəttə ki, bu gün də bizə əldə edilmiş uğurlara nail olmaq üçün imkan yaradır.

“Son 20 il ərzində biz Azərbaycanın energetika sistemini demək olar sıfırdan qurmuşuq. Ölkəmizin müxtəlif yerlərində yeni elektrik stansiyaları quruldu. Eyni zamanda, Mingəçevirdə də yenidənqurma işləri aparılmışdır“.

Paylaş:

Baxılıb: 461 dəfə