Şuşa növbəti əhəmiyyətli bir tədbirə evsahibliyi etdi

Bakı:

24 °C

61 %

1 m/s

Əlaqə

AZ RU EN

Ana səhifə / YAP xəbərləri / Şuşa növbəti əhəmiyyətli bir tədbirə evsahibliyi etdi

Şuşa növbəti əhəmiyyətli bir tədbirə evsahibliyi etdi

29.07.2024 [10:41]

Şərqlə Qərbin kəsişməsində, tarixən formalaşmış mühüm nəqliyyat yollarının üzərində yerləşən Azərbaycanın dünyada rolu, önəmi və nüfuzu günü-gündən artır. Ölkəmizin nüfuzunun yüksəlməsinin daha bir göstəricisi son illərdə paytaxtımızda tez-tez keçirilən mötəbər beynəlxalq tədbirlərdir. 44 günlük Vətən müharibəsindən sonra işğaldan azad olunmuş ərazilər də bu cür tədbirlərin ünvanına çevirilib. Belə tədbirlərdən biri də mədəniyyət paytaxtımız Şuşada artıq ikinci dəfə keçirilən Qlobal Media Forumudur.

Möhtərəm Prezidentimiz cənab İlham Əliyev iyulun 20-də “Yalan məlumatların ifşası: Dezinformasiyaya qarşı mübarizə” mövzusunda 2-ci Şuşa Qlobal Media Forumunun açılış mərasimində iştirak edərək, Dövlət başçısı yerli və xarici media nümayəndələrinin suallarını cavablandırmışdır.

Qafqazda yeni era, sülh və əməkdaşlıq erası fəal şəkildə təşviq olunmaqla, bu yaxınlarda Ermənistandan müsbət cavab alınmış, onların hökuməti Azərbaycanın irəli sürdüyü 5 təməl prinsipini qəbul etmişdir. Bu prinsiplər Ermənistanla sülh müqaviləsinin əsasını təşkil etməli, həmçinin Azərbaycanın təklifinə uyğun olaraq, Ermənistan sərhədlərimizin delimitasiya prosesinə başlamaq üçün Azərbaycanla birgə işçi qrupunun yaradılmasına, nəhayət razılıq vermişdir. Bütün bunlar son hadisələrin mühüm təzahürüdür və onlar həmçinin göstərir ki, hazırda, İkinci Qarabağ müharibəsindən sonra Ermənistan rəhbərliyi və onun əhalisi sülhün zəruriliyini anlayır. Əgər sülh müqaviləsi imzalanarsa və həmin təməl prinsipləri həyata keçirərsə, onda Qafqazda sülh uzunmüddətli və dayanıqlı olacaq. Bu gün, əlbəttə ki, informasiyanın inkişafı bizim sahə üçün çox əhəmiyyətlidir. Amma burada, əlbəttə ki, mənfi hallar da var. Media sektorunu təmsil edən nümayəndələrimiz öz əllərindən gələni etməlidirlər ki, cəmiyyəti məlumatlandırsınlar. Əlbəttə ki, bu baxımdan bu gün hər bir şəxs öz peşəsinə böyük sədaqətlə yanaşmalıdır.

Möhtərəm Prezident cənab İlham Əliyev çıxış edərək keçənilki forumdan keçən müddət ərzində Cənubi Qafqaz regionunda tarixi transformasiyanın şahidi olduğumuzu, tarixi, geosiyasi dəyişikliklərin baş verdiyini diqqətə çaydırıb. Ənənəvi ittifaqlar bir qədər zəifləyib və yeni əməkdaşlıq formatları meydana gəlib: “Əlbəttə, ərazi bütövlüyümüzün və suverenliyimizin tam bərpası, - bu, ötən ilin sentyabrında baş verdi, - ən mühüm hadisədir. Təkcə bu, birinci və ikinci forum arasında deyil, ümumiyyətlə, müasir tariximizdə mühüm hadisə oldu. Bundan əlavə bir çox hadisələr baş verdi və ümid edirəm ki, bütün bu hadisələr regionu daha proqnozlaşdırıla bilən edəcəkdir. Yəni biz - bu regionun xalqları özümüzü təhlükəsiz hiss edəcəyik”.

Ölkə başçısı vurğulayıb ki, biz heç bir zaman nə işğalı, nə fəsadları, nə verdiyimiz qurbanları, nə böyük Qələbəmizi unutmayacağıq: “Biz və bizim gələcək nəsillərimiz bu Qələbə ilə fəxr edəcək. Lakin biz buna fokuslanmamalıyıq, biz bu mövzunu daimi istismar etməməliyik və onu daimi bir rəmzə çevirməməliyik, biz irəli getməliyik. Ona görə Prezident olaraq mən cəmiyyətə üz tutub dedim ki, gəlin, birgə düşünək. Mən bunu təkbaşına düşünə bilmərəm. Hətta mən nəyi isə düşünsəm, bu, sözsüz ki, ictimai müzakirələrin, ictimai düşüncələrin, fikirlərin əsasında, yaxud da Azərbaycanda baş verən hadisələr əsasında formalaşacaq. Eyni zamanda, bildirim ki, tərəfimdən bu məsələ fevral ayında qeyd olunmuşdur, lakin hələ də bu proseslər davam edir”.

II Qlobal Media Forumunun bu gün dezinformasiyanın yaratdığı fəsadları ictimailəşdirməyə və ikili standartlara xidmət edən informasiyaların yayılmasının yolverilməzliyini dünya ictimaiyyətinə çatdırılmasında xüsusi rolu olacaq. Qlobal Media Forumlar ölkəmizin ədalətli haqq səsini dünya ictimaiyyətinə çatdırılması baxımından çox əhəmiyyətlidir: “Dövlət başçısı aparıcı media qurumlarının nümayəndələri ilə keçirdiyi görüşün dünya mediasında geniş işıqlandırılması bu forumun qlobal əhəmiyyətli olduğunun göstəricisidir”.

YAP Naftalan şəhər təşkilatının sədri Rövlan Heydərov

Paylaş:

Baxılıb: 549 dəfə