Keçmiş Baş nazir niyə vuruldu?

Bakı:

28 °C

52 %

5 m/s

Əlaqə

AZ RU EN

Ana səhifə / Xarici siyasət / Keçmiş Baş nazir niyə vuruldu?

Keçmiş Baş nazir niyə vuruldu?

09.07.2022 [12:25]

Yaponiya hökumətində qərargah yaradıldı

Nicat Dilqəmli

Dünən Yaponiyanın keçmiş Baş naziri Sindzo Abe çıxışı zamanı hücuma məruz qalıb. Bildirilir ki, Yaponiyanın Nara şəhərində ölkənin sabiq Baş naziri Sindzo Abeyə çıxışı zamanı naməlum şəxs tərəfindən hücum edilib. Eks-baş nazir ağır xəsarət alıb. Məlumata görə, hadisə yerində azı iki atəş səsi eşidilib. Baş nazir huşsuz vəziyyətdə xəstəxanaya çatdırılıb. Həkimlərin səylərinə baxmayaraq, keçmiş Baş nazirin həyatını xilas etmək mümkün olmayıb. Hadisənin səbəbləri barədə məlumat verilmir.

Yaponiya mətbuatının yaydığı məlumatda qeyd olunur ki, əldəqayırma silahdan atəş açan şəxs hadisə yerində saxlanılıb. Şübhəlinin əvvəllər ölkənin Hərbi Dəniz Qüvvələrində xidmət etdiyi deyilir. “41 yaşlı Tetsuya Yamaqami əvvəllər ölkənin Hərbi Dəniz Qüvvələrində xidmət edib. O, Abeyə bir neçə güllə vurduqdan dərhal sonra saxlanılıb. Hazırda polis saxlanılan şəxsi dindirir. Qətlin motivi məlum deyil. Tetsuyanın əldəqayırma silahdan atəş açdığı bildirilir” - deyə Yaponiya mətbuatı yazır.

Artıq Yaponiyanın sabiq Baş naziri Sindzo Abeyə hücumla bağlı Yaponiya hökuməti yanında böhran qərargahı yaradılıb. Qərargaha rəhbərlik edən Baş nazir Fumio Kişida bütün planlarını təxirə salaraq təcili Tokioya qayıdıb. Bu barədə Yaponiya Nazirlər Kabinetinin Baş katibi Hirokazu Matsuno hadisə ilə əlaqədar keçirilən mətbuat konfransı zamanı bildirib.

“Biz şok vəziyyətindəyik və baş verənləri kəskin şəkildə pisləyirik” - deyə ?B ş katib vurğulayıb. H.Matsuno qeyd edib ki, bütün planlarını təxirə salan Baş nazir Fumio Kişida təcili olaraq Tokioya, öz ofisinə qayıdır. Buna qədər Baş nazir ölkənin şimal-şərqindəki Yamaqata prefekturasında iyulun 10-da keçiriləcək parlamentə seçki kampaniyası ilə bağlı tədbirlərə qatılmışdı.

Sui-qəsdin təfərrüatları

Abe ölkənin mərkəzi hissəsindəki Nara şəhərində çıxış edərkən televiziya müxbiri iki atəşə bənzər səslər eşidib, bundan sonra siyasətçi həmin ölkənin yerli vaxtı ilə saat 11:30-da huşunu itirib. Keçmiş Baş nazir xəstəxanaya yerləşdirilib, hücum edən 41 yaşlı yerli sakin saxlanılıb. Qeyd olunur ki, Abe ov tüfəngi ilə kürəyindən vurulub. Yaponiya polisinin yaydığı məlumatda keçmiş Baş nazirin ürəktutması keçirdiyi, onun helikopterlə xəstəxanaya yerləşdirildiyi qeyd edilir.

Abe əvvəllər rəhbərlik etdiyi Liberal Demokrat Partiyasına dəstək olaraq parlamentin yuxarı palatası üçün seçki kampaniyası çərçivəsində Narada danışıb. İndi onun sədri hazırkı hökumət başçısı Fumio Kişidadır.

Xatırladaq ki, Sindzo Abe 2006-2007-ci illərdə və 2012-2020-ci illərdə Baş nazir vəzifəsində çalışıb. O, ölkə tarixinin ən uzunmüddətli baş naziri olub. Keçmiş Baş nazir 2020-ci ildə vəzifədən getməsinə sağlamlığında yaranmış problemlərin səbəb olduğunu demişdi.

Paylaş:

Baxılıb: 1107 dəfə