“Ana harayı” abidəsinin yerləşdiyi Xocalı parkında hazırlıq və abadlıq işləri aparılır

Bakı:

19 °C

72 %

8 m/s

Əlaqə

AZ RU EN

Ana səhifə / Sosial / “Ana harayı” abidəsinin yerləşdiyi Xocalı parkında hazırlıq və abadlıq işləri aparılır

“Ana harayı” abidəsinin yerləşdiyi Xocalı parkında hazırlıq və abadlıq işləri aparılır

23.02.2021 [09:14]

Xocalı soyqırımının 29-cu ildönümü ilə əlaqədar paytaxtın Xətai rayonundakı “Ana harayı” abidəsinin yerləşdiyi parkda hazırlıq və abadlıq işləri sürətlə davam etdirilir.
AZƏRTAC xəbər verir ki, Xətai Rayon İcra Hakimiyyəti tərəfindən tədbirlər planı hazırlanıb. Plana əsasən, parkın ərazisinin yaşıl örtüyü yenilənib. Parkın ətrafında və daxilində yararsız hala düşmüş hissələrdə aqlay daşla üzlənmə işləri, işıqlanmanın bərpası, günlüklərin təmiri işləri aparılıb. Ümumilikdə Xocalı prospekti, Yusif Səfərov, Afiyəddin Cəlilov küçələrində gül və gül kollarının əkilməsi üçün 60 min ədəd gül sifariş olunub. Türkiyədən üç min ədəd dekorativ gül kolları sifariş olunub, gətirilib və əkilir. Onların düzülüşü yeni dizaynda aparılır. Yolboyu divarlara və binaların fasadlarına qanlı faciəni əks etdirən bannerlər, plakatlar, şəhid şəkilləri yerləşdirilir. Xocalı soyqırımı haqqında kütləvi çap olunacaq broşürlərin eskiz layihələri mətbəəyə təqdim olunub. Xocalı prospekti boyu yerləşən binaların fasadlarının təmizlənməsi, səkilərin yuyulması işləri həyata keçirilir.
Xatırladaq ki, Azərbaycan xalıqının qan yaddaşı olan Xocalı soyqırımına həsr olunan “Ana harayı” abidə kompleksi 1993-cü ildə inşa edilib. Sonralar isə həm abidə kompleksin özündə, həm də park-xiyabanda əsaslı yenidənqurma işləri aparılıb. Bu işlər çərçivəsində abidənin postamenti hündürləşdirilib, “Ana fəryadı” heykəlinin mövzusu saxlanılmaqla forması yeniləşdirilib. Faciə zamanı qətlə yetirilmiş 613 şəhidin adları qranit lövhələr üzərinə həkk olunub. Park-xiyaban və abidə kompleksi xüsusi işıqlandırma sistemi ilə təchiz olunub. Günlüklər, oturacaqlar quraşdırılıb.
Hər il fevralın 26-da Xocalı soyqırımının ildönümü ilə əlaqədar abidəni minlərlə insan ziyarət edir.
1992-ci il fevralın 25-dən 26-na keçən gecə erməni təcavüzkarları Azərbaycanın Xocalı şəhərində bəşəriyyət tarixində ən qanlı faciələrlə bir sırada duran soyqırımı törədiblər. Bu faciədən 29 il keçir. Həmin kütləvi qırğın nəticəsində 106-sı qadın, 63-ü uşaq, 70-i qoca olmaqla 613 nəfər amansızlıqla qətlə yetirilib, 487 nəfər şikəst olub, 1275 dinc sakin girov götürülüb, onlardan 150 nəfərin taleyi hələ də məlum deyil. Bu soyqırımı aktı nəticəsində 8 ailə tamamilə məhv edilib, 25 uşaq hər iki valideynini itirib. Hər il dünya azərbaycanlıları və ədaləti uca tutanlar Xocalı soyqırımı qurbanlarının xatirəsini yad edirlər.

Paylaş:

Baxılıb: 718 dəfə