Heydər Əliyev
yeni azerbaycan logo

Ana səhifə / Sosial / Bakı Atatürk Liseyindən təqdiredici addım

Bakı Atatürk Liseyindən təqdiredici addım

05.12.2020 [16:52]

Sentyabrın 27-də işğalçı Ermənistanın ölkəmizə qarşı həyata keçirdiyi növbəti hərbi təxribata cavab olaraq Azərbaycan Ordusunun başladığı Vətən müharibəsi sonda düşmənin sarsıdıcı məğlubiyyəti ilə başa çatdı. Müzəffər Ali Baş Komandan İlham Əliyevin rəhbərliyi ilə rəşadətli ordumuz 44 günlük Vətən müharibəsi zamanı misilsiz şücaət göstərərək torpaqlarımızı işğaldan azad etdi. Azərbaycanın tarixinə qızıl hərflərlə yazılan bu haqq savaşımızda inanılmaz qəhrəmanlıq göstərərək şəhid olan Vətən övladlarımızdan biri də Dövlətzadə Cəbrayıl Dövlət oğludur.

Qeyd edək ki, Türk Dünyası Araşdırmaları Vəqfi Bakı Atatürk Liseyinin rəhbərliyi şəhidin qardaşı Dövlətzadə Sahib Cəbrayıl oğlunun 11-ci sinifi başa vurana kimi təhsil xərclərinin Liseyin hesabına ödənilməsinə dair qərar verib. Liseydən verilən məlumata əsasən oktyabr ayında şəhid Cəbrayıl Dövlətzadənin valideynlərinə 7-ci sinif şagirid olan övladları Sahibin Bakı Atatürk Liseyində təhsil alması təklif edilib və ailə tərəfindən təklif qəbul edilib. Beləliklə, Sahib Dövlətzadə 11-ci sinifi başa vurana kimi Liseyin ayırdığı tam təqaüd hesabına, yəni pulsuz təhsil alacaq.

Xatırladaq ki, Cəbrayıl Dövlət oğlu Dövlətzadə 11 sentyabr 2001-ci il tarixində Sumqayıtın Corat qəsəbəsində anadan olub. O, əslən Zəngilan rayonundan idi. Subay idi.Azərbaycan Silahlı Qüvvələrinin hərbi qulluqçusu olan Cəbrayıl Dövlətzadə bir ildən bir qədər çox idi ki, Cəlilabad rayonunda hərbi xidmət keçmişdi. O, 27 sentyabr 2020-ci il tarixində Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı könüllü olaraq ordu sıralarına qoşulub, Cəbrayıl rayonunun azadlığı uğrunda gedən döyüşlərdə savaşıb. 10-a yaxın erməni hərbçisi ilə təkbaşına əlbəyaxa döyüşə girən Cəbrayıl Dövlətzadə iki erməni zabitini əlləri ilə boğaraq öldürüb və sentyabrın 28-də şəhid olub. O, şəhid olarkən 19 yaşında idi. Cəbrayıl Dövlətzadə İkinci Fəxri Xiyabanda, general Polad Həşimovun məzarının yanında dəfn olunub.

Paylaş
Baxılıb: 276 dəfə

Xəbər lenti

Hamısına bax

31 389 vaksin vurdurdu

20 Oktyabr 16:49

ARXİV
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31