Radikal ünsürlər və onların xaricdəki uzantıları ölkəmizdəki siyasi sabitliyi hədəfə almağa çalışırlar

Bakı:

16 °C

94 %

2 m/s

AZ RU EN

Ana səhifə / Siyasət / Radikal ünsürlər və onların xaricdəki uzantıları ölkəmizdəki siyasi sabitliyi hədəfə almağa çalışırlar

Radikal ünsürlər və onların xaricdəki uzantıları ölkəmizdəki siyasi sabitliyi hədəfə almağa çalışırlar

20.08.2021 [09:59]

Məlum olduğu kimi ölkəmizdə uğurlu siyasi dialoq mühitinin formalaşması siyasi münasibətlərin yeni zəmində inkişafını təmin edib, həmçinin milli həmrəyliyin daha da güclənməsinə təkan verib. Məhz bunun nəticəsidir ki, istər 2020-ci ilin yayında Ermənistan-Azərbaycan dövlət sərhədinin Tovuz rayonu istiqamətində baş verən erməni təxribatları zamanı, istərsə də Vətən müharibəsi dövründə Azərbaycanın siyasi palitrasının mütləq əksəriyyəti vahid mövqedən çıxış edərək, ölkə Prezidenti, Ali Baş Komandan İlham Əliyevin apardığı siyasi kursu dəstəklədiyini bildirdi. Bu milli həmrəylik Ermənistan üzərində qazanılan qələbədə mühüm rola malik oldu.

Beləliklə, 44 günlük Vətən müharibəsində əldə olunan qələbə uzun illər işğal altında qalmış torpaqlarımızın azad edilməsi ilə yanaşı, ölkəmizdə yeni siyasi situasiya da yaratdı. Öz növbəsində, milli birliyin, siyasi həmrəyliyin güclənməsi, siyasi sabitliyin daha da möhkəmlənməsinə yol açdı. Qeyd edək ki, ölkəmizdə siyasi qüvvələr arasında dialoq mühitinin dərinləşdirilməsi istiqamətində atılan addımlar bu gün də davam etməkdədir. Lakin təssüfləndirici haldır ki, özünü siyasi dialoqdan, milli birlikdən kənarda saxlayan, o cümlədən müharibə dövründə xalqın, dövlətin yanında yer almayan radikal müxalifət və onun xaricdəki uzantıları bu gün də çirkin əməllərindən əl çəkmirlər. Bu ünsürlər, həmçinin fürsət düşdükcə ölkəmizdə həyata keçirilən siyasi islahatlara qara yaxmağa, partiyalararası münasibətlərin siyasi dialoq mühitində formalaşmasına qarşı kampaniyalar aparmağa cəhd göstərirlər. Bir daha vurğulanmalıdır ki, bu məsələdə daha çox xaricdəki ermənipərəst mərkəzlər tərəfindən maliyyələşdirilən və onların himayəsində olan xaricdəki “sapı özümüzdən olan baltalar” fəallıq nümayiş etdirirlər. Görünən budur ki, ölkəmizdəki milli həmrəylikdən ciddi narahatlıq keçirən “beşinci kolon” və onun xaricdəki uzantıları sosial şəbəkələrdə, əllərində olan internet resurslarında davamlı olaraq ölkədəki siyasi sabitliyi hədəfə alırlar.

Beləliklə, milli birliyə qarşı siyasi manipulyasiyalar həyata keçirmək, işğaldan azad edilmiş regionlarımızda aparılan genişmiqyaslı abadlıq-quruculuq işlərinə kölgə salmaq istəyən dağıdıcı ünsürlər sosial şəbəkələrdə daim milli maraqlara əks-mövqedən çıxış edir, yalan iddialar irəli sürürlər.

Pərviz SADAYOĞLU

Paylaş:

Baxılıb: 597 dəfə