Lənkəran seçiciləri Yeni Azərbaycan Partiyasının qələbəsinə inanırlar

Bakı:

22 °C

78 %

6 m/s

Əlaqə

AZ RU EN

Ana səhifə / Siyasət / Lənkəran seçiciləri Yeni Azərbaycan Partiyasının qələbəsinə inanırlar

Lənkəran seçiciləri Yeni Azərbaycan Partiyasının qələbəsinə inanırlar

18.12.2009 [09:33]

YAP Lənkəran şəhər təşkilatı seçicilərlə görüş keçirib
Dünən Yeni Azərbaycan Partiyası (YAP) Lənkəran şəhər təşkilatı bələdiyyə seçkiləri ilə bağlı növbəti tədbirini keçirib. Tədbirdə çıxış edən YAP Lənkəran şəhər təşkilatının sədri İlqar Dadaşov dekabrın 23-də keçiriləcək bələdiyyə seçkiləri ilə əlaqədar ötən müddətdə görülmüş işlər barədə məlumat verib.
İ.Dadaşov qeyd edib ki, bu müddətdə namizədliyi irəli sürülmüş YAP üzvləri ilə mütəmadi görüşlər keçirilib və onlar təşviqat xarakterli zəruri məlumatlarla tanış olublar. “ötən müddət ərzində özünüidarəetmə orqanlarında namizədliyini irəli sürmüş YAP üzvləri ilə keçirilən görüşlər həddindən artıq səmərəli olub. Bələdiyyə üzvlüyü qeydə alınmış şəxslər bu strukturların ölkəmizin ictimai-siyasi həyatında oynadığı rol haqqında zəngin bilik əldə ediblər”. YAP Lənkəran şəhər təşkilatının sədri yeni seçiləcək bələdiyyələr üçün ciddi sınaq dövrünün başladığını və onların üzərinə ölkəmizin sosial və iqtisadi inkişafı ilə bağlı həyata keçirilən mühüm layihələrdə iştirak etmək üçün bir çox vəzifələr düşdüyünü diqqətə çatdırıb. Qarşıdakı beşilliyin tam fərqli və bələdiyyə üzvləri üçün mühüm tələblər qoyduğunu xatırladan İ.Dadaşov yerli özünüidarə orqanlarını bu işlərdə aktiv olmağa çağırıb. YAP Lənkəran şəhər təşkilatının sədri rayon seçicilərinin seçkilərdə həmişə fəal iştirak etdiklərini və dekabrın 23-də yerli özünüidarəetmə orqanlarına ən layiqli namizədlərə səs verəcəklərinə əminliyini ifadə edib.
Yeni Azərbaycan Partiyasının bələdiyyə seçkilərində səlahiyyətli nümayəndəsi, millət vəkili Fəttah Heydərov qeyd edib ki, YAP hər zaman xalqa xidmət prinsipini özünün başlıca amalı sayıb və bunu gördüyü işlərlə təsdiq edib. “Biz xalqın YAP-a olan dərin inamını həmişə hiss edirik. Bunun ən əyani nəticəsini indiyədək keçirilmiş bütün seçkilərdə görmüşük. Partiyamız xalqın dəstəyi ilə bütün seçkilərdə inamlı qələbə qazanıb. Dekabrın 23-də keçiriləcək seçkilərdə də xalqın dəstəyi ilə qələbə qazanacağımıza inanırıq. Yeni Azərbaycan Partiyası 2009-cu il bələdiyyə seçkisi kampaniyasını “Xalqa xidmət naminə” şüarı altında həyata keçirir. Bu gün bütün vətəndaşların sosial rifahı yüksəlib, ölkəmizin inkişafında yeni mərhələ başlayıb. Əsası ümummilli lider Heydər Əliyev tərəfindən qoyulan və bu gün Azərbaycan Prezidenti cənab İlham Əliyev tərəfindən uğurla davam etdirilən, ölkəmizin sabitliyinin möhkəmlənməsinə yönələn, inkişafa təkan verən siyasi və iqtisadi islahatlar kursu yeni mərhələyə qədəm qoyub. Yeni mərhələdə islahatlar geniş miqyas alaraq vətəndaşların rifahının və yaşayış səviyyəsinin daha da yüksəldilməsinə səbəb olacaq. İnsanlar hökumətin həyata keçirdiyi bütün proqramların mühüm nəticələrini öz həyatlarında hiss edirlər. Məhz bu inam və etibar YAP-ın xalq dəstəyinə malik olmasını şərtləndirir”.
Daha sonra Fəttah Heydərov yerli özünüidarəetmə orqanlarının bir çox iqtisadi layihələrdə, xüsusilə də infrastruktur layihələrində iştirakının artırılmasını vacib hesab etdiyini də diqqətə çatdırıb. Onun fikrincə, ölkəmizdə hüquqi dövlət quruculuğu istiqamətində aparılan kompleks islahatlar yerli özünüidarəetmə orqanlarının fəaliyyətinin də müasir tələblərə uyğun qurulmasını zəruri edir.
Milli Məclisin üzvü Rüfət Quliyev isə bütün lənkəranlıların həmişə seçkilərdə fəal iştirak ediklərini diqqətə çatdırıb. Lənkəran seçicilərinin YAP-ın namizədlərini dəstəklədiyini bildirən Rüfət Quliyev bələdiyyə seçkilərində partiyanın inamlı qələbə qazanacağına inandığını söyləyib: “Rayondakı seçicilərimlə daimi görüşlər zamanı onların YAP-a böyük rəğbət bəslədiklərinin şahidi oluram. YAP-ın namizədlərinin bələdiyyə seçkilərində qələbə qazanmaq şansları olduqca böyükdür. Qəti şəkildə əminəm ki, Lənkəran camaatı dekabrın 23-də də yüksək aktivlik nümayiş etdirməklə Yeni Azərbaycan Partiyasının namizədlərinin seçkilərdə qələbəsini təmin etmiş olacaqlar”.
ELBRUS CƏFƏRLİ

Paylaş:

Baxılıb: 1168 dəfə