Dünya İqtisadi Forumunun Qlobal Rəqabətlilik Hesabatı Azərbaycanın sosial-iqtisadi sahədə qazandığı nailiyyətləri əks etdirir

Bakı:

21 °C

55 %

5 m/s

AZ RU EN

Ana səhifə / Siyasət / Dünya İqtisadi Forumunun Qlobal Rəqabətlilik Hesabatı Azərbaycanın sosial-iqtisadi sahədə qazandığı nailiyyətləri əks etdirir

Dünya İqtisadi Forumunun Qlobal Rəqabətlilik Hesabatı Azərbaycanın sosial-iqtisadi sahədə qazandığı nailiyyətləri əks etdirir

18.10.2018 [08:20]

Tamamilə yeni metodologiya əsasında ictimaiyyətə təqdim edilmiş hesabatın 12 əsas sütun indikatorundan 7-si üzrə ölkəmizin mövqeləri əhəmiyyətli dərəcədə yaxşılaşıb
Xəbər verildiyi kimi, Dünya İqtisadi Forumunun Qlobal Rəqabətlilik Hesabatı tamamilə yeni metodologiya əsasında ictimaiyyətə təqdim edilib. Azərbaycan Qlobal Rəqabətlilik Hesabatının yeni metodologiyası əsasında ilk dəfə qiymətləndirilib. Ölkəmiz ilk hesabatda Türkiyə, Serbiya, Gürcüstan, Cənubi Afrika Respublikası və Xorvatiya ilə birlikdə 7-ci onluğa daxil olmaqla 69-cu yerdə qərarlaşıb. Hesabatın 12 əsas sütun indikatorundan 7-si üzrə ölkəmizin mövqeləri əhəmiyyətli dərəcədə yaxşılaşıb. Belə ki, hesabatın İnstitutlar, İnfrastruktur, İKT-nin istifadə səviyyəsi, Səhiyyə, Əmək bazarı, Biznes dinamikliyi və İnnovasiya potensialı sütun indikatorları üzrə Azərbaycanın mövqelərinin yaxşılaşması Qlobal Rəqabətlilik Hesabatı tərəfindən qeydə alınıb. Bununla yanaşı, Azərbaycan Qlobal Rəqabətlilik Hesabatında dünyada sosial bərabərliyin ən yüksək səviyyədə təmin olunduğu ölkə kimi vurğulanıb, əhalinin elektriklə təchizatı səviyyəsinə görə maksimal 100 faiz bal almaqla dünyada ilk pilləyə yüksəlib, respublikamız dünyanın 140 ölkəsi arasında biznesin dinamikliyi reytinqi üzrə 31-ci yerdə qərarlaşıb. Ekspertlərin qənaətinə görə, Dünya İqtisadi Forumunun Qlobal Rəqabətlilik Hesabatı Azərbaycanın sosial-iqtisadi sahədə qazandığı nailiyyətləri əks etdirir.
Məsələyə münasibət bildirən Milli Məclisin deputatı, YAP Siyasi Şurasının üzvü Aydın Hüseynov qeyd edib ki, regionun lider dövləti olan Azərbaycan bütün sahələrdə möhtəşəm uğurlar qazanıb: “Bu gün ölkəmizdə uğurlu sosial-iqtisadi siyasət həyata keçirilir və bu, Azərbaycanın hərtərəfli inkişafına xidmət edir. Beynəlxalq reytinq agentliklərinin hesabatlarında da ölkəmizin iqtisadi sahədə əldə etdiyi nailiyyətlər öz əksini tapır. Ayrı-ayrı beynəlxalq qurumların hesabatları Azərbaycanın dinamik inkişafa malik olduğunu, sosial-iqtisadi sahədə çox mühüm uğurlar əldə etdiyini bariz şəkildə nümayiş etdirir. Tamamilə yeni metodologiya əsasında ictimaiyyətə təqdim edilmiş Dünya İqtisadi Forumunun Qlobal Rəqabətlilik Hesabatının 12 əsas sütun indikatorundan 7-si üzrə ölkəmizin mövqelərinin əhəmiyyətli dərəcədə yaxşılaşması bu baxımdan mühüm əhəmiyyətə malikdir”.
“Qlobal Rəqabətlilik Hesabatı tərəfindən hesabatın İnstitutlar, İnfrastruktur, İKT-nin istifadə səviyyəsi, Səhiyyə, Əmək bazarı, Biznes dinamikliyi və İnnovasiya potensialı sütun indikatorları üzrə Azərbaycanın mövqelərinin yaxşılaşması qeydə alınıb. Xüsusilə də, Azərbaycanın Qlobal Rəqabətlilik Hesabatında dünyada sosial bərabərliyin ən yüksək səviyyədə təmin olunduğu ölkə kimi vurğulanması, eləcə də əhalinin elektriklə təchizatı səviyyəsinə görə maksimal 100 faiz bal almaqla dünyada ilk pilləyə yüksəlməsi qeyd edilməlidir”, - deyən A.Hüseynov əlavə edib ki, Qlobal Rəqabətlilik Hesabatında Azərbaycanın yüksək nəticələr əldə etməsi ölkəmizdə həyata keçirilən məqsədyönlü sosial-iqtisadi islahatların real nəticəsidir.
Milli Məclisin deputatı Rauf Əliyev isə deyib ki, inkişafın milli modelini formalaşdıran Azərbaycanın sosial-iqtisadi və digər sahələrdə əldə etdiyi nailiyyətlər milli iqtisadiyyatın dinamik tərəqqisini şərtləndirib: “Təsadüfi deyil ki, respublikamızın iqtisadi inkişafı beynəlxalq reytinq agentliklərinin hesabatlarında da əks olunur və ekspertlər tərəfindən olduqca yüksək qiymətləndirilir”.
Millət vəkili bildirib ki, beynəlxalq reytinq agentliklərinin və ayrı-ayrı təşkilatların hesabatlarında əks olunan məqamlar da Azərbaycan iqtisadiyyatının dinamik inkişafının davamlı xarakter daşıdığını nümayiş etdirir. “Tamamilə yeni metodologiya əsasında ictimaiyyətə təqdim edilmiş Dünya İqtisadi Forumunun Qlobal Rəqabətlilik Hesabatında da ölkəmiz bir neçə indikator üzrə yüksək nəticələr əldə edib. Məlumdur ki, “Qlobal Rəqabətlilik Hesabatı-2018/2019” adlı hesabata yeni indikatorlar daxil edilib. Bu hesabatda Azərbaycanla bağlı məqamlar ölkəmizdə həyata keçirilən səmərəli sosial-iqtisadi siyasətin müsbət nəticələrini əks etdirir. Hesabatın 12 əsas sütun indikatorundan 7-si, yəni İnstitutlar, İnfrastruktur, İKT-nin istifadə səviyyəsi, Səhiyyə, Əmək bazarı, Biznes dinamikliyi və İnnovasiya potensialı sütun indikatorları üzrə ölkəmizin mövqelərinin əhəmiyyətli dərəcədə yaxşılaşması bu baxımdan xüsusilə qeyd edilməlidir”, - deyə R.Əliyev vurğulayıb.
“Azərbaycanın Dünya İqtisadi Forumunun Qlobal Rəqabətlilik Hesabatında dünyanın 140 ölkəsi arasında biznesin dinamikliyi reytinqi üzrə 31-ci yerdə qərarlaşması ölkəmizdə həyata keçirilən iqtisadi islahatların məntiqi nəticəsidir”, - deyən millət vəkili diqqətə çatdırıb ki, mövcud reallıqlar Azərbaycan iqtisadiyyatının dayanıqlı və dinamik inkişafının bundan sonra da davam edəcəyini deməyə əsas verir.
“Azərbaycanda bütün sahələri əhatə edən məqsədyönlü, səmərəli sosial-iqtisadi islahatlar mütəmadi olaraq həyata keçirilir və sistemli xarakter daşıyır. Məhz bunun nəticəsidir ki, müxtəlif təşkilatların hesabatlarında Azərbaycanın inkişaf göstəriciləri ilə əlaqədar müsbət məqamlar əks olunur. Beynəlxalq reytinq agentliklərinin ölkəmizin inkişafı ilə bağlı proqnozları Azərbaycan iqtisadiyyatının dinamik inkişafının davamlı xarakter daşıdığını ifadə edir”. Bu fikirləri isə Milli Məclisin deputatı Tahir Rzayev bildirib.
Onun sözlərinə görə, tamamilə yeni metodologiya əsasında hazırlanmış Dünya İqtisadi Forumunun Qlobal Rəqabətlilik Hesabatında Azərbaycanın bir sıra istiqamətlər üzrə aparıcı mövqeyini qoruyub saxlaması təqdirəlayiq hal olmaqla yanaşı, mühüm əhəmiyyətə malikdir: “Azərbaycan ətraf mühitə təsir və inklüziv inkişaf indikatorları üzrə yeni nəsil metodologiya əsasında hazırlanmış hesabatda lider mövqelərini qoruyub. Bundan başqa, respublikamızın hesabatda dünyada sosial bərabərliyin ən yüksək səviyyədə təmin olunduğu ölkə kimi vurğulanması Azərbaycanda həyata keçirilən sosial siyasətin məntiqi nəticəsidir. Bütövlükdə, sözügedən hesabatda əksini tapan məqamlar Azərbaycanın uğurlu sosial-iqtisadi siyasətinin nəticəsində meydana çıxmış pozitiv reallıqlara əsaslanır”.
Nurlan

Paylaş:

Baxılıb: 615 dəfə