Hikmət Babaoğlu: Ümummilli lider Heydər Əliyev ən yeni tariximizdə, Azərbaycanın dövlətçilik tarixində mühüm siyasi eranın yaradıcısıdır

Bakı:

28 °C

48 %

1 m/s

AZ RU EN

Ana səhifə / Siyasət / Hikmət Babaoğlu: Ümummilli lider Heydər Əliyev ən yeni tariximizdə, Azərbaycanın dövlətçilik tarixində mühüm siyasi eranın yaradıcısıdır

Hikmət Babaoğlu: Ümummilli lider Heydər Əliyev ən yeni tariximizdə, Azərbaycanın dövlətçilik tarixində mühüm siyasi eranın yaradıcısıdır

10.12.2015 [10:26]

“Ümummilli lider Heydər Əliyev ən yeni tariximizdə, Azərbaycanın dövlətçilik tarixində mühüm siyasi eranın yaradıcısıdır”. Bu sözləri “SİA”ya açıqlamasında “Yeni Azərbaycan” qəzetinin baş redaktoru, millət vəkili Hikmət Babaoğlu deyib.
Millət vəkilinin sözlərinə görə, Ulu öndər Heydər Əliyev Azərbaycanda vətəndaş müharibəsinin qarşısını alan, ölkəmizdə ümummilli həmrəyliyi təmin edən, müasir inkişafımızın hüquqi-siyasi və iqtisadi əsaslarını yaradan yeni Azərbaycançılıq ideologiyasının banisidir: “Bütün bunlar Ulu öndərin xidmətlərinin yalnız bir hissəsidir. Heydər Əliyev elə bir dahi şəxsiyyətdir ki, Onun titanik fəaliyyətini Azərbaycanın milli, etnik, siyasi coğrafiyası ilə məhdudlaşdırmaq olmaz. Ümummilli lider bütün Sovet xalqlarının həyatında müəyyən rol oynamış böyük bir şəxsiyyətdir. Heydər Əliyev artıq tarixə qovuşmuş Sovet imperiyasının rəhbərlərindən biri olmuşdu. Ulu öndər Azərbaycanda milli təhlükəsizlik sistemini milliləşdirən böyük şəxsiyyətdir. Çünki Sovet dövründə milli təhlükəsizlik daima başqa millətlərin, imperiyaya qulluq edən ayrı-ayrı şəxslərin və ermənipərəst qüvvələrin əlində olub. Ancaq Ümummilli lider 1967-69-cu illərdə təhlükəsizlik sisteminə rəhbərlik edən zaman o sistemin kadrlarını milliləşdirmişdi. Heydər Əliyevin ən böyük xidmətlərindən biri Bakını milli şəhərə çevirməsidir. O, Azərbaycanda ölkəmizin sənayeləşməsinin müəllifi, neft sənayesindən kənar iqtisadiyyatın yaradıcısıdır. Eləcə də Azərbaycanda aqrar sənayeni yaradan böyük bir dövlət xadimidir”.
H.Babaoğlu əlavə edib ki, Ulu öndər Bakı şəhərində yeni mikrorayonlar salaraq rayonlardan, kəndlərdən gələn gənclərimizi orada yerləşdirərək Bakının demoqrafik mikrostrukturunu milliləşdirən, Azərbaycanlaşdıran böyük bir şəxsiyyətdir: “Heydər Əliyev, eyni zamanda, Azərbaycan gənclərinin hamisi idi. Əlbəttə ki, müstəqilk dövründə Ümummilli liderin ən böyük xidmətlərindən biri müasir Azərbaycanın iqtisadi inkişafının əsasını təşkil edən “Əsrin müqaviləsi” adlandırdığımız Bakı-Tbilisi-Ceyhan neft kəmərinin çəkilməsidir. Eləcə də dahi şəxsiyyət Azərbaycan Konstitusiyasının müəllifidir. Məhz buna görə də Azərbaycan xalqı Ümummilli liderin anım günündə Onu rəhmət və şükranla anır, Onun qurduğu dövlətin əbədi olacağına inanır”.

Paylaş:

Baxılıb: 664 dəfə