Səməd Seyidov: Avropa Parlamentində keçirilən dinləmələr iflasla nəticələnib

Bakı:

22 °C

52 %

2 m/s

Əlaqə

AZ RU EN

Ana səhifə / Siyasət / Səməd Seyidov: Avropa Parlamentində keçirilən dinləmələr iflasla nəticələnib

Səməd Seyidov: Avropa Parlamentində keçirilən dinləmələr iflasla nəticələnib

12.06.2015 [09:29]

“Avropa Parlamentində Azərbaycanın və Avropa Oyunlarının əleyhinə çıxış edən deputatlar Avropanın və Avropa Birliyinə daxil olan ölkələrin gələcəyini başqa ölkələrdən təcrid edirlər. Avropanı başqa ölkələrlə üz-üzə qoyurlar. Avropanın içərisində onsuz da problemlərin olduğu vaxtda daha çox problemlər yaradırlar. Onlar əslində problemləri bizim üçün yox, özləri üçün yaradırlar”.
Bu sözləri APA-ya açıqlamasında Azərbaycanın Avropa Şurası Parlament Assambleyasında (AŞPA) nümayəndə heyətinin rəhbəri Səməd Seyidov iyunun 10-da Avropa Parlamentində “İdman və insan haqları” mövzusunda Azərbaycanla bağlı dinləmələrə münasibət bildirərkən deyib.
S.Seyidovun fikrincə, bu, faktiki olaraq anti-Azərbaycan yox, Avropanın içərisində anti-Avropa fəaliyyətidir. O bildirib ki, Azərbaycanla bağlı keçirilən dinləmələr tamamilə iflasa uğrayıb: “Ona görə ki, çıxış edən 33-35 nəfərin təxminən 15 nəfəri Azərbaycanda keçirilən Avropa Oyunlarını müsbət qiymətləndirdilər, Azərbaycana qarşı belə təzyiqlərin düzgün olmadığını, Azərbaycanla dialoqun zəruriliyini, Azərbaycanın Avropanın bayrağını yüksəltdiyinə görə ona minnətdarlıq düşdüyünü vurğuladılar. Mən əvvəldən axıra kimi bu dinləmələri izlədim. Eyni zamanda bu, onu da göstərdi ki, Avropa Parlamentinin içərisində artıq proseslər tamamilə başqa cür getməyə başlayıb. Məsələn, iki gün bundan öncə Lunaçek başda olmaqla, istədilər Azərbaycanla bağlı xüsusi qətnamə qəbul etsinlər. Amma keçmədi, alınmadı. Dinləmələr təşkil olundu və bunlar elə bildilər ki, eyni istiqamətdə Azərbaycana qarşı faktlar tapıb çıxış edəcəklər. Lunaçek başda olmaqla, o deputatların Azərbaycana qarşı qərəzli kampaniyası dəstək almadı. Hətta orada müzakirələr zamanı Avropa Parlamentinin deputatlarının suallarına cavab verərkən nümayəndələrdən biri dedi ki, Azərbaycanı təcrid etmək düzgün deyil, dialoq aparılmalı və münasibətlər normallaşdırılmalıdır. O bildirdi ki, “bəsdir Azərbaycanı öyrətdik, biz başqalarını öyrətdikcə özümüz onlardan təcrid olunuruq”. Bu, onu göstərir ki, artıq avropalı deputatlar hər şeyi başa düşməyə başlayıblar. Anlamağa başlayıblar ki. Azərbaycanın siyasəti düzgündür və biz kiməsə qarşı qərəzli siyasət aparmırıq, maraqlarına toxunmuruq”.
S.Seyidovun sözlərinə görə, Azərbaycan öz maraqlarını qoruyur və Avropa dəyərlərini ucaldır: “Bu dinləmələr bir daha göstərdi ki, Azərbaycana qarşı təzyiqlərin əsasında erməni lobbisinin, Azərbaycanı istəməyən qüvvələrin Azərbaycana qarşı apardığı siyasət dayanır. Öz vəsaitini ortaya qoyaraq Avropa bayrağını Azərbaycan bayrağı ilə birgə yüksəldən Azərbaycana qarşı işləyən qüvvələr əslində Avropaya qarşı işləyən və erməni dəyirmanına su tökən insanlardır. Biz gələcəkdə hansısa məsələlərə yanaşanda artıq bu şəxslərlə bağlı konkret olacağıq. Ona görə də bizim bu quruma yox, oradakı bəzi şəxslərə qarşı mövqeyimiz qəti olacaq”.

Paylaş:

Baxılıb: 641 dəfə