Əli Həsənov: Bir tərəfdə separatçı rejim dəstəklənir, digər tərəfdə cəza tətbiq olunur

Bakı:

19 °C

79 %

9 m/s

Əlaqə

AZ RU EN

Ana səhifə / Siyasət / Əli Həsənov: Bir tərəfdə separatçı rejim dəstəklənir, digər tərəfdə cəza tətbiq olunur

Əli Həsənov: Bir tərəfdə separatçı rejim dəstəklənir, digər tərəfdə cəza tətbiq olunur

26.02.2015 [00:15]

“Çox təəssüflər olsun ki, indi dünyada ikili standartlar hökm sürür. Bəzən BMT Təhlükəsizlik Şurasının ayrı-ayrı dövlətlərlə bağlı çıxardığı qətnamələr bir günün içərisində həyata keçirilir”. Bu sözləri “Publika.az”-ın sualına cavabında Azərbaycan Prezidentinin İctimai-siyasi məsələlər üzrə köməkçisi, Prezident Administrasiyasının şöbə müdiri Əli Həsənov bildirib.
Onun sözlərinə görə, bəzən hər hansı bir ölkə yerdən və havadan bombalanaraq, bir günün içərisində beynəlxalq hüququn normalarına məcburi şəkildə tabe etdirilir: “Amma Ermənistan kimi kiçik və cırtdan ölkə 20 ildən çoxdur ki, BMT Təhlükəsizlik Şurasının qəbul etdiyi 4 qətnaməyə meydan oxuyur və dünya da bunun üzərinə getmir. Bütün bunlar dünyanın mövcud reallığıdır, dünyada olan ikili standartların və ədalətsizliyin göstəricisidir. Beynəlxalq aləmin Ukrayna hadisələri ilə Dağlıq Qarabağ hadisələrinə yanaşmasında olan fərqə baxın - bir tərəfdə separatçı rejimə qarşı lazım olan bütün tədbirlər görülür, onların cəzalandırılması istiqamətində beynəlxalq hüququn bütün normaları tətbiq olunur. Amma digər tərəfdə isə separatçı rejim dəstəklənir, onun rəhbərlərinə dünyada qucaq açılır, müxtəlif aksiyalar keçirilməklə separatçı rejim üçün pul yığılmasına şərait yaradılır. Yəni bir tərəfdə separatçı rejimə dəstək verilir, digər tərəfdə isə cəza tətbiq olunur. Ona görə biz bu cür reallığı qəbul edib, ona uyğun hərəkət edirik. Məgər bu gün dünyada kimsə bunu anlamır və ya bilmir?”
Əli Həsənov deyib ki, dünya ictimaiyyəti bizim dərdimizi, Ermənistan - Azərbaycan münaqişəsinin həqiqətlərini, Xocalıda törədilmiş qətliamı yaxşı bilir: “Dünyanın ayrı-ayrı siyasətçiləri də bunu yaxşı bilirlər. Sadəcə olaraq, bu, onların bəzilərinin maraqlarına cavab vermədiyi üçün onlar ermənilərin üzərinə getmirlər və işğalçını beynəlxalq hüquqa tabe etdirmirlər. Biz bütün bunları Türkiyə və Azərbaycan olaraq birgə dünyaya çatdırmaq istəyirik və bu istiqamətdə fəaliyyətimizi davam etdiririk”.
Xocalı soyqırımının dünya ölkələri tərəfindən tanıdılması məsələsinə də toxunan Ə.Həsənov bu soyqırımla bağlı həqiqətlərin dünya ictimaiyyətinə yetərincə çatdırıldığını və dünyanın bunu gördüyünü söyləyib: “Ötən müddət ərzində dünyanın 10-dan çox ölkəsinin, o cümlədən, ABŞ-ın 14-dən artıq ştatının Xocalı həqiqətlərini qəbul etməsi və bunu dəyərləndirməsi bizim apardığımız həmin işlərin nəticəsidir. Bu gün Türkiyənin bütün əyalətlərində Xocalı soyqırımı və ermənilərin azərbaycanlılara qarşı törətdiyi əməllərlə bağlı tədbirlər təşkil olunur. Dünyanın 22 ölkəsində Türkiyə və Azərbaycan hökuməti və diaspora təşkilatları tərəfindən bu cür tədbirlər keçirilir. Bu tədbirləri təşkil etməklə kimdənsə qisas almaq məqsədi daşımırıq. Bizə qarşı ermənilərin 100 ildən artıqdır ki, irəli sürdüyü ittihamların hamısı uydurma, şər və böhtandır”.

Paylaş:

Baxılıb: 670 dəfə