“Milli şura” mitinqi kimin üçün keçirir?

Bakı:

19 °C

63 %

2 m/s

Əlaqə

AZ RU EN

Ana səhifə / Siyasət / “Milli şura” mitinqi kimin üçün keçirir?

“Milli şura” mitinqi kimin üçün keçirir?

25.10.2014 [11:57]

Siyavuş Novruzov: Xalq onları tanımaq belə istəmir
Xəbər verildiyi kimi, “Milli şura” növbəti etiraz aksiyasına hazırlaşır. Artıq bu məsələ qurum daxilində müzakirəyə çıxarılıb. Elə AXCP sədrinin müavini Fuad Qəhrəmanlı da bildirib ki, növbəti mitinqin baş tutması reallaşa bilər.
Yeri gəlmişkən, Əli Kərimlinin müavininin mitinq açıqlamasında diqqətçəkən əsas məqam “Qərbin siyasi məhbuslarla bağlı iqtidara təzyiqlərinin artdığı indiki dönəmdə mitinqlər dünyanın diqqətini daha çox ölkəmizə yönəltməyə, demokratik prosesə daha çox beynəlxalq dəstək verilməsinə zəmin yarada bilər” sözləridir. Bu, “Milli şura” mitinqi Azərbaycan xalqı, yoxsa Qərb üçün keçirir” sualını doğurur.
Öz növbəsində, məsələyə münasibət bildirən Yeni Azərbaycan Partiyasının (YAP) İcra katibinin müavini, millət vəkili Siyavuş Novruzov Publika.az-a açıqlamasında deyib ki, “Milli şura” mitinqləri Qərbin “gözündə ucalmaq” üçün keçirir: “Xalq onları tanımaq belə istəmir. Ona görə də, xalqın adından danışa bilməzlər. Ümumilikdə götürdükdə, ətraflarında 5-10 nəfər yaxınlarından başqa heç kim olmur. Onlar, sadəcə olaraq, Qərbin “gözündə ucalmaq”, Vətənə xəyanətin necə həyata keçirildiyini nümayiş etdirmək üçün edirlər. Lakin Azərbaycan müstəqil dövlətdir, müstəqil siyasət aparır. Nə Qərbin, nə də Şərqin diktəsi ilə işləmir. Diktə ilə işləyənlər onlardır ki, belə hərəkətlər edirlər”.
Publika.az-ın məlumatında o da qeyd edilir ki, Avropa Parlamentinin Azərbaycanla bağlı tənqidi qətnaməsindən sonra müxalifətdə mitinq canlanmasının olması da diqqət çəkən idi. Bu arada 12 oktyabr mitinqindən sonra mediada yayılan xəbərlərə görə, “Milli şura” mitinq üçün 8 min dollar pul alıb. Məlumata görə, Avropa Parlamentində təmsil olunan siyasi qrupların birinə yaxınlığı ilə seçilən Qərb QHT-lərindən biri Azərbaycanda demokratiya və insan haqlarının olmamasına etiraz mitinqi keçirmək üçün “Milli şura”ya 8 min dollar məbləğ ayırıb. QHT rəhbərləri həbs ediləndən sonra, xüsusilə Leyla Yunus saxlanılan kimi “Milli şura” təmsilçiləri avropalı himayəçiləri ilə internet üzərindən müzakirə aparıb. Həmin müzakirələrdə “Milli şura”ya etiraz mitinqi təşkil edilməsi təklif olunub və bunun üçün lazımi dəstəyin veriləcəyi bildirilib. Qurumun rəhbərliyi mitinqin təşkilati işi üçün lazım olacaq məbləği yaxın günlərdə deyəcəklərini bildiriblər. Qurum daxilində hesablamalardan sonra mitinq üçün məbləğ 8 min dollar olaraq açıqlanıb. Mitinq üçün 8 min dollar “Milli şura”ya yaxın olan, amma heç kimin ağlına gəlməyəcək bir şəxsin bank hesabına köçürülüb.
Siyavuş Novruzov isə hesab edir ki, mitinqə ayrılan məbləğ 8 min yox, daha çox olub: “Onlar özləri mediaya 8 min dollar aldıqlarını sızdırmaqla, ətrafındakı insanların gözünü bağlayırlar. Yəni, bu qədər vəsait olub, bu da mitinqə xərclənib. Amma yəqin ki, onlar daha çox alıblar və dar çevrədə bölüşdürüblər”.

Paylaş:

Baxılıb: 665 dəfə