İmişlidə “Şəhərsalma ili: gələcək və inkişaf” mövzusunda tədbir keçirilib

Bakı:

32 °C

36 %

1 m/s

Əlaqə

AZ RU EN

Ana səhifə / YAP xəbərləri / İmişlidə “Şəhərsalma ili: gələcək və inkişaf” mövzusunda tədbir keçirilib

İmişlidə “Şəhərsalma ili: gələcək və inkişaf” mövzusunda tədbir keçirilib

05.06.2026 [13:49]

İmişli rayon İcra Hakimiyyəti və Yeni Azərbaycan Partiyası İmişli rayon təşkilatının birgə təşkilatçılığı ilə “Şəhərsalma və Memarlıq İli” çərçivəsində “Şəhərsalma ili: gələcək və inkişaf” mövzusunda tədbir keçirilib.

Tədbirdə İmişli rayon İcra Hakimiyyətinin başçısı Elçin Rzayev, YAP İmişli rayon təşkilatının sədri Səfa Ağayev, idarə, müəssisə və təşkilat rəhbərləri, partiya fəalları və ictimaiyyət nümayəndələri iştirak ediblər.
Əvvəlcə Azərbaycan xalqının Ümummilli Lideri Heydər Əliyev və Vətənimizin ərazi bütövlüyü uğrunda canlarından keçmiş şəhidlərin əziz xatirəsi bir dəqiqəlik sükutla yad olunub.

Tədbirdə çıxış edən İmişli rayon İcra Hakimiyyətinin başçısı Elçin Rzayev bildirib ki, Azərbaycan Respublikasının Prezidenti cənab İlham Əliyev tərəfindən 2026-cı ilin “Şəhərsalma və Memarlıq İli” elan olunması ölkəmizdə şəhərsalma və memarlıq sahəsinə göstərilən yüksək diqqətin bariz nümunəsidir. Qeyd edib ki, Ulu Öndər Heydər Əliyev tərəfindən müəyyən edilmiş inkişaf strategiyası Prezident cənab İlham Əliyevin rəhbərliyi ilə uğurla davam etdirilir, ölkəmizin bütün bölgələrində, xüsusilə də işğaldan azad olunmuş ərazilərdə həyata keçirilən genişmiqyaslı quruculuq layihələri Azərbaycanın qüdrətini və gələcəyə hesablanmış inkişaf siyasətini nümayiş etdirir. O, həmçinin su təsərrüfatı işçilərini peşə bayramı münasibətilə təbrik edərək onların ölkənin aqrar inkişafına və ərzaq təhlükəsizliyinin təmin olunmasına verdikləri töhfələri yüksək qiymətləndirib.

Çıxış edən YAP İmişli rayon təşkilatının sədri Səfa Ağayev “Şəhərsalma və Memarlıq İli”nin əhəmiyyətindən bəhs edərək bildirib ki, həyata keçirilən layihələr ölkəmizin sosial-iqtisadi inkişafına, insanların rifahının yüksəldilməsinə və müasir yaşayış mühitinin formalaşdırılmasına xidmət edir. O, Bakıda keçirilən Ümumdünya Şəhərsalma Forumunun 13-cü Sessiyasının xüsusi əhəmiyyətini vurğulayaraq Azərbaycanın beynəlxalq nüfuzunun, diplomatik imkanlarının və qlobal problemlərin həllində artan rolunun növbəti təsdiqindən danışıb. Səfa Ağayev həmçinin su təsərrüfatı işçilərinin peşə bayramını təbrik edib, meliorasiya və su təsərrüfatı işçilərinin ölkənin aqrar potensialının gücləndirilməsində və regionların sosial-iqtisadi inkişafında mühüm rol oynadığını qeyd edib.
Digər çıxış edənlər – Qasım Qasımov, Samir Məmmədov, Cəlil Əliyev, Orxan Nağıyev, Qalib Mirzəyev də mövzu ətrafında fikirlərini bölüşərək ölkəmizdə həyata keçirilən abadlıq-quruculuq işlərinin, yeni yaşayış və sosial infrastruktur layihələrinin Azərbaycanın davamlı inkişafına xidmət etdiyini qeyd ediblər.

Tədbirin sonunda Yeni Azərbaycan Partiyasına yeni qəbul olunmuş üzvlərə partiya biletləri təqdim edilib.

Paylaş:

Baxılıb: 420 dəfə