Şənbə üçün nəzm
06.06.2026 [08:32]
Məni elə unut ki, elə bil sevməmisən,
Özün özünü aldat,
De ki, yuxu görmüsən...
Xəzri alsın-aparsın,
Gilavara çatdırsın,
O da sovursun göyə,
Heç izim də qalmasın -
Bu şəhərin, bu yurdun,
Bu ölkənin sərhədsiz,
Hüdudsuz enliyindən...
Səslərim daşa dəysin,
Sözlərim qaya olsun,
Qoy hardasa qırılsın,
bir ovuc torpaq olsun.
Xatirələr toz-duman,
Qoy sərilsin dənizə,
Bəlkə yelkən aparar, bəlkə lövbər batırar.
Ürəyində bir hənir, bir çırpıntı qalmasın.
Məni elə unut ki, adım da qoy yad gəlsin,
Özüm, sözüm bir yana,
Kölgəm də özgələşsin...
Bir gün rastlaşsaq əgər
hər hansısa dünyada
Ruhumu da tanıma, o da yad olsun daha.
Bir titrətmə, bir soyuq
Düşsə birdən canına
Özünlə tək qalanda.
Ürəyindən bir ağrı
Qopsa, mənəm uzaqda.
Dərman içmə boşuna...
Məni elə unut ki...
***
Sənə çatmaq ulduzlara çatmaq qədər
çətin,
Ovuca su götürmək qədər asan.
Sənə toxunur,
Çatdığımı düşünürəm,
Vüsalına gülümsəyirəm.
Və...
Və ulduza çatmadan hicran başlayır...
Tənhalığın yüz ili kimi çəkir
Ömürdən sənsiz keçən hər gün.
Sən isə...
Sən isə mənsiz keçən hər gün
Dünənkindən daha çox can atırsan
Sonsuzluğa...
Sənlə mən vüsalın tərs,
hicranın düz üzüyük -
Adsız barmağa taxılan qızıl üzüyük...
***
Allah,
Uşaq vaxtı bəlkə də,
Kimisə incitmişəm,
Qəlbini sındırmışam,
Heç fikir verməmişəm.
Sən də, məni bağışla...
Allah,
Elə sənə and olsun,
And olsun ucalığa!
Heç mən bilməmişəm,
Bilərək etməmişəm,
Sən də məni bağışla...
Allah,
Mən də axı uşaqdım,
Çox şeyi anlamırdım.
Sən onda da böyükdün,
Sən indi də böyüksən,
“Suç kiçiyin” demisən,
Sən də məni bağışla...
***
Bakının küçələri Tiflisə oxşayırdı -
O eyvanlar, qapılar
Şəhərin gecəsinə
Açılan o sabahlar.
O ikiqat şüşəli
aynabənd artırmalar...
Sən də onda başqaydın -
Köhnə, əziz evlərin
İşıqlı həyətitək
Açıqdın -
Çox yaxındın,
Sən hamıdan doğmaydın,
Özünə oxşayırdın.
Küçələrin dirəkli,
Uca lampaları da
Şaqraq gülüşlərimtək
Yanırdı, parlayırdı...
Mən də onda başqaydım,
Səni mənə oxşadırdım...
Bakının küçələri də,
bizim könlümüzdəki
Tiflisə oxşayırdı...
***
Vualımın altında
Hansı makiyaj durur, şıqlığı ilə
bərq vurur?!.
Gecə keçəndən sonra
Miselyar sular ilə
Hansı silinir-gedir?
Bircə tikə pambığa hopur, sovrulur, itir?!.
Bəzən köməyə gəlmir
Ən bahalı, ən brend, ən bərkgedən
markalar,
Tonal kremlər, maskalar -
Örtüb gizlədə bilmir!
Ürəyimdə kirayənişin adla qalan,
Məni aldadan ağrılar,
Şırım-şırım yer alan,
dərin-dərin kök salan
Qırış kimi yaralar -
İpə-sapa yatmırlar...
Yığışım, köçüm bəlkə,
Başqa adlı dünyaya?!
Bu dünya çox bərbaddır,
İnsanlar mənə yaddır...
Yığışım, köçüm bəlkə?!.
Mən səninlə öyrənmişəm
Sevginin suç olmasına.
Mən səninlə öyrəşmişəm
Hər şeyin gec olmasına.
Gəlib “varam” deməyin də,
“Sənə yaram” deməyin də,
“Yaran saram” deməyin də
Heçdir, heç olmasına.
Bilmirəm ki, necə gedim?
Qəlbində kim? Necə bilim?
Sənə olan bu sevginin
Ağlaram puç olmasına...
***
Kaş Bakı bir süfrə ola -
Kənarı ipək saçaqlı...
Yığıb götürəm masamdan,
Dünənki qırıntıları
Arasında qala,
Çırpam eyvandan havaya,
Quşlar yesin,
Qurdlar yesin,
Və daha bitsin.
Bəmbəyaz yeni süfrəmi
yenə sərəm Yer üzünə.
Qoy yellənsin saçaqları
Azad-azad.
Ruhsuz-cansız küçələri dalan-dalan
Rahat-rahat, abad-abad
Dolansın həzin Gilavar,
Sabaha yenə ümid var..
Eyni qatarın sakinləriyik,
Ya da sərnişinləriyik.
Eh, nə fərqi var? Yol gedirik -
Ayrı-ayrı vaqonlarda.
Platforma da birdir, qatar yolu da,
Sənin fikrin-zikrin bəlli ünvanda,
Mənim fikrim heç Allah da bilmir harda...
“Bütün yollar Romaya aparır”, deyirlər.
Yox...
Yenə “Bakmil”ə gedir bütün arzular da.
“Sonuncudur! Vaqonlardan düşərkən
Əşyalarınızı götürməyi unutmayın...”, -
dedi bələdçi qız da...
Qoymadı kədəri unudam-atam
son stansiyada...
Yarı müdrik, yarı şıltaq,
Yarı böyük, yarı uşaq,
Yarı kötük, yarı yarpaq
Bir bəndən var, görürsənmi?..
Allah,
yuxum çəkilib ərşə!
Ya ərşi endir yerə,
Ya məni qaldır ərşə!
Ya da...
Ya da özün bilirsən necə...
Xanım AYDIN
Xəbər lenti
Hamısına bax
Sosial
30 İyun 08:30
İqtisadiyyat
29 İyun 23:49
İqtisadiyyat
29 İyun 23:34
Dünya
29 İyun 23:17
İqtisadiyyat
29 İyun 22:50
Dünya
29 İyun 22:28
Dünya
29 İyun 22:10
Sosial
29 İyun 21:45
Dünya
29 İyun 21:32
Dünya
29 İyun 21:19
Sosial
29 İyun 20:43
Dünya
29 İyun 20:30
Dünya
29 İyun 20:16
Siyasət
29 İyun 20:09
Siyasət
29 İyun 19:58
Xəbər lenti
29 İyun 19:57
Gündəm
29 İyun 19:24
Sosial
29 İyun 19:21
Müsahibə
29 İyun 19:05
İqtisadiyyat
29 İyun 18:34
Xəbər lenti
29 İyun 18:03
Siyasət
29 İyun 17:59
Sosial
29 İyun 17:29
Dünya
29 İyun 17:20
Dünya
29 İyun 16:51
Dünya
29 İyun 16:22
Sosial
29 İyun 16:17
Xəbər lenti
29 İyun 16:04
Xəbər lenti
29 İyun 16:02
Xəbər lenti
29 İyun 16:01
Siyasət
29 İyun 16:00
İqtisadiyyat
29 İyun 15:58
Siyasət
29 İyun 15:56
Dünya
29 İyun 15:49
Sosial
29 İyun 15:10
Siyasət
29 İyun 15:09
Siyasət
29 İyun 15:08
Siyasət
29 İyun 15:07
Mədəniyyət
29 İyun 14:08
YAP xəbərləri
29 İyun 13:47
Sosial
29 İyun 13:26
YAP xəbərləri
29 İyun 12:48
Sosial
29 İyun 12:42
Elm
29 İyun 12:33
Sosial
29 İyun 12:31
Xəbər lenti
29 İyun 12:29
İqtisadiyyat
29 İyun 12:12
Siyasət
29 İyun 12:01
Siyasət
29 İyun 12:01
Siyasət
29 İyun 11:59
Siyasət
29 İyun 11:58
Gündəm
29 İyun 11:56
Gündəm
29 İyun 11:07
Dünya
29 İyun 10:53
Siyasət
29 İyun 10:27
Dünya
29 İyun 10:20
Dünya
29 İyun 09:45
Dünya
29 İyun 09:17
Dünya
29 İyun 08:50
İdman
29 İyun 08:34
Dünya
28 İyun 23:20
Dünya
28 İyun 22:34
Dünya
28 İyun 21:51
Dünya
28 İyun 20:42
Dünya
28 İyun 19:20
Maraqlı
28 İyun 18:42
Dünya
28 İyun 17:26
Maraqlı
28 İyun 16:31
Dünya
28 İyun 15:23
Dünya
28 İyun 14:17
