Siyavuş Novruzov: Majoritar seçki sistemi özünü doğruldub

Bakı:

26 °C

64 %

9 m/s

Əlaqə

AZ RU EN

Ana səhifə / Siyasət / Siyavuş Novruzov: Majoritar seçki sistemi özünü doğruldub

Siyavuş Novruzov: Majoritar seçki sistemi özünü doğruldub

23.09.2014 [09:36]

“Ümumiyyətlə, dünyada seçki sistemləri çoxdur. Buna misal olaraq proporsional, majoritar, qarışıq seçki sistemlərini və s. göstərə bilərik”. Bunu SİA-ya Yeni Azərbaycan Partiyasının (YAP) İcra katibinin müavini, millət vəkili Siyavuş Novruzov müxalifətin proporsional seçki sisteminin bərpasını istəməsinə münasibət bildirərkən deyib.
Onun sözlərinə görə, proporsional seçki sisteminin özündə bir neçə forma mövcuddur: “Burada kim özünə layiqli namizədi seçibsə, siyahıda onun adını tapır və öz səsini ona verir. Sonradan isə həmin siyahı səslərin verildiyi saya, hesaba görə sıralanır. Təbii ki, Azərbaycan da vaxtilə bu sistemin müxtəlif formalarından istifadə edib. Ölkəmizdə 1995-ci ildə Konstitusiya qəbul olunanda 125 deputatın 25-nin proporsional seçki sistemi əsasında, 100 nəfərin isə majoritar qaydada seçilməsinə qərar verilmişdi”.
YAP İcra katibinin müavini sonradan majoritar seçki sisteminin daha məqsədəuyğun olduğunu, məhz bu seçki sisteminin reallaşdırıldığını xatırladıb: “Sonradan isə təcrübə göstərdi ki, majoritar qaydada birbaşa təmsilçiliyə üstünlük vermək daha məqsədəuyğundur. Dünyanın bir çox ölkələrində - ABŞ-da, Kanadada, Yaponiyada da majoritar sistem fəaliyyət göstərir. Mojaritar sistem seçki təcrübəsində özünü doğruldub”.
Siyavuş Novruzov müxalifətin proporsional seçki sisteminin bərpası istiqamətindəki fikirlərinə də aydınlıq gətirib: “Bəs, gəlin, görək, müxalifət proporsional seçki sisteminin bərpasını nəyə görə gündəmə gətirib? Sadəcə olaraq, müxalifət “liderləri” majoritar qaydada irəli sürülən namizədlərlə mübarizə apara bilmirlər. Çünki rəqibləri seçici ilə daha çox işləyir və təbliğat-təşviqatlarını düzgün təşkil edirlər. Məhz bu baxımdan müxalifətçilər majoritar seçki sistemi vasitəsilə neçə illərdir ki, seçilə bilmirlər. Bu şəxslər çalışırlar ki, partiyanın kölgəsində gizlənib onun hesabına Milli Məclisə keçirilən seçkilərdə qalib gəlsinlər”.
S.Novruzov, həmçinin, Leyla Yunusun həbsxana yoldaşlarını, vəkilləri aşağılaması, təhqir etməsi ilə bağlı da münasibət bildirib. O deyib ki, bu, bütövlükdə insanların hüquqlarının pozulmasıdır.
Onun sözlərinə görə, Leyla Yunus nəinki orada həbsxana yoldaşlarını, vəkilləri, eləcə də vətəndaşların gözü qarşısında insanların təhlükəsizliyini qoruyan polisi təhqir edib: “Əgər kiməsə qarşı qanun pozulubsa, bunu aydınlaşdırmaq üçün məhkəmə mövcudur. Onda belə çıxır ki, biri digərini təhqir edirsə, qarşı tərəf onu mütləq yolda tutub döyməlidir? Leyla Yunus ömrü boyu və qəsdən polisə, həbsxana işçilərinə, yoldaşlarına qarşı təhqirlə məşğul olub. Bu şəxs bütün hallarda Azərbaycan qanunlarına qarşı çıxıb və onu pozub”.

Paylaş:

Baxılıb: 801 dəfə