Misirin nüfuzlu “Al-Balad” qəzetində Azərbaycan Prezidenti İlham Əliyevin Praqa Sammitindəki çıxışı haqqında məqalə dərc olunub

Bakı:

16 °C

94 %

3 m/s

AZ RU EN

Ana səhifə / Siyasət / Misirin nüfuzlu “Al-Balad” qəzetində Azərbaycan Prezidenti İlham Əliyevin Praqa Sammitindəki çıxışı haqqında məqalə dərc olunub

Misirin nüfuzlu “Al-Balad” qəzetində Azərbaycan Prezidenti İlham Əliyevin Praqa Sammitindəki çıxışı haqqında məqalə dərc olunub

29.04.2014 [09:25]

Misirin “Al-Balad” nəşrinin internet resursunda Azərbaycan Prezidenti İlham Əliyevin Avropa İttifaqının (Aİ) “Şərq tərəfdaşlığı” Proqramının beşilliyinə həsr olunmuş Praqa Sammitindəki çıxışı haqqında məqalə dərc olunub.
Məqalədə bildirilib ki, Azərbaycanın dövlət başçısı öz çıxışında Azərbaycan ilə Aİ ölkələri arasındakı əməkdaşlığın səviyyəsini yüksək qiymətləndirib və son beş ili Avropa təsisatları ilə daha yaxın əlaqələrin qurulmasın baxımından çox əhəmiyyətli hesab edib. Azərbaycan Prezidentinin zirvə görüşündə dediyi “Azərbaycan ötən beş il ərzində siyasi və iqtisadi islahatlar həyata keçirib, bu beynəlxalq təşkilata üzv olan dövlətlərlə çox konstruktiv və geniş əlaqələr qurmuşdur” fikri yer alıb.
Yazıda, həmçinin Prezident İlham Əliyevin “Biz siyasi islahatlara böyük əhəmiyyət veririk və bu baxımdan Avropa İttifaqı ilə əməkdaşlığımızı önəmli hesab edirik. Demokratik inkişaf, insan hüquqlarının qorunması, qanunun aliliyinin və fundamental azadlıqların təmin olunması bizim əsas prioritetlərimizdəndir. Biz ölkəmizi müasirləşdiririk. Müasir iqtisadi sistem müasir siyasi sistemlə tamamlanmalıdır. Bu baxımdan Avropa İttifaqının nümunəsi yaxşı nümunədir” fikirləri də əksini tapıb.
Prezident İlham Əliyevin zirvə görüşündəki bu sözləri sitat kimi verilib. “Azərbaycan iqtisadiyyatı son on ildə islahatlar nəticəsində dünyanın ən sürətlə inkişaf edən iqtisadiyyatına çevrilib. Azərbaycan dövləti ölkədə işsizliyi və yoxsulluğu aradan qaldıra bilib. Yoxsulluq Azərbaycanda 5 faiz təşkil edir. Xarici borcumuz ümumi daxili məhsulun cəmi 8 faizini təşkil edir”.
Məqalədə Prezident İlham Əliyevin Avropa ilə Azərbaycan arasında sıx əməkdaşlığın davam etdirilməsi zərurəti barədə dediyi sözlər də diqqətə çatdırılıb. Qeyd edilib ki, Azərbaycan Prezidentinin fikrincə, bu tərəfdaşlıq elə davam etdirilməlidir ki, qarşılıqlı faydalı və mühüm layihələri uğurla həyata keçirmək mümkün olsun.
Nəşrin elektron variantında Prezident İlham Əliyevin Ermənistan-Azərbaycan, Dağlıq Qarabağ münaqişəsinin həlli barədə sözləri sitat gətirilib: “Türkiyə ilə Ermənistanın sərhədi Azərbaycanın Kəlbəcər rayonunun 1993-cü ilin aprelində işğalından sonra bağlanıb. Bundan əvvəl isə bütün azərbaycanlılar Dağlıq Qarabağdan qovulub. Dağlıq Qarabağ əhalisinin 30 faizi azərbaycanlılar idi. Kəlbəcərdən əvvəl 1992-ci ildə ermənilər Şuşanı və Laçını işğal etdilər. Daha sonra Ağdam, Füzuli, Zəngilan, Qubadlı, Cəbrayıl - Dağlıq Qarabağın inzibati sərhədlərindən kənarda olan, ümumilikdə, 7 Azərbaycan rayonunu işğal etdilər ki, bu da Azərbaycanın beynəlxalq səviyyədə tanınan ərazisinin 20 faizini təşkil edir”.

Paylaş:

Baxılıb: 806 dəfə