Ramil Səfərovun azadlığa çıxması qətiyyətin, cəsarətin və ədalətin təntənəsidir

Bakı:

19 °C

72 %

9 m/s

Əlaqə

AZ RU EN

Ana səhifə / Siyasət / Ramil Səfərovun azadlığa çıxması qətiyyətin, cəsarətin və ədalətin təntənəsidir

Ramil Səfərovun azadlığa çıxması qətiyyətin, cəsarətin və ədalətin təntənəsidir

01.09.2012 [17:35]

Əli Əhmədov: Ramil azadlığa qovuşdu, növbədə Qarabağın azadlığıdır. İnşallah, bir gün də hörmətli Prezident və Ali Baş Komandan İlham Əliyev Qarabağın azadlığını bəyan edəcək
“Prezident İlham Əliyevin Ramil Səfərovun əfv edilməsi haqqında Sərəncamını mən qətiyyətin, cəsarətin və ədalətin təntənəsi adlandırmaq istəyirəm. Hesab edirəm ki, bütün Azərbaycan xalqı bu fikirdədir”. Bu sözləri yap.org.az saytına açıqlamasında YAP-ın Sədr müavini-İcra katibi, millət vəkili Əli Əhmədov deyib.
Ramil Səfərovun valideynlərinə və yaxınlarına təbriklərini çatdıran YAP-ın Sədr müavini qeyd edib ki, Ramilin azadlığa çıxması Qarabağın azadlığının müjdəsi olacaqdır. çünki Ramil Səfərovun taleyi ilə Qarabağın taleyində bir oxşarlıq var: həm Qarabağ, həm də Ramil təxribatın qurbanları olublar. Biri işğal olub düşmən tapdağı altındadır, digəri isə neçə il idi azadlıqdan mərhum olmuşdu. Ramil azadlığa qovuşdu, növbədə Qarabağın azadlığıdır. İnşallah, bir gün də hörmətli Prezident və Ali Baş Komandan İlham Əliyev Qarabağın azadlığını bəyan edəcək. Buna hamı inanır, bunu hamı gözləyir. Haqsızlığın biri tarixin arxivinə göndərildi, digəri də, inanıram elə bu cür aradan qaldırılacaq.
“Əlbəttə, Ramil Səfərovun azadlığa buraxılması dövlətimizin sülhsevər siyasətinin, beynəlxalq aləmdə hörmət və nüfuzunun yüksəlməsinin aydın ifadə olunan nəticəsidir. Azərbaycan xalqı və dövləti bütün dünyada sülhsevərliyi ilə tanınır, bütün xalqlara, dinlərə, mədəniyyətlərə hörmətlə yanaşır. Dünya tarixində Azərbaycanın kimə, hansısa bir dövlətə qarşı təcavüzü, haqsızlığı, başqalarının torpaqlarına göz dikməsi faktı qeydə alınmayıb. Azərbaycanın haqqı var ki, digərlərindən də eyni münasibəti gözləsin və sevindirici haldır ki, Macarıstan tərəfi bütün bunları qiymətləndirə bildi” - deyə, Əli Əhmədov bildirib.
“Azərbaycan xalqının ümummilli lideri Heydər Əliyevin “ağıl olan yerdə gücə elə bir ehtiyac qalmır” kəlamını iqtibas gətirən YAP-ın Sədr müavini Əli Əhmədov Ramil Səfərovun azadlığa buraxılmasını məhz bu ağlın, müdrikliyin nəticəsi kimi qiymətləndirib: Bu, Azərbaycanın Prezidenti cənab İlham Əliyevin müdrikliyin nəticəsidir.
Əli Əhmədov daha sonra, “Əlbəttə, Azərbaycanın indi gücü də var və Qarabağı 20 ildən çox işğal altında saxlayanlar onu gözəl dərk edirlər. Həm ağıl var, həm də güc. Belə olanda ürəkdən demək istəyirəm: haydı irəli, Azərbaycan! Bayrağın uca olsun!” - deyə, qeyd edib.

Paylaş:

Baxılıb: 878 dəfə