"WizzAir" Azərbaycanda turizmin inkişafına yeni töhfələr verməyə hazırlaşır

Bakı:

16 °C

88 %

14 m/s

Əlaqə

AZ RU EN

Ana səhifə / İqtisadiyyat / "WizzAir" Azərbaycanda turizmin inkişafına yeni töhfələr verməyə hazırlaşır

"WizzAir" Azərbaycanda turizmin inkişafına yeni töhfələr verməyə hazırlaşır

07.03.2016 [16:50]

Yozef Varadi: Macarıstan Azərbaycanın Avropaya açılan yeni qapısı olacaq
Martın 27-dən etibarən Avropanın daha bir nəhəng aviaşirkəti -Macarıstanın "WizzAir" avişirkəti Budapeşt-Bakı-Budapeşt marşrutu üzrə müntəzəm uçuşlara başlayacaq. Uçuşlar həftədə iki dəfə - çərşənbə və bazar günləri həyata keçiriləcək. Aviabiletlərin qiymətinin 59,9 avrodan başlaması bu reysi Avropa ölkələrinə səyahət etmək istəyən Azərbaycan vətəndaşları üçün də cəlbedici edəcək. Bu fikirləri "WizzAir" şirkətinin baş direktoru Yozef Varadi martın 6-da "Hilton" hotelində keçirdiyi mətbuat konfransında səsləndirdi. Onun sözlərinə görə, ötən il şirkətin Azərbaycandakı fəaliyyəti müəyyən səbəblərdən qısamüddətli olsa da, bu il məsələyə daha ciddi yanaşılıb.
"Fəaliyyətimizin yenidən bərpası Macarıstanın baş naziri Viktor Orbanın martın 6-da Azərbaycana səfəri çərçivəsində həm Prezident İlham Əliyev, həm də dövlət rəsmiləri ilə keçirilən görüşlərdə müzakirə predmeti olub. Odur ki, biz bu dəfə daha böyük inamla Azərbaycana gəlirik. Düşünürəm ki, Bakıya mütəmadi uçuşların təşkili Azərbaycanda turizmin inkişafına da öz töhfəsini verəcək", - deyə Yozef Varadi vurğulayıb.
Onun sözlərinə görə, şirkət Azərbaycanda ildə 30 min sərnişin daşımağı nəzərdə tutub: "Biletlərin qiyməti və xidmətlərimizi nəzərə alsaq, il ərzində 2,5-3 milyon avro gəlir əldə etməyi proqnozlaşdırırıq. Bu hələ həftədə 2 dəfə uçuş yerinə yetirəcəyimiz hal üçün hesablamadır. Gələcəkdə aviareyslərin sayının artırılacağı da istisna edilmir", - deyə o, bildirib. Şirkət rəhbəri həmçinin bildirib ki, gələcəkdə sərnişinlərin sayının artması və marağın böyük olması aşkarlansa, şirkət Azərbaycanın regionlarındakı aeroportlara da uçuşları həyata keçirə bilər.
Yozef Varadinin sözlərinə görə, aviabiletlərin qiymətinin 59,9 avrodan (təqribən 108 manatdan) başlaması "WizzAir"i Azərbaycan bazarında rəqabət apara bilməsi üçün əlverişli edir. Belə ki, hazırda heç bir aviaşirkət Azərbaycan paytaxtından Avropanın mərkəzinə belə uçuşlar həyata keçirmir. "Budapeştdən isə, daha ucuz qiymətə istənilən Avropa ölkəsinə, eləcə də okeanın o tayına səfər etmək mümkündür", - deyə şirkət rəhbəri vurğulayıb.
"Ötən dəfə Bakı-Budapeşt reysi üzrə uçuşlar 49,9 avrodan başlayırdı. Macarıstana uçmaq istəyənlərin sayı hədsiz dərəcədə çox olduğundan, insanlar viza almaq üçün hətta gecədən səfirliyin qarşısında növbəyə yazılırdılar. Biz indi bu məsələni də həll etmişik. İndi səfirlikdə artıq iki pəncərə açılıb və insanlar sərbəst şəkildə gəlib öz vizalarını ala biləcəklər", - deyə o bildirib.
Y.Varadi həmçinin bildirib ki, şirkətin xidmətlərində də yeniliklər var: "Bunlardan biri yer seçimidir. Bunun sayəsində hər bir sərnişin yer seçə bilir. Belə ki, rezervasiya etdikdə sərnişinə yer veriləcək. Amma bu yeri dəyişmək istəyən sərnişinlər, məsələn pəncərə qarşısında oturmaq istəyənlər və sair müştərilər istəsələr yerlərini dəyişə bilərlər".
Baş direktor "WizzAir"in Budapeşt-Bakı-Budapeşt marşrutu üzrə həyata keçirdiyi uçuşlardan ildə 2,5-3 milyon avroyadək gəlir əldə etməyi planlaşdırdığını da vurğulayıb. Yozef Varadinin sözlərinə görə, hazırda rəhbərlik etdiyi aviaşirkət 38 ölkəyə, 119 istiqamət və 400-dən artıq marşrut üzrə uçuşlar həyata keçirir. Şirkətin aviaparkındakı təyyarələrdən 63-ü "Airobus A320", 3-ü isə "Airobus A321"-dir. "WizzAir"də çalışanların sayı isə 2600 nəfərdən çoxdur.
Səlim LOĞMANOĞLU

Paylaş:

Baxılıb: 1173 dəfə