İran televiziya və radio yayımında Azərbaycan peykindən istifadə etmək niyyətindədir

Bakı:

13 °C

94 %

7 m/s

Əlaqə

AZ RU EN

Ana səhifə / İqtisadiyyat / İran televiziya və radio yayımında Azərbaycan peykindən istifadə etmək niyyətindədir

İran televiziya və radio yayımında Azərbaycan peykindən istifadə etmək niyyətindədir

15.10.2014 [09:55]

Azərbaycanda qonşu İranla əlaqələrin genişlənməsinə xüsusi önəm verilir. Bu fikri iqtisadiyyat və sənaye naziri Şahin Mustafayev ölkəmizdə səfərdə olan İran İslam Respublikasının Radio-Televiziya Təşkilatının sədri İzzətullah Zərqami ilə görüşdə deyib.
Nazirlikdən AzərTAc-a verilən məlumata görə, görüş zamanı nazir Ş.Mustafayev ölkələrimiz və xalqlarımız arasında dostluq münasibətlərinin dərin tarixi köklərə əsaslandığını, əlaqələrimizin inkişafında qarşılıqlı səfərlərin və keçirilən görüşlərin əhəmiyyətini vurğulayıb. Qeyd edilib ki, bu il dövlət başçıları Davos, Tehran və Həştərxanda görüşərək əməkdaşlığın genişləndirilməsi perspektivlərini müzakirə ediblər. Bu görüşlərdə aparılan danışıqlar, müxtəlif sahələrdə imzalanmış sənədlər Azərbaycan-İran əlaqələrinin inkişafına öz mühüm töhfəsini verir. Azərbaycan və İran arasında siyasi əlaqələrin yüksək səviyyədə olması iqtisadi münasibətlərin inkişafına da böyük imkanlar yaradır. Bunun nəticəsidir ki, ölkələrimiz arasında iqtisadi əməkdaşlıq genişlənir, iş adamları arasında əlaqələr inkişaf edir.
Nazir müxtəlif sahələrdə əlaqələrin inkişafında Azərbaycan Respublikası ilə İran İslam Respublikası arasında iqtisadi, ticarət və humanitar sahələrdə əməkdaşlıq üzrə Dövlət Komissiyasının fəaliyyətini qeyd edib, bu ilin avqustunda komissiyanın Bakıda keçirilən 9-cu iclası çərçivəsində bir sıra sahələrdə əməkdaşlığın inkişafına dair razılıq əldə edildiyini diqqətə çatdırıb. Bank, ticarət, gömrük, kənd təsərrüfatı, turizm, rabitə və İKT və digər sahələrdə əməkdaşlığın inkişafı üçün geniş imkanların olduğunu vurğulayan Şahin Mustafayev Dövlət Komissiyasının həmsədri kimi radio-televiziya sahəsində də əlaqələrin genişləndirilməsinə hər cür dəstək göstəriləcəyini bildirib.
İranda televiziya və radio yayımının təşkili və inkişafı istiqamətində görülən işlər barədə məlumat verən İzzətullah Zərqami bu sahədə Azərbaycanın peykindən istifadə edilməsi niyyətini açıqlayıb. O, İranın rəqəmsal ötürücü stansiyalar istehsal etdiyini, bu ötürücülərdən Azərbaycanda da istifadə edilməsi barədə təklifin aidiyyəti qurumlara təqdim olunduğunu diqqətə çatdırıb.
Görüşdə xalqlarımızın ənənələrinin, malik olduqları dəyərlərin qorunması və təbliğində televiziya və radionun əhəmiyyəti qeyd edilib, bu sahədə əməkdaşlığın faydalı olacağı vurğulanıb.

Paylaş:

Baxılıb: 1154 dəfə