Azərbaycan ilə Niderland Krallığı arasında kənd təsərrüfatı sahəsində əməkdaşlığın perspektivləri müzakirə edilib

Bakı:

21 °C

83 %

6 m/s

AZ RU EN

Ana səhifə / İqtisadiyyat / Azərbaycan ilə Niderland Krallığı arasında kənd təsərrüfatı sahəsində əməkdaşlığın perspektivləri müzakirə edilib

Azərbaycan ilə Niderland Krallığı arasında kənd təsərrüfatı sahəsində əməkdaşlığın perspektivləri müzakirə edilib

26.04.2014 [11:53]

Aprelin 25-də Bakıda Azərbaycan Respublikasının kənd təsərrüfatı naziri Heydər Əsədov Niderland Krallığı Senatının üzvü Rene Van der Lindenin başçılıq etdiyi nümayəndə heyəti ilə görüşüb.
Nazirliyin mətbuat xidmətindən AzərTAc-a bildiriblər ki, görüşün məqsədi iki ölkə arasında kənd təsərrüfatı sahəsində əməkdaşlığın perspektivlərini müzakirə etmək olub.
Nazir iki ölkə arasında iqtisadi, siyasi və digər sahələrdə daim inkişaf edən əlaqələrin kənd təsərrüfatı sahəsində də fəal əməkdaşlığa şərait yaratdığını qeyd edib.
Prezident İlham Əliyevin kənd təsərrüfatını prioritet sahə kimi daim diqqət mərkəzində saxladığını deyən H. Əsədov “Aqrar sahədə idarəetmənin təkmilləşdirilməsi və institusional islahatların sürətləndirilməsi ilə bağlı tədbirlər haqqında” Azərbaycan Respublikası Prezidentinin 2014-cü il 16 aprel tarixli Fərmanında aqrar sahənin davamlı inkişafının təmin edilməsi istiqamətində qarşıda duran vəzifələri açıqlayıb və bu Fərmanın aqrar sahənin inkişafına təkan verəcəyini bildirib.
Nazir Niderland Krallığının Azərbaycanda kənd təsərrüfatı sahəsində həyata keçirdiyi layihələrin verdiyi səmərəni yüksək qiymətləndirib və aqrar sahədə əlaqələrin inkişafına önəm verdiyini qeyd edərək iki ölkə arasında əməkdaşlığın hüquqi bazasının yaradılmasının vacibliyini vurğulayıb. O, Azərbaycanda kənd təsərrüfatı sahəsində əlverişli investisiya mühitinin olduğunu nəzərə çatdırıb.
H.Əsədov baytarlıq, fitosanitariya, kartof toxumçuluğu, “Aqropark”ların yaradılması sahəsində təcrübə mübadiləsinin aparılması, aqraryönümlü elmi-tədqiqat və ali təhsil müəssisələrinin əməkdaşlıq əlaqələrinin gücləndirilməsi və s. təkliflərini irəli sürüb.
Rene Van der Linden Niderland Krallığının kənd təsərrüfatı sahəsində böyük təcrübə topladığını, Azərbaycanın da aqrar sahənin inkişafı üçün böyük potensiala malik olduğunu bildirib, ölkəsinin bu sahədə Azərbaycan ilə əməkdaşlıqda maraqlı olduğunu qeyd edib. O, nazir Heydər Əsədovu bu ilin oktyabr ayında Niderland Krallığında keçiriləcək biznes foruma dəvət edib.
Görüşdə Niderland Krallığının nüfuzlu şirkətlərinin rəhbərləri Azərbaycan şirkətləri ilə əlaqələrindən danışıb, gələcək əməkdaşlıq istiqamətləri üzrə fikir mübadiləsi aparılıb.
Niderland Krallığının ölkəmizdəki səfiri Robert Jan Qabrielse iki ölkə arasında aqrar sahədə əlaqələrin daha da inkişaf etdirilməsi üçün səylərini əsirgəməyəcəyini bildirib.

Paylaş:

Baxılıb: 1335 dəfə