Beynəlxalq təşkilatlar çərçivəsində qarşılıqlı dəstək və həmrəylik

Bakı:

25 °C

65 %

8 m/s

Əlaqə

AZ RU EN

Ana səhifə / Arxiv / Beynəlxalq təşkilatlar çərçivəsində qarşılıqlı dəstək və həmrəylik

Beynəlxalq təşkilatlar çərçivəsində qarşılıqlı dəstək və həmrəylik

08.04.2026 [15:19]

Toğrul Zeynalov

YAP Ağdam rayon təşkilatının əməkdaşı

2026-cı il aprelin 6-da Prezident İlham Əliyevin Gürcüstana həyata keçirdiyi rəsmi səfər və səfər çərçivəsində mətbuata verdiyi bəyanat Azərbaycan-Gürcüstan münasibətlərinin hazırkı səviyyəsini və perspektivlərini dolğun şəkildə əks etdirdi. Cənab Prezident çıxışında qeyd etdi ki, iki ölkə arasında formalaşmış münasibətlər uzun illərin sınağından çıxaraq bu gün strateji tərəfdaşlıq səviyyəsinə yüksəlib və bu əlaqələr qarşılıqlı hörmət, etimad, daxili işlərə qarışmamaq prinsipi və milli maraqların uzlaşdırılması əsasında inkişaf edir. Siyasi dialoqun yüksək səviyyədə olması, dövlət başçıları və hökumət üzvləri arasında müntəzəm görüşlərin keçirilməsi əlaqələrin dayanıqlı xarakter daşıdığını göstərir. Eyni zamanda, beynəlxalq təşkilatlar çərçivəsində qarşılıqlı dəstək və həmrəylik Azərbaycan-Gürcüstan əməkdaşlığının mühüm istiqamətlərindən biri kimi çıxış edir. Bu münasibətlər yalnız ikitərəfli çərçivədə deyil, bütövlükdə regionda sabitliyin, təhlükəsizliyin və əməkdaşlığın təmin olunmasına xidmət edən mühüm model kimi qiymətləndirilir. Gürcüstanın dinamik iqtisadi inkişafı regionda iqtisadi aktivliyin artmasına, yeni imkanların yaranmasına və investisiya mühitinin yaxşılaşmasına ciddi təsir göstərir və Azərbaycan bu inkişafı daim dəstəkləyən etibarlı tərəfdaş kimi çıxış edir. İki ölkə arasında ticarət dövriyyəsinin artması, qarşılıqlı investisiya qoyuluşunun genişlənməsi və birgə layihələrin icrası iqtisadi əlaqələrin davamlı şəkildə inkişaf etdiyini göstərir. Xüsusilə qeyd olunmalıdır ki, Azərbaycan şirkətləri Gürcüstanda müxtəlif sahələrdə fəal iştirak edir və bu da iqtisadi inteqrasiyanı daha da dərinləşdirir.

Energetika sahəsində əməkdaşlıq isə Azərbaycan-Gürcüstan tərəfdaşlığının əsas sütunlarından biri kimi çıxış edir. Cənab Prezident bəyanatında qeyd etdi ki, Azərbaycan uzun illərdir etibarlı enerji təchizatçısı kimi bir çox ölkələrin enerji təhlükəsizliyinin təmin olunmasına mühüm töhfələr verir. Bu sahədə həyata keçirilən iri layihələr, xüsusilə neft və qaz kəmərləri regionun enerji xəritəsini dəyişdirərək yeni geoiqtisadi reallıqlar formalaşdırıb. Gürcüstan bu layihələrdə əsas tranzit ölkə kimi mühüm rol oynayır və enerji resurslarının təhlükəsiz və fasiləsiz şəkildə dünya bazarlarına çıxarılmasını təmin edir. Bununla yanaşı, nəqliyyat və logistika sahəsində həyata keçirilən genişmiqyaslı layihələr, o cümlədən beynəlxalq nəqliyyat dəhlizlərinin inkişafı Azərbaycan və Gürcüstanı mühüm tranzit qovşaqlarına çevirir. Bu layihələr təkcə region ölkələrinin deyil, daha geniş coğrafiyanın iqtisadi maraqlarına xidmət edir. Prezident İlham Əliyev vurğuladı ki, birgə həyata keçirilən təşəbbüslər ölkələrimizin strateji mövqeyini gücləndirməklə yanaşı, qarşılıqlı əməkdaşlığın yeni istiqamətlər üzrə genişlənməsi üçün də möhkəm zəmin yaradır və bu tərəfdaşlıq gələcəkdə daha da dərinləşəcək.

Paylaş:

Baxılıb: 396 dəfə