Azərbaycanın bütün şərtləri ədalətlidir

Bakı:

17 °C

63 %

12 m/s

Əlaqə

AZ RU EN

Ana səhifə / Arxiv / Azərbaycanın bütün şərtləri ədalətlidir

Azərbaycanın bütün şərtləri ədalətlidir

06.01.2025 [17:26]

Əlişah Rəcəbov,

YAP Ağdaş rayon təşkilatının sədri

Heydər Əliyev Beynəlxalq Aeroportunda Azərbaycan Televiziyasına verdiyi müsahibəsində Prezident İlham Əliyev Qazaxıstanın Aktau şəhəri yaxınlığında qəzaya uğramış təyyarənin ekipaj üzvlərinin fəaliyyətini, fədakarlığını çox yüksək qiymətləndirdi. Ölkə başçısı qeyd etdi ki, pilotlar və bütün ekipaj böyük qəhrəmanlıq göstərdilər. Pilotlar həm peşəkarlıq, həm qəhrəmanlıq göstərmişlər ki, idarəedilməz vəziyyətdə olan təyyarəni müxtəlif üsullarla idarə edirdilər. Sərnişinləri xilas etmək üçün onlar maksimum böyük qəhrəmanlıq göstərmişlər və məhz bunun nəticəsində təyyarə qəzasında sağ qalanlar var. Pilotlar və ekipaj üzvləri - onlar həm peşəkarlıq, həm soyuqqanlılıq göstərmişlər. Prezident İlham Əliyev qadın ekipaj üzvlərinin fədakarlığını xüsusilə qeyd etdi. Ölkə başçısı vurğuladı ki, özləri stres vəziyyətində olmalarına baxmayaraq sərnişinləri sakitləşdirmək, təyyarənin içində xaos vəziyyəti yaratmamaq üçün görün, onlar böyük insani davranış göstərmişlər.

Qəzadan sonra AZAL-ın Rusiyanın bəzi şəhərlərinə uçuşları dayandırması ilə bağlı göstəriş verdiyini diqqətə çatdıran ölkə başçısı bu qərarın məhz təhlükəsizlik məsələləri olduğunu bildirdi. Məlumdur ki, Rusiyanın bir çox şəhərlərində vaxtaşırı hava məkanı bağlanır, orada xüsusi əməliyyat rejimi tətbiq edilir. AZAL Rusiyanın yeddi şəhərinə müddətsiz olaraq öz uçuşlarını dayandırdı. Eyni zamanda, Rusiya aviaşirkətlərinin üç Rusiya şəhərindən Azərbaycana uçuşları da dayandırılıb.

Prezident İlham Əliyev bildirdi ki, biz nəyi ediriksə açıq-aydın edirik nə vaxt bu uçuşlar bərpa ediləcək, yoxsa yox, xüsusilə Qroznı şəhərinə bərpa ediləcək, yoxsa yox? Çox güman ki, yox. Amma bunu həyat göstərər və Rusiya hava məkanının təhlükəsizlik məsələləri də əlbəttə ki, nəzərə alınacaqdır.

Azərbaycan Televiziyasına verdiyi müsahibəsində Prezident İlham Əliyev bəyan etdi ki, biz öz tələblərimizi açıq şəkildə Rusiya tərəfinə bildirmişik. Dekabrın 27-də artıq bu tələblər rəsmi qaydada onlara çatdırıldı. Ölkə başçısı vurğuladı ki, Rusiya tərəfi Azərbaycandan üzr istəməli, öz günahını etiraf etməlidir. Həmçinin günahkarları cəzalandırmalı, cinayət məsuliyyətinə cəlb etməlidir və Azərbaycan dövlətinə və zərərçəkən sərnişin və ekipaj üzvlərinə təzminat ödəməlidir. Prezident İlham Əliyev Azərbaycanın bütün şərtlərinin ədalətli olduğunu qeyd etdi. Burada hər hansı bir fövqəladə tələb, yaxud da ki, məsələ yoxdur və bu, beynəlxalq təcrübəyə və normal insani davranışa əsaslanır. Ölkə başçısı onu da diqqətə çatdırdı ki, Azərbaycan ictimaiyyəti məsələnin bütün tərəfləri barədə məlumatlandırılacaq və məlumatlandırılır.

Paylaş:

Baxılıb: 393 dəfə