Rediküllərin yalanları ifşa olunur

Bakı:

23 °C

60 %

5 m/s

Əlaqə

AZ RU EN

Ana səhifə / Xəbər lenti / Rediküllərin yalanları ifşa olunur

Rediküllərin yalanları ifşa olunur

10.02.2024 [10:30]

Arqumentsiz iddialar ermənipərəst mərkəzlərin sifarişinə əsaslanır

7 fevral prezident seçkilərinin azad və mütəşəkkil şəkildə baş tutması, seçki prosesini izləyən beynəlxalq təşkilatların müşahidə missiyalarının müsbət rəyləri, ən əsası isə Azərbaycan xalqının iradəsinin seçkidə tam şəkildə əks olunması bəzi ermənipərəst mərkəzlərin və onların ölkəmizdəki azsaylı əlaltılarını narahat etməkdədir. Sosial şəbəkələrdə qarayaxma kampaniyası aparmağa cəhd göstərən redikül müxalifət özünün arqumentsizliyi ilə tam fiasko yaşayır. Bəllidir ki, onları himayə edən ermənipərəst mərkəzlərdən sifarişlər alıblar. Amma nəticəsizlik ilk baxışdan diqqəti cəlb edir - seçki prosesinə, seçkinin nəticələrinə, seçki mühitinə ləkə yaxmaq, şər-böhtan atmaq üçün aldıqları əmrləri yerinə yetirə bilmirlər.

Seçkidə yaşanan mütəşəkkillik, izdiham bütün xəyanətkar qrupları susdurub. Epizodik və arqumentsiz böhtanlarının kölgəsinə sığınaraq seçki haqqında danışqdıqları yalanlar isə keçmir. Məsələn, seçici fəallığının aşağı olması iddiaları bütün mənalarda darmadağın olunur - ortada real foto və videofaktlar mövcuddur. İnsanlarımız seçki günü böyük həvəs və sevgi ilə seçki məntəqələrinə üz tutmuşdular.

Namizədlərin irəli sürülməsi, imzatoplama və seçki təşviqat prosesi ilə bağlı bir kəlmə belə deyə bilmirlər. Səbəblər bəlli və obyektivdir. Bütövlükdə proses qanunvericiliyin tələbləri çərçivəsində inkişaf edib. Seçki günü on minlərlə müşahidəçi seçkinin gedişini izləyib. Səslərin sayılması prosesi şəffaf və demokratik şəkildə aparılıb. Və nəhayət, MSK-nın açıqladığı rəqəmlər Azərbaycan xalqının iradəsini əks etdirir.

Redikül müxalifətin, xüsusilə AXCP-nin “pullu şəbəkəçiləri”nin sosial şəbəkələrdə aparmağa çalışdıqları əsas kampaniya isə ən gülünc mahiyyəti daşıyır - onlar iddia edirlər ki, seçkidə namizəd kimi iştirak edən şəxslərin sosial bazası zəifdir, onlar rəqabət mühiti formalaşdıra bilmirlər.

Ortaya maraqlı sual çıxır - guya seçkini “boykot” etdiyini iddia edənlər, niyə özləri seçkidə iştirak etmədilər? Qaçıb gizlənməyi özünün “siyasi taktikası”na çevirmişlərin karvanın ardından zəif səslər çıxarması isə yalnız gülüş doğurur. Qanunun aliliyinə hər zaman dəyər verilən, qanunvericiliyin əsas götürüldüyü Azərbaycanda seçki prosesindən yayınmaq üçün min bir dona girənlərin seçki sonrası danışdıqları yalanlar elə özlərinə adekvatdır.

Diqqət yetirdikdə isə bir fakt növbəti dəfə öz təsdiqini tapır. Ermənipərəst rediküllərin sosial şəbəkələrdə “təbliğ etməyə çalışdığı” yalanlar ilə bəzi xarici mərkəzlərin yalan iddiaları paralellik təşkil edir. Onların bir mərkəzdən idarə olunduğu, bir ünvandan qidalandığı özünü təsdiqləyir. Demokratik və şəffaf seçkinin nəticələrinə qarşı aparılan bu kimi arqumentsiz, yalan və böhtan kampaniyaları isə bütövlükdə iflasa məhkumdur. Azərbaycan xalqının iradəsi seçki günü seçki qutularında öz təsdiqini tapıb...

SADİQ

Paylaş:

Baxılıb: 681 dəfə