Xalqımız YAP-ın fəaliyyətini yüksək qiymətləndirir

Bakı:

20 °C

60 %

5 m/s

Əlaqə

AZ RU EN

Ana səhifə / YAP xəbərləri / Xalqımız YAP-ın fəaliyyətini yüksək qiymətləndirir

Xalqımız YAP-ın fəaliyyətini yüksək qiymətləndirir

08.09.2026 [17:41]

Sentyabrın 8-də Yeni Azərbaycan Partiyası (YAP) Şəki rayon təşkilatının X konfransı keçirilib.

Əvvəlcə xalqımızın Ümummilli Lideri Heydər Əliyevin abidəsi ziyarət edilib, abidənin önünə gül dəstələri düzülüb.

Tədbirdə Ulu Öndər Heydər Əliyevin, ölkəmizin ərazi bütövlüyü və suverenliyi uğrunda canlarından keçmiş şəhidlərin xatirəsi bir dəqiqəlik sükutla anılıb. Azərbaycan Respublikasının Dövlət Himni səsləndirilib.

Konfransda YAP Şəki rayon təşkilatının sədri Daşqın Mikayılov hesabat məruzəsi ilə çıxış edib. O bildirib ki, 1992-ci il noyabrın 21-də Yeni Azərbaycan Partiyasının təsis konfransının keçirilməsi həmin dövrün mürəkkəb ictimai-siyasi şəraitində ölkədə yaranmış vəziyyət və qarşıda duran mühüm vəzifələrlə əlaqədar tarixi zərurətdən irəli gəlirdi. Qeyd edilib ki, YAP Azərbaycanın parlaq gələcəyinin formalaşmasında mütərəqqi rol oynayıb. Partiya uğurlu fəaliyyəti ilə ölkəmizdə ictimai-siyasi sabitliyin, milli həmrəyliyin və əmin-amanlığın bərqərar edilməsinə böyük töhfələr verib. 2021-ci il martın 5-də keçirilən YAP-ın VII qurultayından ötən müddət ərzində partiyanın qarşıya qoyduğu məqsəd və vəzifələrin icrası istiqamətində mühüm işlər görülüb.

Şəki Şəhər İcra Hakimiyyətinin başçısı Elxan Usubov çıxışında Prezident, Yeni Azərbaycan Partiyasının Sədri cənab İlham Əliyevin rəhbərliyi ilə həyata keçirilən məqsədyönlü siyasətin ölkənin davamlı inkişafına verdiyi töhfələrdən danışıb. O, Şəki şəhərində həyata keçirilən abadlıq, quruculuq və sosial-iqtisadi layihələr, əhalinin sosial rifahının yüksəldilməsi istiqamətində görülən işlər barədə məlumat verib.

YAP Təftiş Komissiyasının üzvü, Milli Məclisin deputatı Vüqar İskəndərov Yeni Azərbaycan Partiyasının keçdiyi şərəfli yoldan, partiyanın ictimai-siyasi nüfuzu və ölkənin tərəqqisində oynadığı roldan bəhs edib. O, Prezident, Yeni Azərbaycan Partiyasının Sədri cənab İlham Əliyevin rəhbərliyi ilə Azərbaycanın əldə etdiyi tarixi nailiyyətlərə toxunaraq, partiya üzvlərinin qarşıya qoyulan vəzifələrin həyata keçirilməsində fəal iştirakının əhəmiyyətini vurğulayıb.

Partiya veteranı Həsən Həsənov, Şəki bələdiyyəsinin sədri Aytac Məcidova, Biləcik ərazi partiya təşkilatının sədri Ramiz Bədiyev, Xan sarayı ərazi partiya təşkilatının sədri Reyhan Məmmədova, Təzə Bazar ərazi partiya təşkilatının sədri Mehman Həmidov və partiya fəalı Sevinc Abdurahmanova Yeni Azərbaycan Partiyası Şəki rayon təşkilatının fəaliyyətinin yeni dövrün tələblərinə uyğun qurulması və qarşıya qoyulan vəzifələrin səmərəli icrası istiqamətində görülən işləri müsbət dəyərləndiriblər.

YAP Mərkəzi Aparatının Təşkilat şöbəsinin baş məsləhətçisi Xəqani Tağıyev partiyanın Şəki rayon təşkilatının uğurlu fəaliyyəti, ərazi partiya təşkilatlarında işin təşkili və qarşıda duran vəzifələr barədə danışıb. O bildirib ki, partiya fəallarının rolu, ictimai təşəbbüslərin dəstəklənməsi və üzvlərin müxtəlif layihələrdə fəal iştirakı mühüm önəm kəsb edir.

Konfransda YAP Şəki rayon təşkilatının hesabat dövrü ərzindəki fəaliyyəti qənaətbəxş qiymətləndirilib və Yeni Azərbaycan Partiyasının VIII qurultayına nümayəndələr seçilib.

Sonda Yeni Azərbaycan Partiyasının Himni səsləndirilib.

Paylaş:

Baxılıb: 357 dəfə