Heydər Əliyev
yeni azerbaycan logo

Ana səhifə / Xəbər lenti / Bakıdan Arazın o tayına...

Bakıdan Arazın o tayına...

16.03.2023 [13:14]

Sərhədlər bizi ayırsa da, ürəyimiz bir döyünür

Azərbaycan kanalları Cənubda izlənir

Günel ABBAS

“Tarixi haqsızlar bizi ayırsa da, ruhən bir yerdə olmuşuq. Cənubi Azərbaycanda yaşayan soydaşlarımızın sevgisini hər zaman hiss etmişik”. 

Bu fikirləri yeniazerbaycan.com-a açıqlamasında aparıcı Günay Yelmarqızı bildirib. 

Onun sözlərinə görə, 20 ildir xəbərlər proqramının aparıcısı kimi canlı efirdədir: “Bu zaman ərzində müxtəlif televiziya kanallarında fəaliyyət göstərmişəm. Hər zaman cənubi Azərbaycanda yaşayan soydaşlarımızdan həm elektron, həm də ənənəvi məktublar almışam. Cənubi Azərbaycandakı soydaşlarımız Azərbaycan televiziyalarını mütəmadi izləyir. Bayramlarda xüsusilə Bakıda olmağa üstünlük verir, bura gəlməyə can atırlar”. 

Aparıcı qeyd edib ki, bizim aramızda qan bağı var: “Bu hər zaman hiss olunur. Onların sevgisini, diqqətini də hər zaman hiss etmişəm. Sadəcə son zamanlar baş verən hadisələr fonunda bu qayğı bir qədər də artıb. Efirdən həm bir vətəndaş, həm də aparıcı kimi onlara dəstəyimi ifadə etmişəm. Onlar da bunu yüksək qiymətləndirir. Hətta izləyicilərdən biri qeyd etmişdi ki, eyni vaxtda İran televiziyasında xəbərlər proqramı yayımlansa da, onlar məhz Azərbaycan xəbərlərini izləməyə üstünlük verirlər. Mən də ötən gün soydaşlarımızın göndərdiyi videolardan birini “Bakıdan Arazın o tayına sevgilər, sayğılar” yazısı ilə paylaşdım. Məqsədim bu sevgiyə təşəkkür və sayğımı ifadə etmək idi. Görünür bu paylaşım hər kəsdə rəğbət oyatdı. Bir daha qeyd etmək istəyirəm, sərhədlər bizi ayırsa da, ürəyimiz bir döyünür”.

Paylaş:
Baxılıb: 502 dəfə

Xəbər lenti

Hamısına bax
Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31