Dünyaya Azərbaycan nümunəsi

Bakı:

17 °C

54 %

4 m/s

Əlaqə

AZ RU EN

Ana səhifə / Xəbər lenti / Dünyaya Azərbaycan nümunəsi

Dünyaya Azərbaycan nümunəsi

06.07.2022 [10:33]

Ölkəmiz humanitar yardımlar etməklə yanaşı, problemin sülh yolu ilə tənzimlənməsinə çalışır

SADİQ

Azərbaycan dövləti dünyada sülhün və təhlükəsizliyin təmin olunmasında maraqlıdır. 30 ilə yaxın işğaldan əziyyət çəkən ölkəmiz bu gün dünyada baş verən siyasi və hərbi kataklizmlərin danışıqlar və sülh yolu ilə tənzimlənməsinə mühüm töhfələr verir. Qoşulmama Hərəkatının sədri qismində irəli sürdüyü qlobal təşəbbüslər ölkəmizin bu xoş niyyətini bariz şəkildə ortaya qoyur. Bununla yanaşı, Azərbaycan hər zaman sülhyaratma missiyalarında əhəmiyyətli rol oynayıb. Nəinki regional, hətta qlobal coğrafiyada baş verən qarşıdurmaların danışıqlar yolu ilə həllinə öz dəstəyini nümayiş etdirir.

Bir neçə aydır ki, davam edən Rusiya-Ukrayna qarşıdurmasının sülh yolu ilə tənzimlənməsi istiqamətində fəal iş aparan dövlətlərdən biri də məhz Azərbaycandır. Müharibədən bir ay əvvəl Ukraynaya, daha sonra isə Rusiyaya səfər edən Prezident İlham Əliyev tərəflər arasında münasibətlərin danışıqlar yolu ilə həllini vacib sayıb. Bununla yanaşı, Azərbaycan müharibə dövründə də hərbi əməliyyatların dayandırılması, humanitar yardımlarla bağlı fəal işlər görüb. Yeri gəlmişkən, Azərbaycanın Ukraynaya növbəti humanitar yardımı göndərilib. Humanitar yardımın ümumi çəkisi 45 ton 382 kq-dır. Humanitar yardıma ərzaq məhsulları, gündəlik tələbat, geyim və ilkin tibbi ləvazimatları daxildir. Yardımı Sumqayıt Şəhər İcra Hakimiyyəti təşkil edib. Bunu Ukraynanın Azərbaycandakı səfiri Vladislav Kanevski jurnalistlərə açıqlamasında deyib. Səfir dost Azərbaycana, bütün Azərbaycan xalqına Ukraynaya belə mühüm humanitar yardımına görə səmimi-qəlbdən minnətdarlığını bildirib. O qeyd edib ki, Rusiya-Ukrayna müharibəsinin başlanğıcından indiyədək Azərbaycan tərəfindən Ukraynaya 20 milyon ABŞ dolları dəyərində 1,5 min ton vacib humanitar yük çatdırılıb. Bura müxtəlif dərmanlar, tibbi avadanlıq daxildir: “Sevindiricidir ki, Ukraynaya humanitar yardım tədarükü yeni səviyyəyə qalxıb”.

Səfir Sumqayıt Şəhər İcra Hakimiyyətinə qardaşlaşmış şəhəri Çerkassıya yardım göndərdiyinə görə də təşəkkürünü bildirib: “Bu təşəbbüs Azərbaycanın Ukraynaya aktiv şəkildə yardım göndərməyə başlayan digər şəhər və regionlarına nümunə olub. Bu, Ukrayna və Azərbaycan xalqları arasında əsl dostluq jestidir. Biz Ukrayna və Azərbaycan xalqları arasında dostluğa inanırıq. Müharibə uzandıqca bu yardım da bir o qədər vacib olur”.

Xatırladaq ki, Ukraynadakı vəziyyətlə əlaqədar Azərbaycan tərəfindən Ukraynaya dərman vasitələri, tibbi sərf, cihaz və avadanlıqlardan ibarət 6 milyon avro məbləğində ilk humanitar yardım böhranın ilk günlərində 27 fevral tarixində göndərilib. Sonrakı mərhələdə isə martın 12-də təcili və təxirəsalınmaz hallarda tibbi yardımın göstərilməsi üçün dərman vasitələri və tibbi sərf, eləcə də ərzaq və qida məhsullarından ibarət növbəti yardım Ukraynaya yola salınıb. Bu yardımın ümumi məbləği 5,5 milyon avro, çəkisi isə 380 ton olub. Aprelin 21-də göndərilən humanitar yardımın ümumi çəkisi 170 ton təşkil edib. Humanitar yardıma 3.37 milyon manat məbləğində dərman vasitələri və tibbi sərfiyyat malları, eləcə də 1 milyon manat məbləğində ərzaq məhsulları daxil olub. Beləliklə, Azərbaycan Respublikasının Ukraynadakı böhranla bağlı göstərdiyi (son humanitar yardım ona daxil deyil) yardımın ümumi məbləği 27.6 milyon manat (təxminən 15 milyon avro), çəkisi isə 720 ton təşkil edib.

Paylaş:

Baxılıb: 632 dəfə