İmişli rayon Ağsaqqallar Şurasının qərərgahında Çaxırlı kənd ərazi təşkilatının təsis iclası keçirildi

Bakı:

21 °C

88 %

7 m/s

AZ RU EN

Ana səhifə / Xəbər lenti / İmişli rayon Ağsaqqallar Şurasının qərərgahında Çaxırlı kənd ərazi təşkilatının təsis iclası keçirildi

İmişli rayon Ağsaqqallar Şurasının qərərgahında Çaxırlı kənd ərazi təşkilatının təsis iclası keçirildi

01.03.2025 [11:20]

İmişli rayon Ağsaqqallar Şurasının qərərgahında Çaxırlı kənd ərazi təşkilatının təsis iclası keçirildi.

28 fevral 2025-ci il tarixində rayon şurasının qərargahında keçirilən tədbirdə İmişli rayon Ağsaqqallar Şurasının sədri Saleh Səmədov, sədrin birinci müavini Vahid Tağıyev, aparat rəhbəri Murad Seyidov və Çaxırlı kənd ağsaqqalları iştirak edirdilər.

Tədbirdə ilk öncə torpaqlarımızın azadlığı uğrunda canından keçən şəhidlərin və son zamanlarda dünyasını dəyişmiş ağsaqqalların xatirəsi bir dəqiqəlik sükutla yad edildi.

Çıxış edən İmişli rayon Ağsaqqallar Şurasının sədri Saleh Səmədov Azərbaycan Ağsaqqallar Şurasının sədri, millət vəkili, professor Eldar Quliyevin adından və öz adından tədbir iştirakçılarını salamladı. Sonra Ağsaqqallar Şurasının respublikamızda gedən ictimai-siyasi proseslərdə fəal iştirakını diqqətə çatdırdı. Habelə İmişli rayon təşkilatının bu proseslərdə yaxından iştirakı, rayonda görülmüş işlər və qarşıda duran vəzifələr barədə ətraflı məlumat verdi. Çaxırlı kənd axsaqqallarına üzərlərinə düşən missiyanı uğurla həyata keçirməsini arzuladı.

Tədbirdə çıxış edən İmişli Rayon Ağsaqqallar Şurası sədrinin birinci müavini Vahid Tağıyev qeyd etdi ki, Azərbaycan ağsaqqalları həmişə olduğu kimi Ümummilli Liderimiz Heydər Əliyevin müəyyənləşdirdiyi və bu gün Azərbaycan Respublikasının Prezidenti cənab İlham Əliyev tərəfindən uğurla davam etdirilən daxili və xarici siyasət kursuna sədaqətlə xidmət edir.

V. Tağıyev bildirdi ki, hörmətli Saleh Səmdovun rəhbərliyi ilə İmişli Rayon Ağsaqqallar Şurasının üzvləri dövlətimizə, vətənimizə sədaqətlə xidmət edir, gənc nəslin vətənpərvərlik, milli-mənəvi dəyərlərə və adət-ənənələrimizə hörmət hisləri ilə tərbiyə edilməsi istiqamətində səmərəli fəaliyyət göstərirlər.

Rayon ağsaqqallar şurasının apart rəhbəri Murad Seyidov çıxış edərək əsasnaməyə uyğun olaraq Çaxırlı kənd ağsaqqalları arasından səsvermə yolu ilə idarə heyətinin üzvləri, sədr və sədr müavinlərinon seçilmə qaydası barədə tədbir iştirakçılarına məlumat verdi.

Tədbirdə açıq səsvermə yolu ilə: Babayev Eldəniz Əlif oğlu, Vəliyev Naqil Xanbaba oğlu, Rəhimov Əslan Cəmil oğlu, Rəhimov Mirqələm Əhməd oğlu, Ağayev Agasəf Köntö oğlu, Məmmədov Aqil Ağakərim oğlu, Mehdiyev Elman Fəyyaz oğlu, Ağayev Etibar Köntö oğlu və Xammədov Şövqü Məriş oğlu idarə heyətinin üzvləri, onların arasından isə Babayev Eldəniz Əlif oğlu sədr, Vəliyev Naqil Xanbaba oğlu müavin, Rəhimov Əslan Cəmil oğlu müavin seçildilər.

Sonra yeni seçilən Çaxırlı kənd ağsaqqallar şurasının sədrinə və müavinlərə Azərbaycan Ağsaqqallar Şurasının xüsusi nişanları təqdim olundu.

Rayon ağsaqqallar şurasının sədri Saleh Səmədov yeni təsis edilən Çaxırlı kənd ağsaqqallar şurasının üzvlərini təbrik edərək onlara gələcək fəaliyyətlərində uğurlar arzuladı.

Tədbirin sonunda xatirə fotoları çəkildi.

Paylaş:

Baxılıb: 812 dəfə