Bu torpaqlarda əbədi yaşayacağıq

Bakı:

24 °C

59 %

1 m/s

Əlaqə

AZ RU EN

Ana səhifə / YAP xəbərləri / Bu torpaqlarda əbədi yaşayacağıq

Bu torpaqlarda əbədi yaşayacağıq

01.12.2022 [11:12]

2021-ci ilin fevralında Laçına səfəri zamanı ölkə Prezidenti, Silahlı Qüvvələrin Müzəffər Ali Baş Komandanı İlham Əliyevin Güləbird kəndində Azərbaycan bayrağını qaldırdıqdan sonra çıxışında səsləndirdiyi fikirləri bir daha xatırlatmaq istərdik: “Bax, durmuşam burada - Laçın rayonunda. Bu torpaqları düşməndən azad edən Müzəffər Ordunun Ali Baş Komandanı kimi Azərbaycan bayrağını qaldırmışam və bu bayrağın altında Azərbaycan xalqına doğma Laçın diyarından müraciət edirəm. Bizim Qələbəmiz tarixi Qələbədir. Biz tarixi ədaləti bərpa etdik. Biz öz haqlarımızı bərpa etdik, biz şəhidlərimizin qanını aldıq, biz düşməndən qisas aldıq və qayıtmışıq. İndi isə bərpa işləri gedir və gedəcək. Mən demişəm, biz bu bölgəni - Qarabağı cənnətə çevirəcəyik. Artıq bütün göstərişlər verilib. Bütün işlər görülür, planlı şəkildə görüləcək və biz bundan sonra bu torpaqlarda əbədi yaşayacağıq. Heç kim bizi bundan sonra bu torpaqlardan tərpədə bilməz. Qarabağ bizimdir! Qarabağ Azərbaycandır!” Ermənistan işğalçı tərəf olaraq Cenevrə Konvensiyaları ilə üzərinə düşən öhdəliklərini kobud şəkildə pozaraq, Laçın rayonunda coğrafi adların dəyişdirilməsi, rayonun təbii resurslarının talan edilməsi və qazanc mənbəyinə çevrilməsi, əsasən, Suriyadan olan erməni əsilli qaçqınlar olmaqla məqsədyönlü məskunlaşma siyasətini apararaq demoqrafik tərkibin dəyişdirilməsi kimi qeyri-qanuni əməllər ilə məşğul olub. Bu cür əməllər bütün beynəlxalq konvensiyalarda hərbi cinayət kimi təsbit edilir və bu cinayət dünya ictimaiyyətinin gözü qarşısında baş vermişdir. Azərbaycan xalqı özü beynəlxalq qanunlarının aliliyini və tarixi ədaləti bərpa etdi. 44 günlük İkinci Qarabağ müharibəsi nəticəsində əldə etdiyimiz Qələbə nəticəsində imzalanmış üçtərəfli Bəyanata əsasən, 2020-ci ilin 1 dekabr tarixində Laçın rayonu Azərbaycana təhvil verildi. Bundan əvvəl, noyabrın 9-u Laçın rayonunun Güləbürd, Səfiyan və Türklər kəndləri Azərbaycan Silahlı Qüvvələri tərəfindən işğaldan azad edilmişdir. 2022-ci ilin avqustun 26-da isə Laçın şəhəri, Zabux və Sus kəndləri nəzarətə götürüldü. 2020-ci il noyabrın 26-da “Laçının azad olunmasına görə” medalı təsis edilib. Müzəffər Ali Baş Komandan, Prezident İlham Əliyevin Sərəncamları ilə Laçın rayonunun işğaldan azad edilməsi uğrunda aparılmış döyüş əməliyyatlarında iştirak edərək şəxsi igidlik və şücaət nümayiş etdirmiş Azərbaycan Respublikası Silahlı Qüvvələrinin 8397 hərbi qulluqçusu “Laçının azad olunmasına görə” medalı ilə təltif olunub. Zəfərimizdən dərhal sonra dövlət başçısı, Müzəffər Ali Baş Komandan İlham Əliyevin və birinci xanım Mehriban Əliyevanın işğaldan azad edilmiş ərazilərimizə səfərləri başladı. Ötən ilin 14 fevral tarixində Prezident İlham Əliyev və birinci xanım Mehriban Əliyeva Laçın rayonunda səfərdə oldular. Silahlı Qüvvələrin Müzəffər Ali Baş Komandanı İlham Əliyev Güləbird kəndində Azərbaycan Bayrağını ucaltdı. Dövlət başçısının işğaldan azad edilmiş torpaqlarımıza hər səfəri tarixi Zəfərimizin təqdimatıdır. Cənab İlham Əliyevin Laçın rayonuna gerçəkləşdirdiyi 4 səfərin hər biri laçınlıların öz doğma yurd-yuvalarına qayıdışını yaxınlaşdıran addımlarla zəngindir. İki ildə görülən işlərin miqyasına diqqət yetirmək kifayətdir. İlk səfər Güləbird kəndində Azərbaycan Bayrağının ucaldılması ilə yadda qaldı. Eyni zamanda, su elektrik stansiyasının açılışı oldu. 2021-ci ilin 16 avqust tarixində reallaşdırılan səfər zamanı Laçın Beynəlxalq Hava Limanının təməlqoyma mərasimi keçirildi. 2022-ci ilin iyun ayının 26-dakı səfər zamanı isə Kəlbəcər-Laçın avtomobil yolunun inşası prosesi ilə, “Qorçu” elektrik stansiyasında görülən işlərlə, “Həkəriçaq” su anbarı layihəsi, Laçın Beynəlxalq Hava Limanında aparılan tikinti işləri ilə tanışlıq oldu. Müzəffər Ali Baş Komandan İlham Əliyevin növbəti səfəri bu il avqust ayının 26-da “Bu gün, avqustun 26-da biz – azərbaycanlılar Laçın şəhərinə qayıtmışıq. Azərbaycan Ordusu Laçın şəhərinə yerləşdi. Zabux və Sus kəndləri nəzarətə götürüldü. Bütün laçınlıları və Azərbaycan xalqını bu münasibətlə təbrik edirəm. Yaşasın Laçın! Yaşasın Azərbaycan!” müjdəsindən sonra 21 sentyabr tarixində oldu. Dövlət başçısı Laçın şəhərində Azərbaycan Bayrağını ucaltdı. Laçın şəhərində inşa ediləcək “Laçın” yarımstansiyasının təməlqoyma mərasimi keçirildi. Sadalananlar qısa müddətdə görülən işlərin xronologiyasıdır. Atılan hər bir addım laçınlıların öz doğma yurd-yuvalarına qayıdacağı günü yaxınlaşdırır. Laçınlıların birinci qrupu öz doğma şəhərinə gələn ilin sonuna qədər qayıda bilərlər. Ondan sonra rayona yeni nəfəs gələcək, malik olduğu potensialdan səmərəli istifadə etməklə Azərbaycanın dayanıqlı inkişafına töhfələr veriləcək.

Nihad Pənahov

YAP Tovuz rayon təşkilatının sədri

Paylaş:

Baxılıb: 492 dəfə