Vətən müharibəsi şəhidinin xatirəsi yad edilib

Bakı:

27 °C

40 %

7 m/s

Əlaqə

AZ RU EN

Ana səhifə / YAP xəbərləri / Vətən müharibəsi şəhidinin xatirəsi yad edilib

Vətən müharibəsi şəhidinin xatirəsi yad edilib

28.09.2022 [16:54]

28 sentyabr 2022-ci il tarixdə Vətən müharibəsində qəhrəmancasına şəhid olmuş, Xocavənd rayon Əmirallar kənd sakini Balakişiyev Qara Əmirxan oğlunun anım günü münasibətilə Xocavənd qəsəbəsində yerləşən Şəhidlər məzarlığında tədbir keçirilmişdir. Tədbirdə YAP Xocavənd rayon təşkilatının sədri və aparat əməkdaşları, rayon İcra Hakimiyyətinin əməkdaşaları, şəhid ailələrinin üzvləri, I və II Qarabağ müharibəsi iştirakçıları, veteranlar və rayon ictimaiyyəti nümayəndələri iştirak etmişdir. Tədbir iştirakçıları öncə şəhidlərin məzarları önünə qərənfillər düzmüş, onların əziz xatirəsinə ehtiramlarını bildirmişlər. Daha sonra canlarını Azərbaycanın ərazi bütövlüyü uğrunda qurban vermiş Vətən müharibəsi şəhidlərinin əziz xatirəsinə dualar oxunaraq, xatirələri bir dəqiqəlik sükutla yad edilmişdir.

Tədbirdə Xocavənd Rayon İcra Hakimiyyətinin başçısı Eyvaz Hüseynov çıxış edərək bildirmişdir ki, Ermənistan silahlı qüvvələrinin 2020-ci il sentyabrın 27-də törətdiyi növbəti hərbi təxribata cavab olaraq, Azərbaycan Respublikasının Silahlı Qüvvələrinin Ali Baş Komandanı, cənab Prezident İlham Əliyevin əmri ilə Azərbaycan Respublikasının Silahlı Qüvvələri əks-hücum əməliyyatlarına başlamış və 44 gün davam edən Vətən müharibəsi rəşadətli Ordumuzun qələbəsi ilə başa çatmışdır. Natiq qeyd etmişdir ki, Vətən müharibəsində Xocavənd rayon sakinləri də fəal iştirak etmiş, 8 nəfər xocavəndli döyüş əməliyyatlarında qəhrəmanlıq göstərərək şəhidlik zirvəsinə ucalmışlar. E. Hüseynov Vətən müharibəsində iştirak edərək qəhrəmancasına şəhid olmuş Balakişiyev Qara Əmirxan oğlunun döyüş yolu barədə tədbir iştirakçılarına ətradflı məlumat vermişdir. Şəhidin valideynlərinə və ailə üzvlərinə başsağlığı verərək, belə qəhrəman övlad böyütdükləri üçün minnətdarlığını bildirmişdir. Tədbirdə çıxış edən şəhidin anası Nazimə Balakişiyevə övladının qəhrəmanlığı ilə fəxr etdiyini bildirmiş, Şəhid ailələrinə göstərilən diqqət və qayğı görə Azərbaycan Respublikasının Prezidenti Ali Baş Komandan cənab İlham Əliyevə və rayon rəhbərliyinə öz dərin minnətdarlığını bildirmişdir.

Digər çıxış edənlər Qara Balakişiyevin məktəb və hərbidə xidmət etdiyi illərdən söz açaraq onun mehiriban, güləriz, ailəcanlı və sədaqətli gənc olduğunu bildirmişlər. Natiqlər Şəhidlərin keçdikləri şərəfli ömür yolunun daim təbliğ olunmasını və gələcək nəsillərə ötürülməsinin vacibliyini vurğulamışlar.

Xocavənd rayon Əmirallar kənd sakini, Balakişiyev Qara Əmirxan oğlu Vətən müharibəsinin ilk günündən döyüşlərə atılmış, düşmənin xeyli sayda post və istehkamlarının dağıdılmasında xüsusi şücayət göstərmişdir. O, 27 Sentyabr 2020-ci il tarixdə canını Vətən torpağı uğrunda fəda edərək müqəddəs Şəhidlik zirvəsinə ucalmışdır. Azərbaycan Respublikası Prezidentinin müvafiq sərəncamları ilə ölümündən sonra “Füzulinin azad olunmasına görə” İgidliyə görə” , “Vətən Uğrunda” "Cəsur döyüşçü" medalları ilə təltif edilmişdir. Allah rəhmət eləsin.

Paylaş:

Baxılıb: 543 dəfə