YAP Bərdə rayon təşkilatında yüksək bal toplayan gənclərlə görüş keçirilib

Bakı:

23 °C

64 %

5 m/s

Əlaqə

AZ RU EN

Ana səhifə / YAP xəbərləri / YAP Bərdə rayon təşkilatında yüksək bal toplayan gənclərlə görüş keçirilib

YAP Bərdə rayon təşkilatında yüksək bal toplayan gənclərlə görüş keçirilib

22.09.2020 [08:41]

Yeni Azərbaycan Partiyası (YAP) Bərdə rayon təşkilatında ali məktəblərə qəbul imtahanlarında 600-dən yuxarı bal toplayan məzunlarla onlayn görüş keçirilib. Tədbiri giriş sözü ilə açan YAP Bərdə rayon təşkilatının sədri Fəqət Şadlinskaya məzunları YAP rayon təşkilatı adından təbrik edib. O, qeyd edib ki, bu gün ölkəmiz Prezident İlham Əliyevin rəhbərliyi ilə inkişaf dövrünü yaşayır. Ölkəmizdə təhsilin inkişafına proritet istiqamət olaraq cox böyük diqqət və qayğı ilə yanaşılır.
Onun sözlərinə görə, respublikamızın hər yerində ölkə rəhbəri cənab İlham Əliyevin və Birinci vitse-prezident Mehriban xanım Əliyevanın rəhbərliyi ilə müasir məktəb binalarının tikintisi, onların maddi texniki bazasının məhkəmləndirilməsi məhz bu sahəyə olan diqqətin nümunəsidir. Hər zaman Heydər Əliyev ideyalarına arxalanan Yeni Azərbaycan Partiyası gənclərin təhsilli, bilikli, qabiliyyətli olaraq yetişməsinə öz töhfələrini verir. F.Şadlinskaya daha sonra bildirib ki, Bərdədə təhsilin uğurlu ənənələri var. Belə ki, bu il Bərdə rayonunda tam orta məktəbi bitirənlərin sayı 1258 nəfər olub, onlardan 783 ali məktəblərə qəbul olunmaq üçün sənəd verib, 583 nəfər kecid balı toplayraq, ali məktəblər qəbul üçün seçim etmək şansı qazanıblar. Bu il 17 məzun 600-dən yuxarı, 68 məzun 500-dən yuxarı bal toplayıb.
Görüşdə iştirak edən rayon Gənclər və İdman idarəsinin rəisi Hikmət Ələkbərli, YAP Bərdə rayon təşkilatı Gənclər Birliyinin sədri Elşən Məmmədov, YAP rayon təşkilatı Qadınlar Şurasının sədri Xuraman Qurbanova, Bərdə Gənclərin İnkişaf və Karyera Mərkəzinin direktoru Şəmsiyyə Abbaszadə, Bərdə regional “ASAN” xidmət mərkəzinin könüllülər üzrə məsul şəxsi Şamxal Yaqubov, YAP Bərdə rayon təşkilatının veteran üzvü Aydın Qasımov və başqaları çıxış edərək gəncləri təbrik ediblər. Tədbirdə çıxış edən millət vəkili Fatma Yıldırım məzunların hər birini təbrik edib, ölkəmizdə bünövrəsi Ümummilli Lider Heydər Əliyev tərəfindən qoyulan dövlət təhsil və gənclər siyasətinin bugün cənab Prezident İlham Əliyev və Birinci vitse-prezident Mehriban xanım Əliyeva tərəfindən uğurla davam etdirildiyini, aparılan islahatların kökündə insan amili dayandığını bildirib. Onlayn görüşdə çıxış edən gənclər göstərilən diqqətə görə minnətdarlıq ediblər.
Sonda yüksək bal toplamış məzunlara qiymətli hədiyyələr təqdim olunub.

Paylaş:

Baxılıb: 715 dəfə