YAP Nərimanov rayon təşkilatı Gənclər Birliyinin üzvlərinin Milli Məclisin deputatı Hikmət Babaoğlu ilə onlayn görüşü keçirilib

Bakı:

22 °C

83 %

9 m/s

AZ RU EN

Ana səhifə / YAP xəbərləri / YAP Nərimanov rayon təşkilatı Gənclər Birliyinin üzvlərinin Milli Məclisin deputatı Hikmət Babaoğlu ilə onlayn görüşü keçirilib

YAP Nərimanov rayon təşkilatı Gənclər Birliyinin üzvlərinin Milli Məclisin deputatı Hikmət Babaoğlu ilə onlayn görüşü keçirilib

18.09.2020 [09:24]

Sentyabrın 17-də Yeni Azərbaycan Partiyası (YAP) Nərimanov rayon təşkilatı Gənclər Birliyinin təşəbbüsü ilə Milli Məclisin deputatı, “Yeni Azərbaycan” qəzetinin baş redaktoru Hikmət Babaoğlu ilə gənclərin “İnformasiya təhlükəsizliyi milli təhlükəsizliyimizin tərkib hissəsi kimi” mövzusunda videokonfrans formatında görüşü keçirilib.
Görüşdə Milli Məclisin deputatı Hikmət Babaoğlu gənclərə informasiya təhlükəsizliyi və onun Azərbaycanın milli təhlükəsizliyinin komponentlərindən biri kimi əhəmiyyəti barədə geniş məlumat verib. Hikmət Babaoğlu qeyd edib ki, internet resurslarından istifadənin qlobal xarakter aldığı, geniş yayıldığı, informasiya inklüzivliyinin mövcud olduğu müasir dövrdə milli informasiya məkanının qorunması strateji vəzifələrdən biridir. Ümumiyyətlə, sosial medianın imkanlarının genişlənməsi informasiya təhlükəsizliyi anlayışına yeni məzmun gətirir və bu istiqamətdə milli maraqlardan irəli gələn addımların atılması vacib amilə çevrilir. Belə bir şəraitdə, heç şübhəsiz, transmilli şirkətlər olan “Facebook”, “Twitter” və digər platformalarda münasibətlərin hüquq müstəvisində tənzimlənməsi olduqca mühüm məsələlər sırasında yer alır.
Deputat bildirib ki, sosial şəbəkələr mənəvi sferadan başlamış mədəni-etik sferaya qədər hər yerdə dəyərləri bəzən terrorizə edir, əxlaqi keyfiyyətlərin lazımi əsaslarda formalaşmasına mənfi təsir göstərir. Ona görə də sosial şəbəkələrdə formalaşmış ictimai münasibətlərin mütləq hüquqla tənzimlənməsi zərurəti yaranır.
“İnternet azadlığının heç bir halda digər azadlıqları məhdudlaşdırmamalı olduğu nəzərə alınaraq onlayn platformada balansın əldə olunması üçün hüquqi tənzimlənmələrin həyata keçirilməsi labüddür. Sosial şəbəkələrlə bağlı beynəlxalq səviyyədə universal normativ hüquqi aktların hazırlanması və tətbiqi ilə bağlı intensiv müzakirələr aparılır, ayrı-ayrı ölkələrdə qanunlara əlavələr edilir, yeni qanunların qəbulunun gündəmdə olduğu nəzərə çarpır. Təbii ki, qlobal xarakter və məzmun kəsb edən belə bir şəraitdə Azərbaycan da prosesdən kənarda qalmamalı və ümumi işə öz töhfəsini vermək üçün müvafiq addımlar atmalıdır. Çünki bu amillər informasiya təhlükəsizliyinin təmin olunmasında vacib şərtlərdən biridir”, - deyə Hikmət Babaoğlu vurğulayıb.
Görüşdə YAP Nərimanov rayon təşkilatı Gənclər Birliyinin sədri Nərminə Yunusova və digər çıxış edənlər informasiya təhlükəsizliyi məsələsində mövcud vəziyyətlə bağlı fikirlərini bildiriblər. Eyni zamanda, millət vəkili gəncləri maraqlandıran sualları cavablandırıb.

Paylaş:

Baxılıb: 804 dəfə