Rövlan Heydərov: Prezident İlham Əliyevin rəhbərliyi ilə Azərbaycanda bütün dünyada nümunə göstərilən və maraqla izlənilən inkişaf modeli formalaşıb

Bakı:

20 °C

51 %

0 m/s

AZ RU EN

Ana səhifə / YAP xəbərləri / Rövlan Heydərov: Prezident İlham Əliyevin rəhbərliyi ilə Azərbaycanda bütün dünyada nümunə göstərilən və maraqla izlənilən inkişaf modeli formalaşıb

Rövlan Heydərov: Prezident İlham Əliyevin rəhbərliyi ilə Azərbaycanda bütün dünyada nümunə göstərilən və maraqla izlənilən inkişaf modeli formalaşıb

05.09.2020 [09:04]

“Prezident İlham Əliyev yeni əsrin yeni lideri olaraq Azərbaycanı inamla irəli aparır. Onun Azərbaycana rəhbərlik etdiyi 17 il ölkəmizin dinamik inkişafı, sürətlə müasirləşməsi, dünyada nüfuz və söz sahibinə çevrilməsi ilə səciyyələnib. Dövlət başçımız Azərbaycanın milli maraqlarını bütün səviyyələrdə qətiyyətlə qoruyur, eyni zamanda, qlobal həmrəyliyin, ölkələr arasında əməkdaşlığın möhkəmlənməsinə, təhdidlərin qarşısının alınmasına hesablanan yeni təşəbbüslər irəli sürür. Beynəlxalq ictimaiyyət də qlobal böhranlardan çıxış yolları axtarışında Onun fikrinə, rəyinə hörmətlə yanaşır”. Bu fikirləri Yeni Azərbaycan Partiyası (YAP) Naftalan şəhər təşkilatının aparat rəhbəri Rövlan Heydərov deyib.
Onun sözlərinə görə, Prezident İlham Əliyevin qətiyyətli və məqsədyönlü fəaliyyəti nəticəsində müstəqil Azərbaycan Ulu Öndər Heydər Əliyevin əsasını qoyduğu milli maraqlara əsaslanan çoxvektorlu xarici siyasət kursunun həyata keçirilməsində, o cümlədən əsas problemimiz olan Dağlıq Qarabağ münaqişəsi ilə bağlı əsl həqiqətlərin dünya ictimaiyyətinə çatdırılmasında, Ermənistanın təcəvüzkar siyasətinin ifşa olunmasında diqqətəlayiq uğurlar qazanıb: “Təsadüfi deyil ki, düşmənin dövlət sərhədinin Tovuz rayonu istiqamətində törətdiyi növbəti təxribatın qarşısını qətiyyətlə alan Azərbaycana güclü beynəlxalq dəstək gəldi. Açıq-aydın görünür ki, Azərbaycanın hücum diplomatiyasının məntiqi nəticəsi olaraq işğalçı Ermənistanın beynəlxalq səviyyədə mövqeyi zəifləyib”.
Şəhər təşkilatının aparat rəhbəri bildirib ki, Prezident İlham Əliyevin rəhbərliyi ilə Azərbaycanda bütün dünyada nümunə göstərilən və maraqla izlənilən bir inkişaf modeli formalaşıb. Bu, hazırda bütün parametrlər baxımından zirvədə dayanan müasir Azərbaycan dövləti modelidir.
Rövlan Heydərovun sözlərinə görə, Prezident İlham Əliyevin cəmiyyətdən gələn sosial sifarişlər əsasında həyata keçirdiyi daxili siyasət ölkədə vətəndaş məmnunluğunun davamlı şəkildə artmasını şərtləndirir: “Dövlət başçımız dəfələrlə bəyan edib ki, ölkəmizdə aparılan siyasətin mərkəzində Azərbaycan vətəndaşlarının mənafeyi və maraqları dayanır. Respublikamızda dövlət başçısının siyasi iradəsi ilə müəyyənləşdirilən bu strateji kursa uyğun olaraq dərinməzmunlu sosial siyasət həyata keçirilir. Ötən il ölkəmizdə Prezident İlham Əliyevin imzaladığı müfaviq Fərman və sərəncamlar əsasında iki mərhələdə reallaşdırılan böyük sosial paket 4 milyondan çox insanı əhatə etdi. Azərbaycan dövlətinin 2020-ci ildə pandemiyanın mənfi təsirlərini önləmək üçün reallaşdırdığı sosial paketdən isə 5 milyon vətəndaş bəhrələnir. Bütün bunlar respublikamızda ədalətli resurs bölgüsünün təmin olunduğunu təsdiqləyir”.

Paylaş:

Baxılıb: 739 dəfə