Fərid Bağırzadə: Bütün sahələri əhatə edən kadr islahatlarında gənclərə böyük etimad göstərilməsi mühüm əhəmiyyətə malikdir

Bakı:

24 °C

88 %

1 m/s

AZ RU EN

Ana səhifə / YAP xəbərləri / Fərid Bağırzadə: Bütün sahələri əhatə edən kadr islahatlarında gənclərə böyük etimad göstərilməsi mühüm əhəmiyyətə malikdir

Fərid Bağırzadə: Bütün sahələri əhatə edən kadr islahatlarında gənclərə böyük etimad göstərilməsi mühüm əhəmiyyətə malikdir

22.08.2020 [00:30]

“Ölkəmizdə həyata keçirilən inkişaf siyasəti bütün sahələrdə böyük uğurların əldə edilməsi ilə şərtlənir. Eyni zamanda, inkişaf siyasəti Azərbaycan gəncliyinin də yeni nailiyyətlər qazanmasında başlıca rol oynayır”.

Bu fikirləri Yeni Azərbaycan Partiyası (YAP) Şabran rayon təşkilatı Gənclər Birliyinin sədri Fərid Bağırzadə deyib.

F.Bağırzadə bildirib ki, Azərbaycanda ötən illər ərzində həyata keçirilən genişmiqyaslı islahatlar, icra olunan sosial proqramlar, dövlət idarəçiliyindəki yeniliklər, operativlik və çeviklik, kadr islahatları ciddi nəticələr verməkdədir. Onun sözlərinə görə, bütün sahələri əhatə edən kadr islahatlarında gənclərə böyük etimad göstərilməsi, onların yüksək vəzifələrə təyin olunması mühüm əhəmiyyətə malik olmaqla yanaşı, uğurla həyata keçirilən gənclər siyasətinin göstəricisidir: “Azərbaycanda dövlət gənclər siyasətinin əsası Ümummilli Liderimiz Heydər Əliyev tərəfindən qoyulub. Bu siyasət hazırda Prezidentimiz cənab İlham Əliyev tərəfindən uğurla davam etdirilir. Ötən illər ərzində gənclərlə bağlı dövlət proqramlarının qəbul olunaraq həyata keçirilməsi, gənclərin vətənpərvərlik ruhunda formalaşdırılması, yüksək biliklər qazanması, onların sosial məsələlərinin həlli, mənzil məişət şəraitinin yaxşılaşdırılması və s. tədbirlər mühüm nəticələr verir. Əminliklə söyləmək olar ki, Azərbaycan gəncləri ölkəmizi beynəlxalq arenada da uğurla təmsil edirlər. Bütövlükdə, Azərbaycanda həyata keçirilən dövlət gənclər siyasəti nəinki bölgədə, hətta bütün dünyada nümunəvi model kimi qəbul oluna bilər. Azərbaycan dövləti hər bir gəncin qayğısına qalır, onun inkişafı üçün şərait yaradır. Ölkəmizdə neft kapitalının insan kapitalına çevrilməsi istiqamətində davamlı addımlar atılır ki, burada əsas rol gənclərin payına düşür. Çünki gənc nəslin yüksək biliklərə yiyələnməsi nəticə etibarilə insan kapitalımızı daha da gücləndirir”.

Rayon təşkilatının Gənclər Birliyinin sədri onu da qeyd edib ki, gənclərimiz, həmçinin torpaqlarımızın azadlığı uğrunda böyük qəhrəmanlıq, fədakarlıq nümunələri göstərirlər ki, bu da təbiidir. Çünki müstəqil dövlətimizə xidmət göstərmək hər bir gənc üçün qürurvericidir.

Paylaş:

Baxılıb: 767 dəfə