Etibar Məmmədov: Ölkəmizdə gənc nəslin mənəvi-ideoloji tərbiyəsinə, onların sağlamlığının qorunmasına xüsusi qayğı ilə yanaşılır

Bakı:

23 °C

52 %

4 m/s

AZ RU EN

Ana səhifə / YAP xəbərləri / Etibar Məmmədov: Ölkəmizdə gənc nəslin mənəvi-ideoloji tərbiyəsinə, onların sağlamlığının qorunmasına xüsusi qayğı ilə yanaşılır

Etibar Məmmədov: Ölkəmizdə gənc nəslin mənəvi-ideoloji tərbiyəsinə, onların sağlamlığının qorunmasına xüsusi qayğı ilə yanaşılır

21.08.2020 [09:09]

“Hər bir ölkədə dövlətçiliyin, müstəqilliyin daha da möhkəmləndirilməsi, gələcəyin etibarlı təminatı ilk növbədə intellektual səviyyəli potensial kadrların yetişdirilməsindən, gənclərin cəmiyyətin bütün sferalarında iştirakından, onların aparıcı qüvvəyə çevrilməsindən çox asılıdır. Bu baxımdan, Azərbaycan müsbət mənada fərqlənir. Əsası Ümummilli Lider Heydər Əliyev tərəfindən qoyulmuş dövlət gənclər siyasətinin Prezident İlham Əliyev tərəfindən uğurla davam etdirilməsinin nəticəsidir ki, bu gün Azərbaycan gəncləri ictimai-siyasi, sosial-mədəni və digər sahələrdə fəal iştirak edirlər”.
Bu fikirləri Yeni Azərbaycan Partiyası (YAP) Yevlax şəhər təşkilatı Gənclər Birliyinin üzvü Etibar Məmmədov deyib.
Onun sözlərinə görə, ölkəmizdə gənc nəslin mənəvi-ideoloji tərbiyəsinə, onların sağlamlığının qorunmasına xüsusi diqqət və qayğı ilə yanaşılır: “Prezident İlham Əliyev gənclərə malik olduqları qabiliyyət, həmçinin intellektual imkanlar müqabilində geniş meydan verməyin tərəfdarı kimi bu təbəqəyə daim böyük diqqət və qayğı göstərir. Azərbaycanın qüdrətli dövlətə çevrilməsi naminə gənclərin imkanlarından daha dolğun istifadə edilməsi, həmçinin bunun üçün əlverişli şəraitin yaradılması gənclər siyasətinin əsasını təşkil edir”.
“Dövlət başçısının gənclərin potensialından ölkənin mənafeyi naminə tam və düzgün istifadə olunması, onların faydalı məşğulluğunun, dövlət idarəçiliyi sistemində iştirakının təmin edilməsi məqsədilə 2005-ci il avqustun 30-da imzaladığı “Azərbaycan Gəncliyi Dövlət Proqramının (2005-2009-cu illər) təsdiq edilməsi haqqında” və “Azərbaycan gəncliyi 2011-2015-ci (2017-2021) illərdə” Dövlət proqramları xüsusi qeyd edilməlidir. Hazırda 2015-2025-ci illəri əhatə edən Azərbaycan gənclərinin İnkişaf Strategiyası uğurla icra olunmaqdadır”, - deyə Etibar Məmmədov bildirib.
O deyib ki, gənclərimizin mühüm bir qismi hazırda Silahlı Qüvvələrimizin sıralarında Vətən qarşısındakı müqəddəs borcunu yerinə yetirməkdədir: “Onlar burada təlim və məşğələlərdə döyüş hazırlığını artırır, Azərbaycanın təhlükəsizliyi naminə qüvvələrini əsirgəmirlər. 2016-cı ilin aprel döyüşlərində işğal altında olan torpaqların azad olunması, bu ilin iyul ayında Tovuz rayonunda düşmən qüvvələrinin qətiyyətlə geri oturdulması zamanı Azərbaycan əsgərinin qəhrəmanlıq nümayiş etdirməsi, son damla qanına kimi vuruşaraq şəhidlik zirvəsinə yüksəlməsi bir daha sübut etdi ki, gənclərimizin vətənpərvərlik duyğuları çox yüksəkdir”.

Paylaş:

Baxılıb: 749 dəfə