YAP Pirallahı rayon təşkilatında “14 iyul 1969-cu il-milli tariximizin unudulmaz günü” mövzusunda videokonfrans keçirilib

Bakı:

20 °C

52 %

2 m/s

AZ RU EN

Ana səhifə / YAP xəbərləri / YAP Pirallahı rayon təşkilatında “14 iyul 1969-cu il-milli tariximizin unudulmaz günü” mövzusunda videokonfrans keçirilib

YAP Pirallahı rayon təşkilatında “14 iyul 1969-cu il-milli tariximizin unudulmaz günü” mövzusunda videokonfrans keçirilib

15.07.2020 [08:39]

Yeni Azərbaycan Partiyası (YAP) Pirallahı rayon təşkilatında Ümummilli Lider Heydər Əliyevin Azərbaycanda ilk dəfə hakimiyyətə gəlməsinin 51-ci ildönümü münasibətilə “14 iyul 1969-cu il-milli tariximizin unudulmaz günü” mövzusunda videokonfrans keçirilib. Tədbirdə çıxış edən YAP Pirallahı rayon təşkilatının sədri Hikmət Şikarov bildirib ki, 30 ildən artıq bir müddətdə Azərbaycan dövlətçiliyinin taleyi dahi və uzaqgörən şəxsiyyət Heydər Əliyevlə bağlı olub.
Onun sözlərinə görə, 1969-cu ilin 14 iyulunda Ulu Öndər Heydər Əliyevin Azərbaycana rəhbər təyin olunması ilə respublikamızın tarixində, xalqımızın taleyində ciddi dönüşün əsası qoyuldu: “Həmin dövrdə respublikada bərqərar edilən əsl işgüzarlıq mühiti, sosial ədalətə əsaslanan sağlam mənəvi-psixoloji ab-hava iqtisadi tərəqqinin yüksək həddə çatmasına, Azərbaycanın keçmiş ittifaq miqyasında nüfuz qazanmasına, hətta beynəlxalq səviyyədə tanınmasına imkan verdi. Bu gün qətiyyətlə deyə bilərik ki, Azərbaycanın indiki siyasi və iqtisadi müstəqilliyi, beynəlxalq münasibətlər sisteminə və dünya iqtisadiyyatına inteqrasiyası hələ ötən əsrin 70-80-ci illərində təməli Ulu Öndər Heydər Əliyev tərəfindən qoyulmuş potensiala əsaslanır. Bir sözlə, Heydər Əliyev ideyaları həyatımızın başlıca gerçəkliyi, inkişafımızın təməl daşı olaraq artıq əbədiyaşarlıq qazanıb”.
Rayon təşkilatının sədri deyib ki, Ümummilli Lider Heydər Əliyevin ideyaları Azərbaycan Prezidenti, Yeni Azərbaycan Partiyasının Sədri İlham Əliyev tərəfindən uğurla davam etdirilir. Azərbaycanın sosial-iqtisadi inkişafı bu gün, ilk növbədə, insanların gündəlik həyatında özünü qabarıq biruzə verir. Azərbaycan Prezidenti cənab İlham Əliyevin yürütdüyü siyasətin məqsədyönlülüyü, ardıcıllığı, bu siyasətin ölkənin milli mənafelərini əks etdirməsi ölkəmizin hər bir vətəndaşında gələcəyə böyük inam və əminlik yaradır. Bu gün Prezident İlham Əliyevin rəhbərliyi ilə Azərbaycanın istər daxili, istərsə də xarici siyasətdə əldə etdiyi hər bir uğur Ulu Öndər Heydər Əliyevin zəkasının təcəssümü, Onun milli tərəqqi ideyalarının təzahürüdür.
Tədbirdə həmçinin, Pirallahı rayon Ağsaqqallar Şurasının sədri FazilMəhəmmədov, veteran neftçi Səməd Əhmədov, YAP Pirallahı rayon təşkilatının sədr müavini Əli Kərimov, 186 saylı tam orta məktəbin direktoru Şakir Mikayılov, 235 saylı tam orta məktəbin tarix müəllimi Türkan Məmmədova və digərləri çıxış ediblər.

Paylaş:

Baxılıb: 584 dəfə