Rafiq Əliyev: Azərbaycan dövləti vətəndaşlarımızın sağlamlığının və təhlükəsizliyinin qorunmasına böyük önəm verir

Bakı:

16 °C

72 %

8 m/s

AZ RU EN

Ana səhifə / YAP xəbərləri / Rafiq Əliyev: Azərbaycan dövləti vətəndaşlarımızın sağlamlığının və təhlükəsizliyinin qorunmasına böyük önəm verir

Rafiq Əliyev: Azərbaycan dövləti vətəndaşlarımızın sağlamlığının və təhlükəsizliyinin qorunmasına böyük önəm verir

09.07.2020 [16:01]

“Azərbaycan dövləti koronavirus pandemiyasının elan olunduğu ilk günlərdən bütün vacib və təxirəsalınmaz addımları atıb. Bu tədbirlər çərçivəsində ölkənin səhiyyə sisteminin səfərbər edilməsi və mövcud imkanların daha da artırılması üçün mühüm işlər görülüb. Azərbaycanda fəaliyyət göstərən 45 müasir tipli xəstəxananın koronavirus xəstələrinin müalicəsi üçün ayrılması, həmçinin əlavə olaraq modul tipli xəstəxanaların inşa edilməsi dövlətimizin öz vətəndaşlarına, onların sağlamlığının və təhlükəsizliyinin qorunmasına necə böyük önəm verməsinin göstəricisidir”.

Bu fikirləri Yeni Azərbaycan Partiyası (YAP) Yevlaxrayon təşkilatının aparat rəhbəri Rafiq Əliyevdeyib.

R.Əliyevin sözlərinə görə, ölkə rəhbərinin tövsiyə və tapşırıqlarına uyğun olaraq bütün dövlət qurumları öz vəzifələrini ən yüksək səviyyədə icra edir: “Həmin qurumlar dövlət başçısının və Nazirlər Kabineti yanında Operativ Qərargahın qərarlarının icra edilməsi çərçivəsində insanların sağlamlığının və təhlükəsizliyinin qorunması üçün bütün təcili tədbirləri görür. İcra edilən qabaqlayıcı tədbirlər nəticəsində vəziyyətin nəzarətdə saxlanılması mümkün olur”.

Aparat rəhbəri deyib ki, icra edilən bütün tədbirlərlə yanaşı, hər bir ölkə vətəndaşının da üzərinə böyük məsuliyyət düşür: “Ona görə ki, özümüzün, yaxınlarımızın və cəmiyyətimizin sağlamlığı və təhlükəsizliyi naminə karantin qaydalarına əməl etməliyik. Yalnız dövlətin gördüyü tədbirlər və vətəndaşların məsuliyyəti bu bəladan çıxmaq üçün uğurlu nəticələr əldə etməyə imkan verə bilər”.

R.Əliyev xüsusi olaraq vurğulayıb ki, Prezident İlham Əliyevin rəhbərliyi ilə dövlətimiz pandemiya ilə mübarizə istiqamətində lazım olan bütün addımları atır, eyni zamanda dünya birliyini pandemiyaya mübarizədə birgə fəaliyyətə çağırır: “Bu baxımdan, Azərbaycanın rəhbərlik etdiyi beynəlxalq qurumların videokonfrans formatında zirvə görüşlərinin keçirilməsi, habelə BMT-nin Baş Assambleyasının xüsusi sessiyasının çağırılması barədə dövlət başçısı İlham Əliyevin təşəbbüs irəli sürməsi mühüm hadisədir. Ümumdünya Səhiyyə Təşkilatı (ÜST) ilə dövlətimiz arasında əməkdaşlığın yüksək səviyyədə olması, ölkəmizin ÜST-ə ianələr ayırması, habelə yardıma ehtiyac duyan dövlətlərə humanitar yardım göstərməsi də qlobal həmrəyliyə töhfə kimi təqdirəlayiq haldır”.

Paylaş:

Baxılıb: 714 dəfə