Hatəm Qocayev: Azərbaycan Prezidenti İlham Əliyevin təşəbbüsünün 130 dövlət tərəfindən dəstəklənməsi beynəlxalq birliyin ölkəmizə olan böyük etimadının növbəti təzahürüdür

Bakı:

18 °C

82 %

1 m/s

AZ RU EN

Ana səhifə / YAP xəbərləri / Hatəm Qocayev: Azərbaycan Prezidenti İlham Əliyevin təşəbbüsünün 130 dövlət tərəfindən dəstəklənməsi beynəlxalq birliyin ölkəmizə olan böyük etimadının növbəti təzahürüdür

Hatəm Qocayev: Azərbaycan Prezidenti İlham Əliyevin təşəbbüsünün 130 dövlət tərəfindən dəstəklənməsi beynəlxalq birliyin ölkəmizə olan böyük etimadının növbəti təzahürüdür

09.07.2020 [09:47]

“Bu gün dünya ölkələri COVID-19 pandemiyası ilə mübarizə aparır və bu bəladan xilas olmağın yollarını axtarırlar. Pandemiyanın ilk günlərindən dünyada cərəyan edən proseslər göstərdi ki, yoluxma riski və ölüm faktları müxtəlif ölkələrdə eyni deyil. Bəşəriyyətin bu vəziyyətdən mümkün qədər az itkilərlə çıxmasının ən əsas şərtlərindən biri isə qlobal həmrəylikdir. Pandemiya qlobal təhdidlər yaratdığı üçün ayrı-ayrı ölkələr ona qarşı mübarizədə öz səylərini birləşdirməlidirlər”.
Bu fikirləri Yeni Azərbaycan Partiyası (YAP) Naftalan şəhər təşkilatının sədri Hatəm Qocayev deyib.
O bildirib ki, pandemiya insanların həyatını təhlükə altına qoyan ciddi sağlamlıq problemləri yaratmaqla bərabər, mənfi fəsadları hələ uzun müddət hiss olunacaq ciddi qlobal sosial-iqtisadi və humanitar təhlükələr yaradıb.
H.Qocayev söyləyib ki, dünya müharibəsi ilə müqayisə olunan COVID-19 pandemiyası şəraitində özünütəcrid və franqmentar xarakterli tədbirlər əvəzinə, qlobal həmrəyliyə və qlobal baxışa böyük ehtiyac var. Deyilənlər baxımından Azərbaycanın pandemiya şəraitində qlobal həmrəyliyin möhkəmləndirilməsinə hesablanan təşəbbüslərini yüksək dəyərləndirən Hatəm Qocayev vurğulayıb: “Türkdilli Dövlətlərin Əməkdaşlıq Şurasının Sədri statusunda Prezident İlham Əliyevin təşəbbüsü ilə aprel ayında bu təşkilatın dövlət və hökumət başçıları səviyyəsində onlayn formatda fövqəladə Zirvə görüşü keçirildi. Türk Şurası ilk beynəlxalq təşkilat idi ki, COVID-19-a qarşı mübarizə mövzusunda Zirvə görüşü keçirirdi. Eyni zamanda Qoşulmama Hərəkatının Sədri statusunda Azərbaycan Prezidenti İlham Əliyevin təşəbbüsü ilə mayın 4-də qurumun Təmas Qrupunun COVID-19 pandemiyasına həsr edilmiş onlayn Zirvə görüşü təşkil edildi. Prezident İlham Əliyev Qoşulmama Hərəkatının onlayn Zirvə görüşündə çıxışı zamanı qlobal həmrəyliyin nümunəsi kimi pandemiya ilə mübarizə məqsədilə BMT Baş Assambleyasının dövlət və hökumət başçıları səviyyəsində videokonfrans vasitəsilə xüsusi sessiyasının keçirilməsi təklifini irəli sürdü. Bu, Azərbaycanın xoş niyyətini ifadə edir”.
Azərbaycan Prezidentinin təşəbbüsünün dünyanın 130 dövləti tərəfindən dəstək qazandığını deyən təşkilat sədri qeyd edib: “Qaydalara əsasən, BMT-yə üzv ölkələrin çox hissəsi (97 ölkə kifayətdir) təşəbbüsü dəstəklədiyi təqdirdə, xüsusi sessiya təşkil olunmalıdır. Azərbaycan tərəfində olan rəsmi məlumatlara görə, sözügedən müddətin bitməsinə qədər 130-dək ölkə təşəbbüsə dəstək verdikləri barədə Baş katibin ofisini məlumatlandırıb. Azərbaycan Prezidenti İlham Əliyevin təşəbbüsünün 130 dövlət tərəfindən dəstəklənməsi beynəlxalq birliyin ölkəmizə olan böyük etimadının növbəti təzahürüdür”.
Mübariz ABDULLAYEV

Paylaş:

Baxılıb: 704 dəfə