Xocalı soyqırımı erməni vandalizminin ən bariz nümunəsidir

Bakı:

21 °C

88 %

8 m/s

Əlaqə

AZ RU EN

Ana səhifə / YAP xəbərləri / Xocalı soyqırımı erməni vandalizminin ən bariz nümunəsidir

Xocalı soyqırımı erməni vandalizminin ən bariz nümunəsidir

25.02.2010 [09:34]

Faciənin 18-ci ildönümü YAP Sumqayıt şəhər təşkilatında anılıb
Xocalı soyqırımının 18-ci ildönümü ilə əlaqədar Azərbaycanın bütün şəhər və rayonlarında anım mərasimləri keçirilir. Yeni Azərbaycan Partiyası Sumqayıt şəhər təşkilatı da bu soyqırımın ildönümü ilə əlaqədar tədbir keçirib. Tədbirdə çıxış edən YAP Sumqayıt şəhər təşkilatı Qadınlar Şurasının sədri Nazilə Cəlilovanın sözlərinə görə, rus hərbçilərinin köməyi ilə Xocalını işğal edən erməni silahlıları köməksiz, dinc, silahsız insanlara qarşı dünyada görünməyən zorakılıqlar törədiblər: “Həmin dövrdə Azərbaycanda hakimiyyətdə olan qüvvələrin səriştəsizliyi, o cümlədən, müxalifətin yaratdığı silahlı birləşmələrin özbaşınalıqları və dağınıqlığı nəticəsində Xocalıda yaşayan minlərlə insan erməni vəhşiliyi qarşısında tək qaldı. ümummilli liderimiz Heydər Əliyevin 1993-cü ildə xalqın təkidi və tələbi ilə hakimiyyətə gəldikdən sonra Xocalı soyqırımına hüquqi-siyasi qiymət verdi. Məhz Ulu öndərin təşəbbüsü altında bu soyqırımın günahkarlarının adları açıqlandı. Azərbaycan dövlətinin apardığı uğurlu siyasət nəticəsində bu gün bir sıra ölkələrdə Xocalı soyqırımı haqqında dolğun məlumat formalaşdırılıb. Bu istiqamətdə aparılan işlərdə Heydər Əliyev Fondunun və onun rəhbəri-YUNESKO və İSESKO-nun xoşməramlı səfiri, millət vəkili, ölkəmizin birinci xanımı Mehriban Əliyevanın və Heydər Əliyev Fondunun Rusiya nümayəndəliyinin rəhbəri, İslam Konfransı Təşkilatı Gənclər Forumunun mədəniyyətlərarası dialoq üzrə baş əlaqələndiricisi Leyla Əliyevanın fəaliyyəti xüsusilə təqdirəlayiqdir. Xalqımız inanır ki, Azərbaycan Prezidenti İlham Əliyevin apardığı uğurlu siyasət işğal altında olan torpaqlarımızı azadlığına qovuşduracaq və Xocalı soyqırımının günahkarları qanun qarşısında cavab verəcəklər”.
çıxış edən YAP Sumqayıt şəhər təşkilatı Sumqayıt Dövlət Universiteti ərazi ilk təşkilatı Gənclər Birliyinin sədri Elmar Xəlilov da Xocalı soyqırımının bəşər tarixində ən qanlı faciələrdən biri olduğunu bildirib. YAP Sumqayıt şəhər təşkilatının sədr müavinləri Fərman Kazımov və Orucəli Allahverdiyev də beynəlxalq aləmdə Xocalı soyqırımı ilə bağlı təbliğatın aparılmasının vacibliyini önə çəkiblər. Natiqlər bildiriblər ki, Xocalı soyqırımı erməni vandalizminin ən əsas sübutlarındandır.
Tədbirdə Xocalı soyqırımına həsr olunmuş film nümayiş etdirilib.
PƏRVİZ

Paylaş:

Baxılıb: 1677 dəfə